Hibruu 12:17 - Gooti Toolluro Yogalokwono

¹⁷ Kevu kuudo me'no yau'dupudogaikikono. Isoo'wol gami ganumiyago toolluro yogalo sugudo tov neya adanubweyoneyokwe tovino'mo wosamujuko tekwogai me'no sodolovomarokaikono. Toro yodolovoma'no sumaiyokwe lukomgu ganumiyago toolluro yogalo sugudo tovi adanubweyoneyokweyo'mo abuudoganokaikono. Toro kuvi kuruv gami ganumiyago tool, “Awiyo,” kuudokaikono. Su toro toga Isoo'wol kumdato bwotonyo do'no gami ganumiyago toollu wuudoganyuno wuudoganyuno sokaikono. Toro kuudoganoka kuvi kuruv kuudo muuduko youragunyumo'nyo'moneyokwe toga me'no abawokakwono.

Hibruu 12:17 ပူးပေါင်းရင်းမြစ်များ

Matyuu 7:23

Toro anyudupi kuvi kuruv nuu aro dodowiyoku'bworosumonyugono. “Nuu kemino kuudo miyaikuu'dumdonyugono. Kevu kirovanyuvanyu kiroungovla'mdupudo togaikul mi manyu tomuu'aro neya dovlaiyulo.” Dodowiyoku'bworubwemonyugono.”

Hibruu 6:8

Toro kuvi kuruv buuruko awo'ji tovida'ai kwako tovi lodokwe togai'aro gwo'gwopto togai'aro to'no abilapi to'gwowi kwako su tov womdo nonaguto imo'nonokwono. Kwako su tovi Gooti tool wobo toga jul'nyogalo nodubweyonekono. Aki kwako su tovida'ai yiuwi'nokai kaiya'nodo su tonyu duko tovi yere mobwokullurowonekono. Yovekurajo tov torokwono.

1 Pita 3:9

A'mwo pworo kemi kaiyako saikullugolpi toga kevu su toorai aikomgu kaiyako nyugolmwalpiyo. Aki a'mwo abolo pun kemino kaiya'no yogalo abwolomekumwogapiyapi tov kevu su tonyuno kaiya'no yogalo nobwolomorumwogapimwolapiyo. Toro kuvi kuruv kevu a'mwo abolo kaiyako saikullugolpi su tonyuno Gooti tool ilaiyo igoloneyokwe yogalo sugudo puno'gwowi neya dodubweyogaulo. Gooti tool kemi adekumaroka tov kevu a'mwo abolo tonyu yogalo sugudo tokwe neya duubwemwalpino'moneyokwe adekomarokaikono. Toro te kevu yogalo sugudo adubwepi su tovi'aro kev kugaikul kuruv Gooti toolluro yogalo sugudo daikubweyodowo'jure pun kuvinono nomapinogaikikono.