Galesiya 4:29 - Gooti Toolluro Yogalokwono

²⁹ Kuudo neya jaullulo. Kwolaiyo Isumaiyolol kwako akavida'ai tonyuro yawosunodupudo tomgu'aro sumo'nokaikono. Toro tool Gooti toolluro Kuullo toolluro jurogudo tovida'ai sumo'noka kwolaiyo Aisakollu kaiyako sugollajukekono. Su toro to'busuko kubalno aga a'mwo abolo Moosesolluro loowo tovi gudupola'dupudo su ton kevu Gooti toolluro Kuullo toolluro jurogudo tovida'ai gamoro kwoloraiyo imo'nodupudo togaikullu kaiyako yaikullugolodupudogano.

Galesiya 4:29 ပူးပေါင်းရင်းမြစ်များ

Muuduko 21:9

To'no'gwowi lukomgu Sarav Ijupda'ai abolo Hegaiyovuro kwolaiyo somaroka Isumaiyollu kwonokakwono. Hegaiyovuro kwolaiyo su tool Eburaiyamollurekono. Toro tool gamoro kwolaiyo Aisakollu ipa'nyo mojoduke toollu Sarav kwonokakwono.

Joon 15:9

Moro Nyunumiyago su tool numino kalo buuropino winodowodo to'busuko kubalno nuu kwonyu kuruv kemino kalo buuropino aval'no nyunodowodonyugono. Toro te kevu mi nuguro'mwonyopi moro kalo buuropino nyunodowodo su tovi anakuuto tomuu neya doulomwalogaulo.

Joon 3:5

Toro kuudoka toollu Jisasol aro kuudokaikono. “Nuvu nebal'no kuunodo agudadokwono. “A'mwo pwol wonyo tokwe'aro Gooti toolluro Kuullo tooke'aro tovalluda'ai aiyo aiko te mimo'no'ji su tool aguto kig Gooti toolluro mido mollomwalo tovi ku'nono maulomwalonekono.

Room 8:1

Krais Jisasol me'no abomollurolovonekumokalokwoka tovino tov aga'no'gwowi nevu kwollu me'no uuguro'mwonyodowado tonollu Gooti tool maironekumwallononogano.

Room 8:13

Kevu pugaikul kwako akavida'ai kuudo toorai'aro kuumjungovlapi tov nobolpinogaikikono. Toro kuvi kuruv Gooti toolluro Kuullo tool jurogudo ikubweyodowo'jure tokwe kemi kulako tovida'ai womdo mujeroungovla'mdupudo toorai suvlo neya julomavekurogaulo. Toro supi tov aiyo ilaiyo to'no mujomwekovla'mwalpinogaikikono.

Galesiya 4:23

Abolo ki'nato womdokwe su tovuro kwolaiyo somaroka tool kwako akavida'ai tonyuro yawosunodupudo tomgu'aro sumo'nokaikono. Toro kuvi kuruv abolo ki'nato womdo miyajuko tovuro kwolaiyo somaroka toolno'gwowi Gooti toolluro subuu'yamju tovida'ai sumo'nokaikono.

Galesiya 5:11

Mi avalobuuravoo, aga'no'gwowi a'mwo tooro lakulkulako neya ado'nupureyokwe tovino nuu mamoruudodumdonyugono. Nuu su toro tovino kuuno amoruudo'mujuko'mno'juki a'mwo pworo mi kaiyako miyanyugolopujukonyugono. Aki Krais toolluro i'noguropte tovi aboloka su tovino kuuguudo tokwe nuu mamoruudo'mujuko'mno'juki a'mwo su toorai surodo mi'gwolo'mujukonyugono. Toro kuvi kuruv nuu Krais toolluno kuuno moruudodumdonyugono. Toro moruudodore tovi wuu'nyo'mo mwinodupudo su tooro mi kaiyako yanyugolodupudorogano.