Efesos 5:11 - Gooti Toolluro Yogalokwono

¹¹ Aki kevu kuudo neya jaullulo. A'mwo abolo dugumwuulo tomuu mwalodupudo tonyuro ma'no ma'no pasudo tooraida'ai sulo ilaiyo puru'monodo kuruv mai'nodupudorogano. Toro tovino tov kevu a'mwo abolo su togai nyo'mo'nomollumwalpiyo. Toro kugaikul kuruv dugumwuulo tomuuda'ai bako pwopiyodowodo to'busuko kubalno neya jumo'nogaulo. Bako su tov ma'no ma'no pasudo toorai kuu'maiyo toru'no nobomollolupto'nubweyonokwono.

Efesos 5:11 ပူးပေါင်းရင်းမြစ်များ

Muuduko 20:16

Eburaiyamollu toro wuujuno sumaiyokwe aki Saravi aro kuudokaikono. “Guu kaiya'no mimado to'guu wogulo'mo mibinono. Aki a'mwo abolo ton gumino kaiya'no kuudo nyaguupiyokweyo'mo tov nuu gumi jo'mwo toollu 1,000 silva nuugwiyo tov kuu'maiyo akaru kwimono.” Kuudokaikono.

Matyuu 18:15

Aki Jisasol aro kuudokaikono. “Guvu gumi avalo Jisasolluro a'mwo pwekwo kaiyako sagujugolo'ji tov guu yiulo tomuu'aro kwollomno bo'bi gamoro kaiyako sagujugolo'ji su tovino kuu'maiyo toru neya dodolukuurubweyono. Gumoro su toro adodolukuurubwebi tovi a'mwo tool wuu'nowo'ji gami poowokalago kuunodo tokwe adodowiyoku'bworosuno'ji tov a'mwo su tekwo gumi jugwai'yago aki aiko te gujumo'nowo'ji nokwo ibwoto'numwalbullunorakikono.

Luuk 3:19

Toro moruudomolloduke kuvi kuruv a'mwo aguto kig Herootolno'gwowi lukomgu Joonollu kaiyako sugolokaikono. Sumdomgu Herootol gami gagwai'yago Filipolluro abolo Heroodiyasovi amaroka tovino tov Joonol yogalo amojurugolokaikono. Aki Herootolluro yiuwi'nokai kirovanyuvanyu pasudo mujeroungovla'mduke kunyuno kuruv Joonol yogalo amojurugolokaikono.

Kuurotokwe 26:18

Toro te nuu a'mwo abolo su tonyomno amogwapimo tov aro tovinokwono. A'mwo abolo su ton dugumdo tomuu kuulomwalodupudogano. Toro tonyu gumoro kuuguudo yodubwasodo'bure tovida'ai kemoro sumdo ton delukuulludapiyo'bi bako tovi nokwo wonmwalpinogano. Toro ton Satanyolluro jurogudo tovi dolago tomuuda'ai birolo'nugolokwopi Gooti toolluro jurogudo tovi dolago tomuu nokwo kuulomwalpinogano. Aki toro ton mino kuudo anubwepi tovino tov nuu kemoro ma'no ma'nodo tovuro kirumwallo tovi modukwopiyo'mi Gooti toolluro a'mwo abolo kuunodo me'no ajesungiko nyumo'numwalpinogano.” Yogaimaguurai tov su toro anyudokakwono.” Kuudokaikono.

Room 13:12

Kevu yovekurajo akanyu duu'nyulo. Surakuuto akav nobawiyo'mo wobo toru sadopiyo. Aki iruko tollugwo nyullouroso'mo wobo togakono. Toro te surakuuto togasuro ma'no ma'no pasudo tooro neya mollurolodukwopiyowa'ji molo yo'moneyokwe youro jurogudo toul neya amollosano. Toro amollosa'ji su tonol bako tovi anakuuto tomuu kuulomwalowa'ji ma'no ma'no pasudo toorai molo wimovla'mwalanonogano.

Room 16:17

Miyobuuravoo, kevu wako neya kuu'numwalpino'moneyokwe nuu guureji aro ikudumo'mokwono. A'mwo pworo kevu Jisasolluro a'mwo abolo tobuurekullu kaiyako molleru'mdovekwapiyo'mo winodupudorogano. A'mwo su tooro nemoro kuuguudo sugudo yodubwasodowado tovi muu'nyubusuko to'no yopi kisuvolo mujumovla'mdupudorogano. Kevu su toro toorai manyu toru'aro neya duuwiyogaulo.

Room 6:21

Aki ma'no ma'nodo tovi dolago tomuu amwallajupo toga ma'no ma'no judo'no judo'nodo tonyu mujeroungovla'mdupu wogulo'mo sajupogaikikono. Su toro tovida'ai sugudo pun abaiki'meyajukogaikuldukono? Awiyo, sugudo pun mabaiki'meyajuko kuvi kuruv yiuno bolnodo to'gwowi abaiki'meyajukokwono.

Galesiya 6:8

Su toro to'busuko kubalno a'mwo pwol gami kuudo uumdo tooraino to'no kuumjuno'ji su tool kuudo uumdo su tooravuro no ai'no'ji tov nomulomaronekono. Gamoro no ai'no'ji su tov a'mwo tekwo kaiyako yiunokuudo i'nopiyowo'ji nobolonekono. Toro kuvi kuruv a'mwo pwol Gooti toolluro Kuullo toollu kuumjuno'ji su toolno'gwowi Kuullo su toolluro no ai'no'ji tollovo nomulomaronekono. No su tollovo a'mwo tool aiyo yiunokuudo mujomwekovlaiyo'moneyokwe tov nomaronekono.

Efesos 4:22

Sumdomgu kevu kuudo uumdo su toorai kuumjungovlaiyajupo toga kemi kaiyako bwotonyo sugolaikumeyajuporogano. Aki kemi kaiyako igolaikumeyo'moneyokwe youkuu'naikudodopure toorai uumjungovlaiyo'mo tov ilaiyo aikullunyajukogaikikono. Toro kuvi kuruv aga'no'gwowi kevu kuudo uumdo su toorai yiunokuudo neya duugollu'movogaulo.

Efesos 5:12

Neya duu'nyulo. Nevu yiulo tomuuda'ai kaiya'no pasudo yodupudo su tooraino yogalo nodumwala'jo. Punol su toro tooraino ada'ji tov wogulo nyubwosunanonogano.

Efesos 5:7

Toro tovino tov kevu a'mwo ma'no ma'no pasudo su toro yodupudo toorogai guro'mwonyopi nyomollumwalpiyo.

Kooloosi 1:12

Aki nemi Nellunumiyago Gooti toollu, “Nenoloo,” to'no wuudumwalpinogaikikono. Gooti su tool kemi ikumaro'no me'no amekumwallokaikono. Toro te kevuge'aro nekunogai'aro yiuwi'nokai Gooti gavnokwe toolluro a'mwo abolo tonol gamoro bako tovi anakuuto tomuu kuulomwalodowadonogano. Toro tonol gamoro yiuwi'nokai lukomgu nonekullabwono ton kuvinono nomaranonogano.

1 Tesaloonaika 5:7

Kevu kuudo neya jaullulo. Surakuuto toga a'mwo abolo sa wollokwe ton sa wo'dupudo togakono. Aki su toro toga a'mwo abolo wain wonyo bwotonyo nopi amomo yodupudo togakono.

2 Tesaloonaika 3:14

Aki kemida'ai a'mwo pwol pas akavida'ai nemoro yogalo adaikullumwakuuwo tovi kisuvolo so'ji su tooke ibwoto'nyo mipinono. Kevu su toro supi tov a'mwo su tool gami ma'no ma'nodo tovino yainyunonekono. Toro tool wogulo ibwosunowo'ji gami ma'no ma'nodo tovi buulo nuuguunyumopiyonekono. Su toro tomgu'aro wiyo'mwojo'mo tovino tov kevu a'mwo su tooke ibwoto'nyo mipinono.

2 Tesaloonaika 3:6

Nemi avalobuuravoo, nemi Aguto Jisas Kraisolluno yovo tovida'ai guureji aro adaikullumawono. Kevu Jisasolluro a'mwo abolo togaikulluda'ai a'mwo pworo kevnokwero yomjomwekovlaiyo'mo burawo yopi yasuwa'no kirounomollodupudorogano. Aki a'mwo burawo su tooro nemoro yogalo me'no sodekubwasajuuwo tonyu kisuvolo wiyodupudorogano. Yiuwi'nokai su toro yodupudo toorai kevu manyu tomuu'aro neya duuwiyogaulo.

1 Timooti 5:20

Aki a'mwono moduvomwallokwe pwol ma'no ma'no kuuno mujumovla'mdowo'jure toollu yiuwi'nokai Jisasolluro mollu'bwoto tonyuro sumdo tovi neya jovo'dogalogawono. Su toro tovi a'mwono moduvomwallokwe pworo kwonpi tov ma'no ma'no yo'mo tovino luko imwalpinorogano.

1 Timooti 5:22

Aki Gooti toolluro womdo tovi wimovlaiyo'moneyokwe a'mwono moduvomwallokwe toorai jeso'mo tooku yere majesubinekugono. Su tov aro tovinokwono. Guu gumi ato tokwe a'mwo moduvomwallo'moneyokwe pwollu yere ajesubi tov a'mwo su tool lukomgu ma'no ma'no nyo'jo. Lukomgu ma'no ma'no kuvinono so'ji tov guu a'mwo su to kwolluro ma'no ma'nodo tov gumi nyagu'mullo'jo. Toro te guu ma'no ma'nodo tovi manyu toru'aro neya domwalogawono.

1 Timooti 6:5

Aki yiuwi'nokai toga mebweyogalo to'no yajunodupudorogano. Su toro tooravuro kuudo tov kaiya'no yiunokuudo igolamo'nopi nebaikuuguudo tovino supto kuuno yodupudorogano. Aki toro tooro noo'noo kuudo aro yau'dupudorogano. Oo nevu Gooti toollu kuumjuna'ji tovida'ai kwako akavuro noonyumwonyu kuto ivito bwotonyago ton nomaranonogano. Kuudo yau'dupudorogano.

2 Timooti 3:5

Aki a'mwo abolo su ton kevnokwe tonyuno aro youkuu'nuuduuwallunupinogano. “Oo nevu Gooti toolluro a'mwo abolo wimo'nodowadonogano.” Su toro youkuu'nuuduuwallunopi kuvi kuruv Gooti toolluro jurogudo tovino'gwowi buulo uugunyumopipinogano. Toro te guu a'mwo abolo su toro tonyu manyu tomuu'aro neya jurukuruwolovogawono.

2 Timooti 4:2

Guu Gooti toolluro yogalo tokwe modomollo'moneyokwe neya jovraimonyogawono. A'mwo abolo ton Gooti toolluro yogalo su tovi kaduko wiyo'mo kwinpiyoga'deyo oo kaduko wiyo'mo mwinpiyoga'deyo kuga kuruv yiuwi'nokai toga guu Gooti toolluro yogalo tokwe modomollo'moneyokwe neya jovraimonyogawono. Aki toro tooku kavo to'no mwalo'bi Gooti toolluro yogalo su tokwe neya jodubwasogawono. Toro yodubwasodo'bure tovi'aro a'mwo abolo tobuurai mollado'movo'bi aki yogalo mojurugolo'bi aki jurogudo duuwimwojo'bi tono tono imwalbinekugono. Aki toro tobuurai Krais toolluro yogalo tokwe yodubwasodumdo tovi miyuu'dapimwalbinekugono. Toro kweku kuruv yiuwi'nokai toga neya jodubwosumovlavogawono.

Taitos 2:15

Toro te guu yiuwi'nokai kuuguudo me'no aikudumo akan a'mwo abolo tonyu neya jodubwasogawono. Aki kuuguudo akanyu a'mwo abolo ton po'dogalo uumjunmwalpino'moneyokwe jurogudo doduuwimwojumovlavogawono. Aki a'mwo abolo pun kuuguudo akanyu kisuvolo yodopure tonyu guu yogalo neya domojurugologawono. Guu womdo su toro tovi yo'moneyokwe Gooti tool me'no ajagubweyokaikugono. Toro tovino tov a'mwo abolo pun gumi maguu'nyubusuko yopi kaduko magujupi tov guu su toro tonyu wonyapino nyumwalbiyo.

Adodolukuu'nosungiko 18:4

Toruda'ai nuu yogaimaguurai puruv muunyu kai'muuda'ai ilodopiyaboduke tovi kuu'nonyugono. Yogaimaguurai su tov aro adokakwono. “Oo moro a'mwo abolo togaikul wagwolago Bebeloon tovuro ma'no ma'no pasudo toorai nuumjunpiyokwe kevu buugollu'mokalokwilo. Aro tovinokwono. Kevu wagwolago su tovuro ma'no ma'no pasudo toorai kuumjunpi tov nuu wagwolago su tovi airumwallumi toga kev kugaikullu kuruv aval'no nerekumwallumiyokwe tovinokwono.