Hibruu 11:13 - Gooti Toolluro Yogalokwono

¹³ Yiuwi'nokai a'mwo Gooti toollu kuudo kuubwemelabiyajupo su tooro me'no abollajuporogano. A'mwo su tooro kwako akavi kuuno mwalodopure toga Gooti toolluro subuu'yamju kwiyajuko tonyu yere mamallajuporogano. Gooti toolluro subuu'yamju su tonyu manyu tomuuda'ai to'busuko amuugonallajuporogano. Toro muugona'dupudo kuvi kuruv subuu'yamju su tonyu wonyo'mo ilaiyo kwinyajuporogano. Aki a'mwo su tooro aro adodoluwosunyajuporogano. “Oo nevu a'mwo pumuuda'ai toonolbusuko kwako akavi kula'nyo toga'gwo bomwalodowadonogano.” Toro adodoluwosunyajuporogano.

Hibruu 11:13 ပူးပေါင်းရင်းမြစ်များ

Muuduko 21:34

Toro te Eburaiyamol Filistiyada'ai a'mwo abolo tonyuro kwako toru bomwallo imo'nodowo manyu toga amwallajukekono.

Muuduko 23:4

“Nuu akawai kevuge bomwallo yodumdonyugono. Toro toonyu mi abebwiyo tovi molsosumo'mo kemoro kwako puruv ikubimo'monyugono.”

Muuduko 25:8

Eburaiyamol kworomo bwotonyago tobuul mwalno sumaiyokwe yadaiyo kuunodo imo'no'no abolokaikono. Toro bolno sumaiyokwe gavuge avalo me'no abolopo toorai tomuu kuuru'marokaikono.

Mollurolovomato 2:22

Toro uumasuno sumaiyokwe abolo su tov kwolaiyo sumwoluko imo'no'no kwolaiyo pwol somarokakwono. Toro somaroka toollu Moosesol wono'no aro adokaikono. “Nuu pumuuda'ai toonyu kwako akaru bomwalodum kwolaiyo akallu sawosunmo toolluno tov Gesoomolo sowa'mono.” Adokaikono.

Matyuu 13:17

Toro te nuu nebal'no ikudumo'mokwono. Aiyoga a'mwo abolo bwotonyago amjomwekelabiyajupo ton moro agasuro ikuduuwallodumdo tonyu wonyo'mo kwingelabiyajupogano. Proofet toorogai'aro a'mwo abolo Gooti toolluro sumdo tovi sugudo kwimo'nyajupo togai'aro ton sumdo wonyo'mo kwingelabiyajupogano. Toro kuvi kuruv ku'nono mwonyajupogano. Aki moro yogalo ikudodore tovi kuu'numwakopo su to kuvi wuu'nyo'mo kwingelabiyajupogano. Toro kun kuruv ku'nono muu'nyajupogano.

Joon 12:41

Aisaiyalluro kuuguudo ajakwolloka su tov Jisasollunokwono. Jisasol yovo aguto yere mama'duke kugada'ai Aisaiyal me'no kwonomallajukekono. Su toro tovino ajakwollokaikono.

Joon 8:56

Kemi tellukweyago Eburaiyamol nuu kwako akavi wolabumo toonyuno ilaiyo bwotonyo ibwosuno'no sogwollo ainyajukekono. Toro tool moro wolabodore tovi me'no amuugonaroka tovino ilaiyo sokaikono.”

Room 8:24

Gooti tool nemi ma'no ma'nodo tovuro kirumwallo tovida'ai me'no abomollurolovonekumokalokwokaikono. Toro kuvi kuruv gamoro lukomgu nonekullabwono tonyuno yiuno sogwollo to'no kingovla'mdowadonogano. Kevu kuudo pun jaullulo. Nevu Gooti toolluro yiuwi'nokai sugudo ton me'no amarowa'jujuko'mno'juki sogwollo yasuwa'no ainowa'jujukonogano. Toro kuvi kuruv Gooti toolluro sugudo nonekullabwono ton yere mama'dowore tovino tov yiuno sogwollo to'no kingovla'mdowadonogano. Toro tonol aro kuudo to'no gudupola'mwalanonogano. Oo Gooti tool kuvinono nonekullabwonekono. Kuudo gudupola'mwalanonogano.

2 Koorin 4:18

Toro te agasuro jul'nyo wonodowado su tobuuraino kuudo kwolallo miyourukwapiyokwenogano. Toro kunol kuruv lukomgu Gooti toolluro nonekullabwono mwonodowado su tollovaino'gwowi kuudo kwolallo neya yourukwapimwalanonogano. Su tov aro tovinokwono. Agasuro buro'nyo buro'nyo wonodowado ton yere yovla'mdupudogano. Toro kuvi kuruv buro'nyo buro'nyo nevu mwonodowado tonyuno'gwowi yiunokuudo mujo'movla'mwalpinogano.

2 Koorin 5:6

Su toro tovino yiuwi'nokai toga jurogudo danekullumwojodowodokwono. Toro tonol aro kuudo me'no yau'dowadonogano. Oo nevu kwako akavida'ai kulako akavi kuuno amwala'ji toga Aguto toolluro ago tomuu yere milai'mo'mwakuuwono. Yau'dowadonogano.

Efesos 2:19

Sumdomgu kevu a'mwo abolo pumuuda'ai tonbusuko bomwallo imo'nodupu Gooti toolluro kuurupto tovi kwa'mgu tomuu amwallajupogaikikono. Toro kugaikullu kuruv aga'no'gwowi Gooti tool gavnokweyolluro kuurupto tovi anakuuto tomuu kemi me'no boolomekumwallodowodekono. Toro togaikulluno tov kevu Gooti toolluro yovodolobunyo puru'monodo tovi me'no uuguro'mwonyodupu gamoro a'mwo abolo kuunodo wimo'nodupudogaikikono. Aki kevu Gooti toolluro julkwolaiyo me'no wimo'nodupudogaikikono.

Hibruu 11:14

A'mwo abolo su toro adodoluwosunyajupo ton kevnokwe tonyuno kuu'maiyo toru aro abomollolupto'nosajupogano. Nevu nemi kwako kuunodo toru mwallo'mo tovino sogwollo kinodowadonogano. Su toro tovino kuu'maiyo toru abomollolupto'nosajupogano.

Hibruu 11:17

Aiyoga Gooti tool Eburaiyamollu yamju tov kwiyoganokaikono. Toro kwiyoganoka su tov Eburaiyamol Gooti toollu kuudo kuubweyoka tovino tov gami kwolaiyo Aisakollu Gooti toollo'mo wiroudapiyo'moneyokwe amollovrowosokaikono. Eburaiyamol Gooti toolluro subuu'yamju me'no aduuwiyajuko tovino kuudo kuubweyajukekono. Toro tool gami kwolaiyo pwolnodo toollu wiroudapiyo'moneyokwe kuvinono amollovrowosokaikono.

Hibruu 11:27

Aki Moosesol Gooti toollu kuudo kuubweyajuko tovi'aro a'mwo aguto kig toolluro surodo wuunoduke tovino luko miyo'no kwako Ijupda'ai abuugollu'mokalokwokaikono. Toro tool Gooti mwiyalo'nyungiko kwollu kuruv gami sumdo tokwe me'no muugona'dowodo pwolbusuko abuugollu'mokalokwokaikono.

Hibruu 11:39

Yiuwi'nokai a'mwo abolo su ton Gooti toollu kuudo kuubweyajupo tovino tov Gooti tool ilaiyo to'no amollomallajukogano. Toro kuvi kuruv yiuwi'nokai a'mwo abolo su ton Gooti toolluro subuu'yamju punyuno'gwowi yere mamallajupogano.

1 Pita 1:1

Nuu Pitalonyugono. Toro toonyu Jisas Kraisolluro kuurotokwe pwonyugono. Kevu Gooti gavnokwe toolluro a'mwo abolo kuunodo wimo'nyo'mo me'no jaikubweyodowodo togaikullomno nuu pas akav sokwollekwopiyamono. Kevu Jisasolluro a'mwo abolo togaikul proovins gomno gomno younopiyo'mno mwalodupudogaikikono. Proovins mwalodupudo su tomuuno yovo ton, Poontoske'aro Galesiyake'aro Kapadoosiyake'aro Esiyake'aro Bitiniyake'aro tomuu mwalodupudogaikikono.

1 Pita 1:17

Kevu Gooti toollu, Oo mi Nyunumiyagoloo, subusu'nyogalo wuudodupudekono. Gooti su tool a'mwo abolo tonyu jainyubwollo'mo tool yiuno avalo punyuno to'no kuu'dello muubweyokwekono. Toro kwol kuruv kevu yiuwi'nokai pwolno puru'monodo tobuurekulluro pasudo tonyu ikwonowo'ji yiuno pi'mwono to'no jainyubwollokwekono. Toro te kevu kwako akavi bomwallo togaikulbusuko mwalopi toga Gooti su toollu kwako tomuu'aro neya wiyopi jomjomwekovlavogaulo.

1 Pita 2:11

Mi ibwoto'nyobuuravoo, kevu kwako akavida'aiyogaikulmaiyo. Toro te kevu kwako akavi mwalopi toga yiuno kwako pumuuda'ai a'mwo bomwallo togaikulbusuko to'no imo'nugovla'mdupudogaikikono. Toro tovino tov nuu duudapi yogalo guureji aro ikudumo'mokwono. Kevu kemi kwako akavida'ai kulako tonyuro buro'nyo buro'nyo ilaiyo igollunyo'mo ikullunodowodo su toorai nuumjunmwalpiyo. Pasudo su tooro kemoro poowokalago tobuurai molo bwotonyo wiyodupudorogano.

1 Joon 3:19

Nevu a'mwo abolo tobuuraino kalo buuropino kuvinono amolla'ji tov nevnokwenolluno aro kuudo nokwo youromaranonogano. Nevu nebal'no yogalo tovi kuvinono duumjunmwakuuwono. Kuudo su tokwe nevu Gooti toolluro sumdo tovi neya yomjodo'movlavogawano. Toro somjodo'movlawa'ji tov nemoro poowokalago tonyu jurogudo nokwo danekullumwojumwalonokwono.