Efesos 6:2 - Gooti Toolluro Yogalokwono

^2-3 Aki Gooti toolluro loowo puruv kuu'maiyo toru'no nekudodowodo tovino tov neya duumjunogaulo. Loowo su tov aro dodowodokwono. “Kemi kuunum kwolabolo tonyu dolago tomuu ilaiyo to'no jomjomwekovlavogaulo. Kevu su toro kuumjunpi tov ilaiyo to'no mwalopi kwako akavi manyu toga nokwo yomjomwekovla'mwalpinogaikikono.” Loowo su tov toro dodowodo tovino tov kemi kuunum kwolabolo tonyu kaduko neya duuwiyogaulo. Gooti toolluro loowo pun subuu'yamju kurukwe imo'nyo'moneyokwe tov lukomgu sumo'nopogano. Toro kuvi kuruv loowo su to'gwowi subuu'yamju kurukwe imo'nyo'moneyokwe tov sumdomgu ku'mda'ai sumo'nokakwono.

Efesos 6:2 ပူးပေါင်းရင်းမြစ်များ

Mollurolovomato 20:12

Aki kevu kemi tellunumiyago telluneyago tonyu kwako tomuu'aro neya duuwiyogaulo. Kevu toro supi togaikul yere mabolopi kemi Gooti Yawel toonyuro kwako aikullami toru manyu toga nokwo mujomwekovla'mwalpinogaikikono.

Room 13:7

Aki gavman tooro buro'nyo buro'nyodeyo tonyuno, donekubilo, aikudupi tov kuvinono neya duuwiyogaulo. Aki takis nuugwiyo uubiyo'moneyokwe aikudupi kuruv kuvinono neya duubiyogaulo. Aki gavman mido mollomwalokwe toorai kwako tomuu'aro neya wiyopi a'mwo su tooravuro yovo tonyu nobwolomoropiyapiyo.

1 Timooti 5:4

Toro kuvi kuruv abekanyo pubuul gami kwoloraiyodeyo oo kwikweyagodeyo pun kurukweyo'mdeyokwe su ton yere nuuwiyo'mwojubiyo. Aro tovinokwono. Nomollomwallo'moneyokwe womdo su tov Gooti tool kemi kwoloraiyodeyo oo kwikweyagodeyo tonyu me'no kuubwengikokwono. Sumdomgu kanyo su tobuulluro womdo bwotonyo me'no kwimelabiyajuko tonyuno aki aiko te uubiyo'moneyokwe kwoloraiyo su ton kemi kanyo su tobuullu neya wiyo'mwojumwalpinogano. Kanyo su tobuullu toro amollomwalpi tov Gooti kwolluda'ai ilaiyo igolpinogano.