Hibruu 2:15 - Gooti Toolluro Yogalokwono

¹⁵ Aki a'mwo abolo ton yiuwi'nokai toga bolnodo su tovino luko mujumelabodupudogano. A'mwo abolo su tobuuro kula'nyo mwalodopure togada'ai luko yo'mo kuudo su tovi ki'nato womdo to'busuko wimelabodupudobuurogano. Toro tobuurai bomollurolovomokalokwiyo'moneyokwe tovino Jisasol abolokaikono.

Hibruu 2:15 ပူးပေါင်းရင်းမြစ်များ

Room 8:15

Gooti tool kemino tov ki'nato womdokwe tonbusuko luko neya imwalpino'moneyokwe gamoro Kuullo su tool aikullabokalmaiyo. Toro kuvi kuruv Gooti toolluro Kuullo tool kemi mollumwoga ikullo'moneyokwe aikullabokaikono. Toro togaikul Gooti toolluro kwoloraiyo kuunodo me'no wimo'nodupudogaikikono. Toro te nevu Gooti toollu aro wuudodowadonogano. “Nemi Nellunumiyago Doweyoloo,” wuudodowadonogano.

Room 8:21

Gooti toolluro sokwollosoka su ton jul'nyogalo tovi dolago tomuu kuule'na'dupudo tonyu Gooti gavnokwe tool nobomollurolovomokalokwonekono. Gavnokwe toolluro me'no ajesungiko toga abai'mowo'ji kuvinono bomollurolovomokalokwowo'ji sugumaluko imo'nosonogano. Su toro togada'ai aki aiko te bwiyo mabuuropipinogano. Aki Gooti tool gamoro kwoloraiyo tonollu abomollurolovonekumokalokwo'ji toga yiuno sugumaluko tomgu'aro to'no yomjomwekovla'mwalanonogano. Nemi anekullumo'no'ji su to'busuko kubalno Gooti toolluro sokwollosoka kunyu kuruv kwimo'no'ji toga sugumaluko to'no wopinogano.

2 Koorin 1:10

Toro te nemi noromiyanekubweyo'mo yodopure su tooraida'ai Gooti tool me'no abomollurolovonekumokalokwokaikono. Aki lukomgu kuga kuruv Gooti su tool kuuno nobomollurolovonekumokalokuumwalonekono. Toro te Gooti su toolluno aro kuudo uubweyodowadonogano. Oo yiuno Gooti su tool aiko te nobomollurolovonekumokalokuumwalonoldeyo. Kuudo to'no uubweyodowadonogano.

Galesiya 4:21

Kevu a'mwo abolo pugaikul Moosesolluro loowo tovi dolago tomuu kuuno mwallo'mo ikullunodowodogaikikono. Toro ikullunodowodo togaikul loowo su tovuro yogalo tovino kavlo tov kuudo po'dogalo miyouroma'dupogaikikono.

2 Timooti 1:7

Kuudo neya jaurono. Gooti tool gamoro Kuullo toollu nekullabodowodo tov nevu luko imwalano'moneyokwe nekullabodowodolmaiyo. Toro kuvi kuruv nevu jurogudo imo'nyo'mo tokwe'aro kalo buuropino mollo'mo tokwe'aro nevnokwenolluro pasudo tonyu pi'mwono mollomwallunyo'mo tokwe'aro su tonyuno'gwowi neya mujumovla'mwalano'moneyokwe Gooti tool gamoro Kuullo toollu nekullabodowodekono.

Hibruu 2:16

Nevu aro kuudo me'no yau'dowadonogano. Jisasol ensel toorai wiyo'mwojo'moneyokwe kwolabokalmaiyo. Toro kwol kuruv Eburaiyamolluro kwikweyago tobuuraino'gwowi wiyo'mwojo'moneyokwe kwolabokaikono.