Filipai 4:9 - Gooti Toolluro Yogalokwono

⁹ Aki kevu moro pasudo tonyuno kuudo nyau'mwakovo. Moro yogalo sodekubwasajo togai'aro numida'ai kuudo souromallajupo togai'aro moro yogalo kuu'nyajupo togai'aro moro pasudo kwonomallajupo togai'aro yiuwi'nokai su tonyu neya duumjunogaulo. Toro uumjungovlavopi aki sumwoluko kavo wosunyo'moneyokwe ikullabodowodo Gooti su tool kevuge nomjomwekovla'mwalonekono.

Filipai 4:9 ပူးပေါင်းရင်းမြစ်များ

Matyuu 1:23

“Sujuraiyo puruv a'mwo pweke sumwonyo miyodo'bule kwolaiyo sumwoluko puruv imo'nonokwono. Kwolaiyo su toollu somaro'ji toga Imanyuuwelolo mullowaronekono. Yovo su tovino kavlo tov aro'mokwono. Gooti tool nevuge amwallo'mokwono.” Aguto toolluro proofet tool toro adokaikono.

Matyuu 28:20

Aki a'mwo abolo su ton moro yiuwi'nokai kuuguudo daikullodumdo ton kunyuda'aiyo'mogano. Toro te kevu moro yiuwi'nokai kuuguudo daikullodumdo su tonyu a'mwo abolo ton neya uumjunpino'moneyokwe jodubwasogaulo. Aki aro tovino kuudo nyallulo'gwonmwalpiyo. Nuvu yiuwi'nokai toga kevuge nomwalmwalanonyugono. Kevuge mwalno mwalno yo'mi aki kwako akavuro aiyowo'mo abai'mowo'ji kuga kuruv kevuge kuuno mujomwekovla'mwalanonyugono.” Kuudokaikono.

Matyuu 7:21

A'mwo abolo bwotonyago ton mi aro nyudodupudogano. “Mi Agutoloo, Mi Agutoloo,” nyudodupudo kuvi kuruv yiuwi'nokai su ton muunyu kai'muuda'ai aguto kig mido mollomwalo tovi ku'nono maulomwalpinogano. Yiuno moro Nyunumiyago muunyu kai'muu mwalodowodo toolluro ilaiyo winodowo'jure kuudo tonyu kuumjuno'ji su toolno'gwowi kuvinono nokwo kuulomwalonekono.

Luuk 6:46

Aki Jisasol aro kuudokaikono. “Kevu mino Agutoloo, Agutoloo, anyudupi tov moro yogalo ikudodumdo tonyu kisuvolo nyumwalpiyo.

Luuk 8:21

Toro kuudopo tovi Jisasol aro kuudokaikono. “Kevu pugaikul Gooti toolluro yogalo tovi kaduko yodupu kuvinono kuumjunmwakopo togaikul mi nyuneyago nyugwai'yago nyumo'nodupudogaikikono.” Kuudokaikono.

Joon 13:17

Kevu moro pasudo aikuduuwallumo su tonyuno kuudo me'no souroma'maporekikono. Toro tovino tov kevu pasudo su tonyu kuvinono kuumjunpi tov kemi poowokalago togai ilaiyo ibwosunpinorekikono.

Joon 15:14

Toro te kevu moro yogalo daikullodumdo tonyu kuumjunpi tov moro ibwoto'nyo kuvinono nonyumo'numwalpinorekikono.

Joon 2:5

Toro kuudoka tovi gami ganeyago tov ago tovida'ai a'mwo womdokwe pworai aro kuudokakwono. “Gamoro buro'nyo aikudo'ji tovi kevu neya duumjunyulo.” Kuudokakwono.

Kuurotokwe 9:6

“Guu ilodavo'bi wagwolago su tovi doulawono. Toro kuula'bi toga a'mwo pwol gumoro ibino tonyuno nyodogubwasonekono.” Kuudokaikono.

Room 15:33

Oo sumwoluko kavo wosunyo'moneyokwe nekullabodowodo Gooti su tool kevuge nokwo mujomwekovla'mwalonekono. Nebal'nodokwono.

Room 16:20

Oo Gooti tool nemi sumwoluko kavo wosunyo'moneyokwe tov nekullabodowodekono. Gooti su tool Satanyolluro jurogudo tovi kaiyako mollounapiyo'mo wobo togakono. Su toro me'no amollounapiyo'ji toga kevu Satanyollu suvlo ilomavekupinekono. Nemi Aguto Jisas Kraisolluro yasuwa'wino sugumaluko wiyodowodo tov kemi nokwo ikubwemovla'mwalonogaikikono. Nuu su toro tovino ilaiyo anyunadopiyo.

1 Koorin 10:31

Toro te kevu wosamujuko ton anpiyoga'deyo oo wonyo ton anpiyoga'deyo oo buro'nyo buro'nyo womdodeyo ton supiyoga'deyo yiuwi'nokai su ton Gooti tool yovo aguto mallo'moneyokwe to'no neya jogaulo.

1 Koorin 14:33

Neya duu'nyulo. Kevu su'bwo'nupi toga paweyogalo aullajunpi tovino Gooti tool ilaiyo mwinyokwekono. Toro kwol kuruv kevu su'bwo'nupi toga yiuwi'nokai toga sumwoluko kavo wosungovla'mwalpino tovino'gwowi Gooti tool ilaiyo winodowodekono. Toro te yiuwi'nokai Gooti toolluro mollu'bwoto go'no go'nodo ton sugudo tomgu'aro i'bwo'nodupudo tonbusuko kubalno

1 Koorin 4:16

Toro tovino tov nuu kemi tellunumiyago ikullumo'nodumdo toonyu guureji aro ikudumo'monyugono. Kevu nuvubusuko neya bilodukovimo'nogaulo.

2 Koorin 13:11

Mi avalobuuravoo, nuu aiyowo'mo yogalo akav ikudumo'mokwono. Kevu kemi poowokalago kuunodo togai ilaiyo neya jumovlavogaulo. Aki kevu Krais toolluro a'mwo abolo jurogudo neya jumo'nogaulo. Aki kemi poowokalago tonyu jurogudo duuwimwojo'moneyokwe moro yogalo tonyu ilaiyo neya domollomarogaulo. Aki kevu kuudo avalo puru'mono neya jou'movlavogaulo. Aki kemoro sumwoluko tov aval'no wosunopi kavo neya domwalogaulo. Kevu su toro somjomwekovlapi tov Gooti tool kevuge nomwalmwalonekono. Gooti su tool kemino kalo buuropino winyokwekono. Aki kevu sumwoluko puru'mono wosunyo'moneyokwe kuruv Gooti su tool nokwo ikubwemwalonekono.

Filipai 3:17

Mi avalobuuravoo, kevu moro pasudo yomjumovla'mdumdo tonyu neya duumjunogaulo. Aki a'mwo pworo nemi anekumjunpi su tooravuro pasudo yomjomwekovla'mdopure kunyu kuruv kevu po'dogalo neya denomarogaulo.

Filipai 4:7

Aki kemoro subusu'nyogalo su tovi'aro Gooti toolluro kavo wosunyo'moneyokwe tov nekullamwalonekono. Gooti toolluro kavo wosunyo'moneyokwe su tov yiuwi'nokai kwako akavida'ai kuudo youroma'dupudo tonyu uuwolo'mdowodokwono. Aki kevu Krais Jisasollu uuguro'mwonyodopure tovi'aro Gooti toolluro kavo wosunyo'moneyokwe su tov kemoro poowokalago togai'aro kuudo togai'aro tonyu pi'mwono yellukuromollekumwalmwalonokwono.

1 Tesaloonaika 1:6

Kevu nemoro kuuguudo yodekubwasodowore tovi wuu'nodopure togaikullu tabunyuwuulo tooro abaiki'meyajukogaikikono. Toro kugaikul kuruv Gooti toolluro Kuullo tool kemoro poowokalago tonyu ilaiyo to'no ikubweyoduke tokwe kevu Gooti toolluro yogalo tonyu yiuno ilaiyo to'no amollomallajupogaikikono. Aki toro togaikul nemi nekwonyuno sumaveyokwe nevuge'aro Aguto tooke'aro toonolluro mujumovla'mdowado to'busuko kubalno kev kugaikul kuruv aval'no somjomwekovlaiyajupogaikikono.

1 Tesaloonaika 2:14

Miyobuuravoo, kemi jurogudo aro adaikullumwojumono. Kevnokweyogaikulluro kwako tomuuda'ai a'mwo pworo kemi kaiyako saikullugoloporogano. Su toro aikullumo'noka tov Juudiya tomuuda'ai Gooti toolluro mollu'bwoto tonyu kwimo'noka to'busuko kemi aval'no aikullumo'nokagaikikono. Kuudo neya jaullulo. Kwako Juudiyada'ai Juu pworo Juudiyada'ai Krais Jisasolluno kuudo uubweyodopure tobuurai kaiyako sugollajuporogano.

1 Tesaloonaika 5:23

Oo kemino tov aro anekullunadopiyo. Gooti sumwoluko kavo wosunyo'moneyokwe tool kemi womdo nekullumwalonekono. Toro ikullodowo'jure tovida'ai kemoro yiuwi'nokai somjomwekovlapi tomgu'aro Gooti gavnokwe toolluro kuunodo nokwo wimo'numwalpinogaikikono. Toro wimo'nugovlavopi nemi Aguto Jisas Kraisol abwo'ji toga kevu a'mwo abolo kaiya'nodomaiyokwe to'no neya imo'nupinogaikikono. Su toro kuvinono ikullumo'nyo'moneyokwe Gooti tool pi'mwono nomollekumwalonekono. Kemoro poowokalago togai'aro kuudo togai'aro kulako togai'aro tonyu nokwo mollekumwalmwalonekono. Su toro tovino anekullunadopiyo.

2 Tesaloonaika 3:4

Aki Aguto tool kemino me'no nekuduuwallodowodo tovino tov nevu ilaiyo kuudo aro me'no saikuu'mwakuuwonogano. Oo nemoro yogalo me'no adaikullajuuwo tonyu aga kuvinono uumjunodupudodeyo. Aki lukomgu kuga kuruv yiuno'no uumjungovla'mwalpinodeyo. Kuudo saikuu'mwakuuwono. Toro tovino tov kemino kuudo noullo maullo miyau'dowadonogano.

2 Timooti 4:22

Oo Aguto tool gumoro kuullo tekwoji nokwo mollogumwalmwalonekono. Gooti toolluro yasuwa'wino sugumaluko tov kemi nekwo'movla'mwalonokwono.

Jems 1:22

Aki kevu yogalo kuu'nupi su tovi muu'nyubusuko nyumwalpiyo. Toro kuvi kuruv yogalo kuu'nupi su tovi kuvinono neya duumjunogaulo. Yogalo su tovi muu'nyubusuko to'no supi to'gwowi kevnokwe togaikul nyoukuu'najunmwalpinogaikikono.

2 Pita 1:10

Toro tovino tov mi avalobuuravoo, Gooti tool kevu gamoro a'mwo abolo kuunodo wimo'numwalpino'moneyokwe kemi me'no adekumarokaikono. Toro dekuma'no sumaiyokwe kemi ajaikubweyokaikono. Kemi su toro ajaikubweyoka tovino kuu'maiyo toru wuuduuwallo'moneyokwe tov kevu womdo guureji neya domjumovlavogaulo. Kevu Gooti toolluro pasudo su tonyu kuvinono kuumjungovlapi tov lukomgu mabwolorapinogaikikono.

1 Joon 3:22

Aki nevu noonyumwonyu pun mallo'moneyokwe tovino kuudogana'ji tov kuvinono nomaranonogano. Nevu gamoro yogalo adanekulloka tokwe'aro gamoro pasudo ilaiyo winodowodo tokwe'aro tonyu uumjunodowadonogano. Toro tovino tov nemoro kuudogana'ji su tonyu kuvinono nomaranonogano.