Filipai 3:7 - Gooti Toolluro Yogalokwono

⁷ Muudu'nodo toga nuu su toro tonyuno aro kuudo saullajonyugono. Oo yiuwi'nokai su ton mi nokwo nonyo'mwojupinogano. Su toro kuudo saullajo kuvi kuruv aga Krais toollu uumjunodumdo toonyuno'gwowi aro kuudo yau'dumdonyugono. Oo moro yiuwi'nokai sumdomguda'ai pasudo su tooro ku'nono manyo'mwojo'mno yasuwa'no to'no sovlavoporodeyo. Kuudo yau'dumdonyugono.

Filipai 3:7 ပူးပေါင်းရင်းမြစ်များ

Muuduko 19:17

Wagwolago tovida'ai bomogaibworomokalokwino sumaleyokwe aro amadolorakono. “Kevu nobolpiyokweyo'mo tov lukado neya dovlaiyulo. Toro plavopi toga aikomgu gunyubwosumdo mipinono. Aki kwako worato su toru mamwalpinono. Toro kugaikul kuruv yiuno muumuudo tooraiyomno kano kano juloulo.” Amadolorakono.

Muuduko 19:26

Toro mollounapiyoduke toga Lootolluro abolo tov aikomgu gunyubwosumdo sokakwono. Toro soka kuga'gwo kuuno Lootolluro abolo tov talo imo'no'no suwasulo pwolbusuko adavokakwono. Lootolluro abolo tov su toro sumo'nokakwono.

Matyuu 16:26

Aki a'mwo pwol yiuwi'nokai kwako akavida'ai ton marowo'ji abolo'ji toga yiuwi'nokai me'no amaro'ji su ton a'mwo su tekwoji aiyo yiunokuudo mujomwekovlaiyo'moneyokwe tov nokwo wiyo'mwojupinoldukono? Awiyo. Yiuwi'nokai amaro'ji su ton ku'nono mwiyo'mwojupinogano. Aki a'mwo pwol yiunokuudo nobolmiyo kuudo yaurowo'ji aiyo yiunokuudo mujomwekovlaiyo'moneyokwe tovi mallo'mo kwino'ji tool Gooti toollu noonyumwonyu pugai nokwo biyomaronoldukono? Awiyo. A'mwo aiyo yiunokuudo mujomwekovlaiyo'moneyokwe tovi mallo'mo kwino'ji su tool Gooti toollu noonyumwonyu pugai ku'nono mabiyomaronekono.

Kuuguudo Sugudo akav Makolluro sakwollokakwono Mak 10:50

Toro kuudopo tool ilaiyo ino sumaiyokwe nobwaiyo tov amodosodukwopiyokaikono. Toro modosodukwopino sumaiyokwe yere ilovlovodavo'no Jisasollomno abokaikono.

Luuk 14:26

“A'mwo pwol mi numjunyo'mo kwino'ji su tool gami ganumiyago tooke'aro ganeyago tokwe'aro gami abolo tokwe'aro gami kwoloraiyo togai'aro gami gadai'yago gagwai'yago toorogai'aro gami jo'mwo togai'aro aki gavnokweyolluro aiyo mwalodowodo kurukwe'aro tonyu biyolo neya uu'mwojumwalonekono. Toro kuvi kuruv biyolo kuvinono muu'mwojo'ji to'gwowi moro numjunyokwe ku'nono manyumo'nonekono.

Luuk 14:33

Jisasol toro wuujuno sumaiyokwe aki aro kuudokaikono. “Toro tovino tov kevu mi nuumjunpino'moneyokwe kemi yiuwi'nokai tonyu buulo neya duugunyumopiyogaulo. Toro kuvi kuruv kemida'ai pweku yiuwi'nokai tonyu buulo kuvinono muugunyumopibi su tookuno'gwowi moro numjunyokwe ku'nono manyumo'nubinekugono.” Kuudokaikono.

Luuk 16:8

A'mwo kuto ivito mollomwalokwe su tool womdo tovi po'dogalo miyajukekono. Toro kuvi kuruv a'mwo aguto tool gamoro pasudo sajuko su tovi wonyuno sumaiyokwe aro adokaikono. “Oo a'mwo kuto ivito mollomwalokwe toolluro pasudo sajuko su tov kuudo do'mopto tokwe sajukoldeyo.” Toro juno sumaiyokwe a'mwo aguto tool a'mwo mollomwalokwe su toolluno yovo tov sulomodomoropiyokaikono.” Jisasol yovekurajo su tov toro kuudokaikono. Toro wuujuno sumaiyokwe gami uumjunyokwe toorai kuudokaikono. “Neya duu'nyulo. Kwako akavida'ai kwoloraiyo tooro kemi womdo ton kevnokweravuro pi'mwo kuudo tokwe yodupudorogano. Aki kemoro pi'mwo kuudo su tov bako tovida'ai kwoloraiyo tonyuro pi'mwo kuudo tovi uuwolo'mdowodokwono.

Kuurotokwe 27:38

Toro te wosamujuko ton me'no mujonugoulno sumaveyokwe anyuto'nopogano. Toro nyuto'nyuno sumaveyokwe sip tool paiko imo'nyo'moneyokwe wit sulo sip toollu kuula'duke ton soolwara tovi abwolomodukwopiyapogano.

Hibruu 11:26

Moosesol aro kuudo saullajukekono. Nuu Gooti toolluro ajesoka Krais toolluro yovo tovida'ai danyu'nyuwuulo ama'mi tov nokwo'mokwono. Krais su toolluro yovo tovida'ai danyu'nyuwuulo ama'mi su tov yiuwi'nokai kwako Ijupda'ai tovuro kuto ivito nuugwiyo tollovo amaro'mujuko su tonyu nuuwolowonokwono. Su toro kuudo sauroka tov aro tovinokwono. Moosesol Gooti toolluro mubiyo sugudo su tollovo lukomgu wiyodowo'jure tonyu kuvinono mallo'mo tovino sogwollo to'no ainyajukekono.