Filipai 4:6 - Gooti Toolluro Yogalokwono

⁶ Aki buro'nyo buro'nyo tagunyodeyo aikullumo'no'ji kunyuno kuruv kevu jul'nyo nyubwosunmwalpiyo. Toro kuvi kuruv yiuwi'nokai toga subusu'nyogalo neya duudogaulo. Buro'nyo buro'nyodeyo ton ikullumo'nodowo'jure kuga kuruv kevu Gooti toollu, “Oo neya donekullo'mwojono,” subusu'nyogalo duudogaulo. Aki su toro kuudoganpi toga Gooti toollu, “Nenyoo,” neya duudumovlavogaulo.

Filipai 4:6 ပူးပေါင်းရင်းမြစ်များ

Matyuu 10:19

A'mwo aguto su tooravuro ato tovi kemi kooti yogalo adaikullupi toga kevu aro kuudo nyaupiyo. Oo nevu adado wuudanonoldukono oo buro'nyo yogalo tov wuudanonoldukono? Su toro kuudo nyaupiyo. Aro tovinokwono. Kemi kooti yogalo amekudapipi toga kemoro kuuguudo wuujo'moneyokwe tov Gooti tool nekullabwonekono.

Matyuu 13:22

Aki a'mwo pworo wit sulo tollovo aulewomdo tomuu abwolorapo to'busukorogano. A'mwo su tooro Gooti toolluro yogalo tovi wuu'nodupudorogano. Toro wuu'nodupudo kworo kuruv kwako akavida'ai kuto ivito tonyuno kuudo kwolallo yourukwapiyodupudo tokwe'aro kuto ivito bwotonyagokwe imo'nyo'mo kuudo tokwe'aro yiuwi'nokai kuudo su ton Gooti toolluro yogalo tovi bu'duvoloma'dupudogano. Su toro tovida'ai jurogudo imo'nyo'mo tov ku'nono mimo'nodupu aki sulo kun kuruv mai'nodupudorogano.

Matyuu 6:34

Toro tovino tov kevu lukomgu supto ipino tonyuno kuudo kwolallo miyourukwapipinono. Lukomgu me'no abai'mowo'ji toga iruko su tollugwojuro tagunyo mokabodowo'jure tonyuno kuudo nyourukwapipinogaikikono. Su tov aro tovinokwono. Yiuwi'nokai iruko go'no go'nodo tollovo kemi tabunyuwuulo ton kurukwe mokabodupudogano. Toro te tagunyo yere mabai'mo'mdopure tonyuno kevu kuudo kwolallo miyourukwapipinono.”

Matyuu 6:8

Toro kuvi kuruv kevno'gwowi a'mwo yogalo bwotonyagokwe su toorobusuko nyumo'numwalpiyo. Su tov aro tovinokwono. Kevu wuudoganyo'mo subusu'nyogalo yere muudodopure kuga kuruv kemi Tellunumiyago tool kemoro kuudo yau'dopure tonyu me'no yourekuma'dowodekono. Toro te kemoro buro'nyo buro'nyodeyo supto yodopure tonyuno kuudo me'no yourekuma'dowodekono.

Luuk 10:41

Toro kuudoka kuvi kuruv Aguto tool aro kuudokaikono. “Martavoo, Martavoo, gumoro kuullutago tov bwotonyago tonyuno wosodum kuudo kwolallo yourukwapiyodumdo'guugono. Aki noonyumwonyu su tonyuno jul'nyo ibwosunodumdo'guugono.

Luuk 12:22

Toruda'ai Jisasol gami uumjunyokwe toorai kuudokaikono. “Su tovino nuu aro ikudumo'mokwono. Kevu yovekurajo su tovino kuudo neya yauropi kemoro aiyo yomjomwekovlaiyo'moneyokwe tonyuno kuudo kwolallo nyourukwapimwalpiyo. Toro toorekul burowo'nyo wosamujuko ton mujonugovla'mwalanonoldukoneyokwe tovino kuudo kwolallo nyourukwapimwalpiyo. Aki kemoro kulako tovi molloso'moneyokwe burowo'nyo youro togai yesumwalanonoldukoneyokwe tokwe'aro tovino kuudo kwolallo nyourukwapimwalpiyo.

Luuk 12:29

Toro ikullo'mwojumwalono tovino tov kevu noonyumwonyu tonyuno kuudo kwolallo miyourukwapipinono. Kevu wosamujuko togai'aro wonyo togai'aro tonyu yo'mgonomallo'mo womdo bwotonyo nyumwalpiyo. Aki buro'nyo buro'nyo supto supi su tonyuno jul'nyo nyubwosunmwalpiyo.

Luuk 18:1

Aki Jisasol yovekurajo puruv kuudokaikono. Yovekurajo su tov a'mwo abolo Jisasollu uumjunyokwe ton yiuwi'nokai toga Gooti toollu subusu'nyogalo neya wuudumovlavopi aki nyuu'dapimwalpiyokwe tovinokwono.

Luuk 18:7

Toro kuvi kuruv Gooti toolno'gwowi gami a'mwo abolo doma'dowodo tobuurai wonyapino to'no miyodowodekono. A'mwo abolo su tobuuro yiuwi'nokai iruko togake'aro surakuuto togake'aro toga Gooti toollu deko kuudoganugovlapi tovi Gooti su tool muu'nyubusuko to'no mimwalonekono. Toro kwol kuruv kuvinono nuuwiyo'mwojumwalonekono. Aki su toro nuuwiyo'mwojono tovino manyu toga sogwollo mainonekono.

1 Koorin 7:21

Guvu a'mwo pwollu ki'nato womdo wiyodore tookuji Gooti tool adogumaroka su tooku gumi ki'nato womdo me'no yodumdo su tovi imwogapiyo'mo kuudo kwolallo nyau'mwalbiyo. Toro kweku kuruv lukomgu ki'nato womdo yodumdo su tovida'ai birolo'nugolokwiyo'moneyokwe puuto kurukweyo'mno'juki yowa'no birolo'nugolokuubinekugono.

1 Koorin 7:32

Nuvu kemino tov jul'nyo nyubwosunmwalpiyokwe tovino anyunadopiyo. A'mwo pwekwo abolomaiyo tool gami Aguto toollu ilaiyo igollo'mo to'no winyokwekono. Toro tekwo gami Aguto toolluro womdo tovino to'no kuudo you'movla'mdowodekono.

2 Koorin 1:11

Aki kevu nemi nekullo'mwojo'moneyokwe Gooti toollu subusu'nyogalo neya duudogaulo. Kevu bwotonyago togaikul kuudoganpi tov Gooti tool kuvinono ikuu'nonekono. Toro ikuu'nowo'ji nemi nonekullo'mwojonekono. Toro nekullo'mwojodowo'jure tovi a'mwo abolo bwotonyago ton muugonaropi Gooti toollu, Nenoloo, nokwo wuudumwalpinogano. Toro tovino tov kevu nemiyo'mo subusu'nyogalo neya duudogaulo.

Efesos 5:20

Aki yiuwi'nokai toga buro'nyo buro'nyodeyo kemi aikullumo'no'ji tonyuno nemi Aguto Jisas Kraisolluno yovo tovida'ai nemi Nellunumiyago Gooti toollu, “Nenoloo,” neya duudogaulo.

Efesos 6:18

Kevu yiuwi'nokai toga Gooti toolluro Kuullo tool jurogudo ikubweyodowo'jure tokwe subusu'nyogalo neya duudogaulo. Buro'nyo buro'nyodeyo ton ikullumo'nodowo'jure kuga kuruv kevu Gooti toollu, “Oo neya donekullo'mwojono,” subusu'nyogalo duudogaulo. Aki Gooti tool yiuwi'nokai tomuuda'ai gamoro a'mwo abolo tobuurai wiyo'mwojumwalono'moneyokwe kevu wako neya kuu'nomwalopi yiuwi'nokai toga subusu'nyogalo neya duudumovlavogaulo.

Kooloosi 3:15

Aki Krais tool gamoro sumwoluko kavo wosunyo'moneyokwe tov me'no ikullabodowodekono. Toro te sumwoluko kavo wosunyo'moneyokwe su tov kemoro poowokalago tonyu mido neya mollekumwalmwalonokwono. Aki Gooti tool kemi me'no adekumarokaikono. Su toro adekumaroka tov aro tovino'mokwono. Kevu kulako puru'monodo to'busuko imo'nodupudo togaikul sumwoluko kavo wosunyo'moneyokwe adekumarokaikono. Aki yiuwi'nokai toga Gooti toollu, “Nenoloo,” neya duudumovlavogaulo.

Kooloosi 3:17

Aki kevu buro'nyo buro'nyo yogalo jo'mo'mdeyo oo womdo yo'mo'mdeyo kemoro yiuwi'nokai amjumovlapi su ton yiuno Aguto Jisasolluro yovo tovi'aro neya domjumovlavogaulo. Aki Jisasollu'aro kevu gami Ganumiyago Gooti toollu, “Nenoloo,” nokwo wuudumovla'mwalpinogaikikono.

Kooloosi 4:2

Kevu Gooti toollu subusu'nyogalo wuudumovla'mdupudo tov mimwogapipinono. Toro te kevu nyumwogapipiyokwe tov wako neya kuu'nopi Gooti toollu, “Nenoloo,” to'no duudumovlavogaulo.

1 Timooti 2:1

To'no'gwowi muudu'nodo tov Jisasolluro a'mwo abolo ton aro tonyu neya imwalpino'moneyokwe anyunadopiyo. Yiuwi'nokai a'mwo abolo tonyu wiyo'mwojono'moneyokwe kevu Gooti toollu wuudoganopi subusu'nyogalo neya duudogaulo. Aki a'mwo abolo su ton subusu'nyogalo ku'nono muudodupudo tonyuro mago tovida'ai mollodavopi kevu Gooti toollu subusu'nyogalo neya duudogaulo. Aki toro tobuuraino Gooti toollu, “Nenoloo,” duudumovlavogaulo.

1 Timooti 5:5

Aki abekanyo pubuullu a'mwo pwolnodo kwol kuruv mamollomwalo'ji to'gwowi Gooti toolluno to'no sogwollo kinmwalonokwono. Aki yiuwi'nokai surakuuto togake'aro iruko togake'aro toga Gooti toollu deko wuudoganowo'ji subusu'nyogalo wuudumovla'mwalonokwono. Su tov mimwogapimwalonokwono. Abekanyo su tobuul kanyo kuunodokwono.

1 Pita 4:7

Aga kwako akavuro aiyowo'mo tov nobai'meyo'mo sadopiyo. Toro tovino tov kevu Gooti toollu subusu'nyogalo wuudumovla'mwalpino'moneyokwe kevnokwe togaikulluro pasudo tonyu neya mollomwalnopi aki kemoro kuudo kun kuruv neya jovraimwonyogaulo.

1 Pita 5:7

Gooti tool kemi mollekumwalodowodekono. Toro tovino tov kevu Gooti su toolluro ato tovi kemoro yiuwi'nokai jul'nyo tagunyo ton neya duudukwopiyogaulo.