Toro te iruko naba 3 tollugwoji lomwo toga muumuudo toollu sulu'wo illuvolopinodo tov abwolobu'duvolomarokakwono. Aki molamopto tokwe'aro kuuloulo tokwe'aro imo'no'no biugel tov guureji kuunodo ai'nokakwono. Toro te Isuraiyolda'ai ton kemi woromollo'mo sel ago towaida'ai wonyuno sumaveyokwe biugel tovuro guureji ki'noduke tovi wuu'no'mno luko bu'buto sopogano.
Hibruu 12:20 - Gooti Toolluro Yogalokwono20 Gooti toolluro yogalo jurogudo aduuwiyoka su tovi ilaiyo mamollomaropo tovino tov Gooti toollu duumjukullo'mo kwinopogano. Gooti toolluro yogalo aduuwiyoka su tov arokwono. “A'mworodeyo oo ibesa'aiyorodeyo kworo kuruv muumuudo akallu kuubogai'nupi toorai sulo togai neya doluvoromiyosulo.” Aduuwiyokaikono. အခန်းကိုကြည့်ပါ။ |
Hibruu 12:20
6 ပူးပေါင်းရင်းမြစ်များ
Neya duu'nyulo. Sumdomgu nuu loowo tovuro puuto tovi kuumjungovlaiyajo tovi'aro loowo su tovuro sumdo tovi a'mwo me'no abollungiko pwolbusuko kwimo'nyajonyugono. Su tov aro tovino'mokwono. Nuu Gooti toolluro sumdo tovi aiyo wimo'nyo'moneyokwe toonyu loowo su tovi a'mwo me'no abollungiko pwolbusuko kwimo'nyajonyugono.
Neya duu'nyulo. A'mwo abolo pun aro kuudo yau'dupudogano. Oo nevu Moosesolluro loowo tovi kuumjuna'ji tomgu'aro Gooti toolluro sumdo tovi sugudo imo'nanonoldeyo. Yiuwi'nokai su toro kuudo yau'dupudo ton Gooti toolluro jul'nyogalo tovi dolago tomuu mwalodupudogano. Neya duu'nyulo. Gooti toolluro yogalo sakwollungiko puruv aro dodowodokwono. “A'mwo pwol Moosesolluro loowokwe buukiyo tonyuda'ai yiuwi'nokai yogalo judo'no judo'no sakwollungiko su tonyu ku'nono muumjuno'ji tov Gooti tool a'mwo su toollu kaiyako nyugolonekono.” Sakwollungikokwono.
ကြော်ငြာတွေ