Hibruu 10:35 - Gooti Toolluro Yogalokwono

³⁵ Kevu sumdomgu togada'ai Aguto toolluno kuudo guureji uubwemovla'mdupudogaikikono. Toro togaikul aga kuga kuruv kemi Aguto toolluno kuudo guureji uubwemovla'mdupudo su tovi nuugollu'mo'mwalpiyo. Kuudo neya jaullulo. Kemoro kuudo uubwemovla'mdupudo su tovuro mubiyo ikubiyo'moneyokwe tov kevu Gooti toolluro ago muunyu kai'muuda'ai sugumaluko tollovai kuvinono nomapinogaikikono.

Hibruu 10:35 ပူးပေါင်းရင်းမြစ်များ

Matyuu 10:32

Aki Jisasol aro kuudokaikono. “A'mwo pwol a'mwo abolo tonyuro sumdo tovi mino kuu'maiyo toru adodowiyoku'bworubweyo'ji tov nuu kwonyu kuruv mi Nyunumiyago muunyu kai'muu mwalodowodo toolluro sumdo tovi a'mwo su toolluno kuu'maiyo toru nododowiyoku'bworubwemonyugono.

Matyuu 10:42

Lukomgu a'mwo pwol kevu a'mwo yovomaiyokwe tekwojekullu ikwonowo'ji aro aikudo'ji tov, “Oo akaro Krais toollu uumjunyokwe tekwojodeyo,” toro ikudowo'ji kuuleyaluko'mo yodopure tekwojekullu kapwo wonyo puruv aikulluro'ji tov a'mwo su to kwollu kuruv lukomgu Gooti tool mubiyo nuuwiyonekono. Nebal'no ikudumo'mokwono. A'mwo su tool gamoro mubiyo sugudo tov lukomgu kuvinono nomaronekono.” Jisasol toro kuudokaikono.

Matyuu 5:12

Kevu ilaiyo yopi aki kemoro sumwoluko kun kuruv ilaiyo to'no nokwo imwalpinogaikikono. Su tov aro tovinokwono. Kevu Gooti toolluro ago toru sulomwalpi toga kemi yiuwi'nokai mubiyo bwotonyo ton nomapinogaikikono. Kevu kuudo neya jaullulo. A'mwo kemi kaiyako yaikullugolodupudo su tooro sumdomguda'ai kemi proofet kworai kuruv kaiyako aval'nodo tomgu'aro sugollajuporogano.”

Luuk 14:14

A'mwo adoma'bi su tekwojo gumoro wosamujuko kwibi to'busuko pun aikomgu ku'nono magujabupinorogano. Toro te guu su toro toorai kwibi tovino ilaiyo to'no neya jogawono. Su tov aro tovinokwono. Gooti tool lukomgu a'mwo abolo ton aiyo aiko te adukapi toga gumi mubiyo sugudo tov nogubiyonekono.”

1 Koorin 15:58

Toro tovino tov miyobuuravoo, Gooti toollu guureji neya dogudupolarogaulo. Aki toro togaikullu buro'nyo buro'nyorodeyo pworo nyoguluptovekwapimwalpiyo. Toro kubuurekul kuruv kevu aro kuudo nyau'mwakovo. Aguto toolluro womdo tovi wiyodupudo tov yasuwa'no mavlawonokwono. Toro tovino tov yiuwi'nokai toga kevu Aguto toolluro womdo tovi guureji neya domomjumovlavogaulo.

Efesos 3:12

Toro te nevu Krais toolluno kuudo me'no uubweyodowado tonol kweke guro'mwonyodowadonogano. Toro tonolluno tov nevu Gooti toollomno wobo toru kuullo'moneyokwe tovino luko miyanonogano. Toro kunol kuruv aro kuudo yau'mwalanonogano. Oo Gooti tool ilaiyo to'no mollonekumarononoldeyo. Kuudo yau'mwalanonogano.

Hibruu 10:19

Nemi avalobuuravoo, Jisasolluro mujako tov me'no abwoloka tovino tov nevu Gooti toolluro ago muunyu kai'muu pwekwapto kuunodo toru'no kuullo'moneyokwe tovino luko nyumwala'jo.

Hibruu 11:26

Moosesol aro kuudo saullajukekono. Nuu Gooti toolluro ajesoka Krais toolluro yovo tovida'ai danyu'nyuwuulo ama'mi tov nokwo'mokwono. Krais su toolluro yovo tovida'ai danyu'nyuwuulo ama'mi su tov yiuwi'nokai kwako Ijupda'ai tovuro kuto ivito nuugwiyo tollovo amaro'mujuko su tonyu nuuwolowonokwono. Su toro kuudo sauroka tov aro tovinokwono. Moosesol Gooti toolluro mubiyo sugudo su tollovo lukomgu wiyodowo'jure tonyu kuvinono mallo'mo tovino sogwollo to'no ainyajukekono.

Hibruu 2:2

Neya duu'nyulo. Aiyoga Gooti toolluro loowo tov ensel toorai'aro nemi nellukweyago toorai kwiyopokwono. Loowo su tov jurogudo adaiyajukokwono. Aki a'mwo abolo ton loowo su tovi yiuwi'nokai kisuvolo wiyodopure toga kemoro ma'no ma'nodo tovuro kirumwallo tov yiuno'no amallajupogano.

Hibruu 3:14

Kuudo neya jaullulo. Nevu Krais toolluno kuudo muudu'no kuubweyowo toga guureji agudupolarowo to'busuko kubalno aga kuga kuruv aval'no agudupolarogawano. Nevu Krais toolluno gudupola'no gudupola'no yowa'ji yiuno aiyowo'mo toga'no agudupolara'ji tov yiuwi'nokai Gooti toolluro nonekullabodowo'jure tonyu Krais tooke ne kunol kuruv aval'no nomaranonogano.

Hibruu 3:6

Toro te Moosesekwo Gooti toolluro ago to'busuko wimo'nodupudo a'mwo abolo su tonyuro womdokwe kwimo'nyajukekono. Toro kuvi kuruv Krais toolno'gwowi ago amodoka toolluro kwolaiyo kuunodekono. Toro tool Gooti toolluro ago to'busuko wimo'nodupudo a'mwo abolo tonyu pi'mwono to'no guureji mollomwalodowodekono. Neya duu'nyulo. Nevu Krais toolluno guureji neya agudupolarogawano. Aki nevu Krais toolluro nonekullabwono tonyuno sogwollo to'no aingovlavogawano. Nevu su toro sa'ji tov Gooti toolluro ago to'busuko kuvinono wimo'nugovla'mwalanonogano.

Hibruu 4:14

Nemoro Pris Aguto kuunodo tool Gooti toolluro Kwolaiyo Jisasekono. Nemi Pris Aguto su tool Gooti toolluro ago muunyu kai'muu me'no sulomwalokaikono. Toro tovino tov nevu gamino kuudo uubweyodowado su tovi guureji neya agudupolarogawano.

2 Joon 1:8

Toro te kevu wako neya dou'nogaulo. Nevu kemi akuuto toru womdo bwotonyo me'no sajuwonogano. Aki nevu kuuguudo sodekubwasajuuwo tovida'ai kevu nebal'no yogalo tov me'no amaropogaikikono. Toro amaropo su tovi nyounosumwalpiyo. Toro kuvi kuruv yogalo su tovi guureji kuumjungovlapi to'gwowi lukomgu Gooti tool muunyu kai'muuda'ai mubiyo sugudo pun nekullabwonekono.