Toro te Gooti tool gamoro kwoloraiyo tonyu sugudo go'no go'nodo pun wiyo'moneyokwe subuu'yamju me'no kwiyokaikono. Toro te sugudo su ton Krais tool ne kunolluda'aiyo'mo me'no amarokagano. Nevu Gooti toolluro kwoloraiyo wimo'nodowado tonol sugudo su ton kuvinono nomaranonogano. Aki Krais toolluro danyu'nyuwuulo subwosunoka to'busuko kubalno aga ne kunol kuruv danyu'nyuwuulo pworo ibwosunodowadonogano. Aki Gooti tool Krais toollu bako bwotonyo pwopiyodowodo toru amorumwalloka to'busuko kubalno ne kunollu kuruv Krais tooke avalo toru nomonekumwallononogano.
Galesiya 3:18 - Gooti Toolluro Yogalokwono18 Kevu kuudo neya jaullulo. Gooti toolluro nonekullabwono tollovo nevu loowo tovi'aro uumjunowa'ji mallo'mo'mno'juki subuu'yamju tovida'ai mamarowa'jujukonogano. Toro kuvi kuruv Gooti tool Eburaiyamollu gamoro noonyumwonyu tollovo loowo tovi'aro kwiyokalmaiyo. Yiuno subuu'yamju tovi'aro to'gwowi kuvinono kwiyokaikono. အခန်းကိုကြည့်ပါ။ |
Galesiya 3:18
14 ပူးပေါင်းရင်းမြစ်များ
Neya duu'nyulo. A'mwo abolo pun aro kuudo yau'dupudogano. Oo nevu Moosesolluro loowo tovi kuumjuna'ji tomgu'aro Gooti toolluro sumdo tovi sugudo imo'nanonoldeyo. Yiuwi'nokai su toro kuudo yau'dupudo ton Gooti toolluro jul'nyogalo tovi dolago tomuu mwalodupudogano. Neya duu'nyulo. Gooti toolluro yogalo sakwollungiko puruv aro dodowodokwono. “A'mwo pwol Moosesolluro loowokwe buukiyo tonyuda'ai yiuwi'nokai yogalo judo'no judo'no sakwollungiko su tonyu ku'nono muumjuno'ji tov Gooti tool a'mwo su toollu kaiyako nyugolonekono.” Sakwollungikokwono.
Toro te kuudo neya jaullulo. Moosesolluro loowo tovi uumjunyo'moneyokwe puuto su tov purukwono. Aki Gooti toolluno kuudo uubweyo'moneyokwe puuto su to'gwowi purukwono. Gooti toolluro yogalo puruv Moosesolluro loowo su tovino aro sakwollungikokwono. “A'mwo pwol yiuwi'nokai Moosesolluro loowo tonyu kuumjungovlawo'ji toolno loowo su tonyu'aro aiyo yomjomwekovla'mwalonekono.” Sakwollungikokwono.
Su toro to'busuko kubalno Gooti toolluro subuu'yamju Eburaiyamollu aduuwiyoka kuruv yiuno aval'nodokwono. Gooti toolluro aduuwiyoka su tov yiuno Eburaiyameke'aro gami jukweyago kwolaiyo nyumo'nono pweke'aro toorallu aduuwiyokaikono. Gooti toolluro yogalo su tov gami jukweyago kwolaiyo bwotonyago tooraino madadopiyo. Toro kuvi kuruv aro adadopiyo. “Gumi jukweyago kwolaiyo pwollu,” to'no adadopiyo. Toro te Eburaiyamolluro jukweyago kwolaiyo aboka su tool Krais tool kwekono.
Aki kevu Krais toolluro a'mwo abolo kuunodo wimo'nodupudo togaikul Eburaiyamolluro jukweyago kwoloraiyo kuunodo togaikulbusuko imo'nodupudogaikikono. Toro togaikul Gooti toolluro noonyumwonyu Eburaiyamollu subuu'yamju kwiyoka su tollovo kevuge'aro Eburaiyameke'aro yiuwi'nokai togaikul aval'no nomapinogaikikono.
ကြော်ငြာတွေ