Filipai 2:27 - Gooti Toolluro Yogalokwono

²⁷ Nebalokwono. Epafroodaitosol nobollo tov malluno sumaiyokwe nobollo'mo wobo toru sokaikono. Toro kuvi kuruv Gooti tool a'mwo su toollu kalo mamwonyuno sumaiyokwe sukulokaikono. Gooti tool yiuno a'mwo su toolluno to'no kalo kwinokalmaiyo. Toro kuvi kuruv nuu kwonyuno kuruv kalo kwinokaikono. Su tov aro tovinokwono. A'mwo su tool abolowo'jujuko'mno'juki nuu kalo kalo'mo to'no nyomjomwekovla'mwalmiyokwe tovino Gooti tool sukulokaikono.

Filipai 2:27 ပူးပေါင်းရင်းမြစ်များ

Kuurotokwe 9:37

Toro wiyo'mwojoduke toga abolo su tov nobollo puruv malluno sumaiyokwe abolokakwono. Toro aboloka tovuro kulako tovi wonyo tokwe mollal'mo'mno sumaveyokwe ago amodumunyuto'mellungiko puvi muunyu tomuu mokaila'mno anakuuto tomuu sulomoga'bworosopokwono.

1 Koorin 10:13

Guu ma'no ma'no yo'moneyokwe kuudo pworo abagi'mowo'ji su ton yiuwi'nokai a'mwo abolo kun kuruv aval'no bwi'mo'mdupudorogano. Kuudo su ton gumi abagi'mowo'ji kuvi kuruv Gooti toolno'gwowi aro dodowodekono. “Nuuwiyo'mwojumonyugono.” Toro dodowodo tovi kuvinono kinamjodowodekono. Toro tool gavnokweyolluro jurogudo tokwe nokwo ikullo'mwojumwalonekono. Aki jurogudo ikubweyodowo'jure su tokwe kevu guureji nokwo da'mwalpinogaikikono.

2 Koorin 2:7

Toro kwol kuruv gamoro kalo kalo'mo yodowodo tov gavnokweyolluro kuudo uubweyodowodo tovi yiunokuudo nuugollu'mowo'jo. Toro tovino tov aga'no'gwowi kevu a'mwo su tekwojuro ma'no ma'nodo tonyuro kirumwallo tovi yiunokuudo modukwopiyopi gamoro tagunyo tovi dugoga neya duuwirovomokwolabogaulo.

Filipai 2:26

Toro tool kemi ikwonyo'mo winodowodekono. Toro tovino tov a'mwo su toollu kemiyomno nomekwopiyamekono. Aki kevu a'mwo su toolluro nobollo yoduke tovino me'no kuu'nopo su tovino gavnokwe tool jul'nyo subwosunokaikono.

Filipai 2:28

Toro te nuu a'mwo su toollu kemiyomno mekwopiyabiyo'mo tovino guureji anyunadopiyo. Su tov aro tovinokwono. Kevu a'mwo su toollu kwonpi toga ilaiyo bwotonyo ipinogaikikono. Aki me'no amekwopiyami toga nuu kemino nomoguurotowosumwalmiyokwe tovino'mokwono.

Filipai 2:30

Neya duu'nyulo. Epafroodaitosol Krais toolluro womdo tovi sajuko toga nobollo'mo wobo toru sokaikono. Su toro soka toga gavnokweyolluro kwako akavida'ai kulako tovino kuudo neya miyaullajukekono. A'mwo su tool nobollo'mo soka su toga mi anyo'mwojajukekono. Kuudo neya jaullulo. Kevu mi nyo'mwojodupudo kugaikul kuruv supto kuuno sajupogaikikono. Toro kuvi kuruv Epafroodaitosolno'gwowi womdo su tovi yopiyo'mo tool kuvinono amjumovlaiyajukekono. Toro tool womdo su tovi kuuno mujumovla'mdowo nobollo'mo wobo toru sajukekono.