Hibruu 5:11 - Gooti Toolluro Yogalokwono

¹¹ Nevu Krais toolluro pris aguto womdo yodowodo tonyuno kuuguudo bwotonyago pugai'aro ikujo'mo anekullunadopiyo. Toro kuvi kuruv kemoro kaduko ton nuu'nyo'moneyokwe biyolo uu'mwojodupudogaikikono. Toro tovino tov nevu kemi kuu'maiyo toru delukuulludapiyo'moneyokwe tov jurogudo nonekullumo'nodowodonogano.

Hibruu 5:11 ပူးပေါင်းရင်းမြစ်များ

Matyuu 13:15

Aki puruv aro sakwollungikokwono. “A'mwo abolo su tonyuro poowokalago ton lumdo kuulopiyodupudo tovino tov kemoro kaduko togai kavlo tovi ku'nono muu'numwalpinogano. Aki a'mwo abolo su tonyuro sumdo ton busu'na'dupudo tovino tov kemoro sumdo togai ku'nono mwonmwalpinogano. Aki kemoro kaduko togai kavlo tovi ku'nono muu'numwalpinogano. Aki kemoro poowokalago togai kuudo miyouromapinogano. Aki toro ton miyomno ku'nono miyouragunyumo'nupinogano. Aki nuu su to kunyu wikullo'mo nyunodowo'jure kuvi kuruv numjuku'dupudogano.” Sakwollungikokwono.

Kuuguudo Sugudo akav Makolluro sakwollokakwono Mak 8:21

Toro kuudopo tool kuudokaikono. “Kevu mi amonuwopiyaboka toolluro jurogudo tovino kuudo tov kuuno miyau'mwakoporekikono.” Kuudokaikono.

Luuk 24:25

Toro wuujuno sumaleyokwe Jisasol a'mwo su toorallu aro kuudokaikono. “Kevu proofet tooravuro yiuwi'nokai yogalo ajakwollajupo tonyuno kemi poowokalago togai kuudo muubweyodubulorakikono. Oo kev toorakul a'mwo kuudo maiyokwe toorakulbusuko imo'nodubulorakikono.

Joon 16:12

Nuvu kemi ikujo'moneyokwe kuuguudo bwotonyago ton kurukweyo kwonyu kuruv aga toga kevu ku'nono miyouromapinorekikono.

Joon 6:6

Jisasol gavnokweyolluro yo'mo tovino kuudo me'no souromaroka kwol kuruv Filipollu yiuno yamju wiyoganyo'mo to'no su toro kuudoganokaikono.

Kuurotokwe 28:27

Su toro tov aro tovinokwono. A'mwo abolo ton kuuguudo tovi kadu'molo nyupiyokwe muu'nyubusuko to'no yodupudogano. Aki toro ton kemi sumdo togai noonpiyokwe mwonyubusuko to'no yodupudogano. Toro ton kemi poowokalago kuunodo tokwe nuu Gooti toonyomno kuudo souragunyumo'nopujuko'mno'juki nuu nokwo kwiyo'mwojo'mujukogano. Toro kuvi kuruv a'mwo abolo su tonyuro poowokalago tono'gwowi dogaipo'nyo kuumwiyo kuunodogano.” Kuuguudo nebal'nodo su tovi kevu Juu toorekulluno Aisaiyal toro ajakwollokaikono.”

Hibruu 5:12

Su tov aro tovinokwono. Aga kevu a'mwo abolo punyu Gooti toolluro yogalo tokwe ibwasokwe me'no sumo'nopujukogaikikono. Toro kuvi kuruv kevnokwe togaikul Gooti toolluro kuuguudo tovida'ai kavlo muudu'nodo tobuuraino to'no aki aiko te wuu'nyo'mo tovino supto kuuno sumwakopogaikikono. Kevu aguto agullopujuko'mno'juki wosamujuko jurogudo tonyu nokwo anopujukogaikikono. Toro kuvi kuruv kevu kwolaiyo muudoga tobuurekulbusuko amuunallo tovino supto kuuno yodupudogaikikono.

2 Pita 3:16

Kuudo neya jaullulo. Poolol Gooti toolluro pasudo tovino gamoro yiuwi'nokai pas tonyu sokwollapiyajuko toga kavlo su tonyuno kuu'maiyo toru'no dumwolabodowodekono. Toro kuvi kuruv gamoro pas sokwollapiyajuko su tonyuda'ai kuuguudo punyuno kavlo tov a'mwo abolo pun kuudo yere miyouroma'dupudogano. Aki kuuguudo su tonyu a'mwo kuunano ibwasokwe tooro pumgu'aro yomollovodo'mwojuudodupudorogano. Toro tooro kuudomaiyorogano. Aki kuudo noullo maullo yaullokwerogano. Su toro tooro Gooti toolluro yogalo sakwollungiko punyuno po'dogalo miyodubwasodupudorogano. Toro to'busuko kubalno Poololluro pas sokwollapiyajuko su tovida'ai yogalo kunyuno kuruv po'dogalo miyodubwasodupudorogano. Toro tovino tov Gooti tool a'mwo su toorai nerumwallonekono.