Efesos 5:28 - Gooti Toolluro Yogalokwono

²⁸ Su toro tomgu'aro Krais tool gamoro mollu'bwoto tonollu kalo buuropino winodowodekono. Toro to'busuko kubalno kevu a'mwo toorekul kemi abolo tonyuno kalo buuropino neya domollogaulo. Kevnokwerekulluro kulako tovino kalo buuropino ikullunodowodo to'busuko kubalno kemi abolo tonyu aval'no neya domollogaulo. Aki a'mwo pwol gami abolo tovino kalo buuropino kwino'ji su tool gavnokwe kwolluda'ai kalo buuropino aval'no winonekono.

Efesos 5:28 ပူးပေါင်းရင်းမြစ်များ

Matyuu 19:5

Gooti tool su toro yokwollosuno sumaiyokwe aro adokaikono. A'mwo pwol gami kuunum kwolabolo teyaullu wuugollu'mowo'ji abolo puruv maronekono. Toro teyaul guro'mwonyo'bullu kulako yiuno puru'mono imo'nubulluneyaukono. Adokaikono.

Efesos 5:25

Aki Krais tool gamoro mollu'bwoto tonolluno kalo buuropino winodowodo to'busuko kubalno kevu a'mwo toorekul kemi abolo tonyuno kalo buuropino aval'no neya domollogaulo. Aki Krais tool gamoro mollu'bwoto tonolluno bollo'moneyokwe gavnokwe tool amorubwenoka to'busuko kubalno a'mwo toorekul kemi abolo tonyuno kalo buuropino aval'no neya duuwinogaulo.

Efesos 5:29

Kevu kuudo neya jaullulo. A'mwo pwol gavnokweyolluro kulako tovino ilaiyo mwinodowodo pwolnodo kwol kuruv nonagutomuugono. Toro kuvi kuruv yiuwi'nokai a'mwo tooro kemi kulako tonyuno ilaiyo winopi po'dogalo mollomwalnodupudorogano. Su toro to'busuko kubalno Krais kwol kuruv nevu gamoro kulako tovuro suvlato tonbusuko wimo'nodowado tonolluno tov gamoro mollu'bwoto tonollu po'dogalo mollonekumwalodowodonogano.

Efesos 5:31

Su toro tovino Gooti toolluro yogalo sakwollungiko puruv aro dodowodokwono. “A'mwo pwol gami kuunum kwolabolo teyaullu wuugollu'movowo'ji abolo puruv maronekono. Toro teyaul guro'mwonyo'bullu kulako yiuno puru'mono imo'nubulluneyaukono.” Dodowodokwono.

Efesos 5:33

Aki puruv nevu kwolabolo yoma'nodowado tonolluno dodowodokwono. Su tov arokwono. Kevu yiuwi'nokai a'mwo pwolno pwolnodo toorekul kemi abolo tonyuno kalo buuropino neya domollogaulo. Kevnokwerekulluro kulako tovino kalo buuropino ikullunodowodo to'busuko kubalno domollogaulo. Aki abolo togaikul kemi kwolo toorai dolago tomuu ilaiyo neya jomjomwekovlavogaulo.

1 Pita 3:7

Aki kevu kwolo kworekul kuruv kemi abolo tonyuno yovo aguto to'no neya duuwiyogaulo. Abolo su tobuuravuro kulako ton kemoro kulako to'busukonmaiyo. Kemoro abolo su tobuuravuro kulako ton wollainyunodogano. Su toro imo'nodupudo tobuurai kevu neya denodokwopiyomarogaulo. Kevu toro tobuurogai po'dogalo mujomwekovlavopi ilaiyo to'no jugologaulo. Su tov aro tovinokwono. Gooti toolluro aiyo yiunokuudo mujomwekovlaiyo'moneyokwe tovino yasuwa'wino ikullabwono su tov kevuge'aro kemi abolo kugai'aro yiuwi'nokai togaikul yiuno avalousuno mapinokwono. Toro te kevu a'mwo toorekul kemi abolo tonyu kaiyako sugolpi tov kaiya'no pasudo su tov kemoro subusu'nyogalo wuujo'moneyokwe tonyu nuumjukuro'jo. Toro nuumjukuro'jokweyo'mo tov kemi abolo tonyu ilaiyo to'no neya jugologaulo.