Efesos 4:20 - Gooti Toolluro Yogalokwono

²⁰ Toro kuvi kuruv kevno'gwowi a'mwo kuurotokwe pworavuro yodekubwasodopure tovida'ai Krais toolluno me'no kuu'nopokwono. Krais toolluno kuuguudo su tovida'ai kevu ma'no ma'no pasudo su toorai neya mujeroungovlapino'moneyokwe miyodekubwasajupokwono.

Efesos 4:20 ပူးပေါင်းရင်းမြစ်များ

Matyuu 11:29

Su tov aro to'busukokwono. Buulmokau pworo nome'nomokavlaiyo'moneyokwe womnyuko tagwo tovi dolago tomuu da'mdupudorogano. Toro to'busuko kubalno kevu mi dolago tomuu boulodavopi donumjunogaulo. Su tov aro tovinokwono. Nuvnokwe toonyu moro poowokalago kuunodo tokwe bwolomorumwogapinodamdonyugono. Toro toonyu kemi kavo nokwo ikubemwojumwalmonyugono. Toro toonyuno kuudo me'no souronumapi togaikul kemoro poowokalago kuunodo tokwe iruko nokwo mwalmwalpinogaikikono.

Luuk 24:47

Aki yogalo puruv aro sakwollungikokwono. “Yiuwi'nokai a'mwo abolo Gooti toollomno kuudo souragunyumo'nupi su ton Gooti tool kemoro ma'no ma'nodo tovuro kirumwallo tov nomodukwopiyonekono. Yogalo su tov Krais toolluno yovo tovida'ai jurogudo tokwe nomodomollupinokwono. Muudu'no wagwolago Jeruusalemda'ai modomworaropi yiuwi'nokai kantri tonyu nomodomollupinokwono.” Su toro sakwollungikokwono.

Joon 6:45

Aiyoga proofet tooravuro yogalo sakwollungiko puruv arokwono. “Gooti tool a'mwo abolo tonyu yodubwasonekono.” Toro te yiuwi'nokai a'mwo abolo ton moro Nyunumiyago toolluro yogalo tovi wuu'nopi kuudo souromapi su ton numiyomno kuvinono nobupinogano.

Efesos 4:21

Kevu Krais toolluno kuu'nopo toga kwollu me'no kuuguro'mwonyopogaikikono. Aki toro togaikul ilaiyo nyomjomwekovlaiyo'moneyokwe nebaikuudo yodekubwasodopure tovi me'no souromaropogaikikono. Nebaikuuguudo su tov Jisasollu tomuu kuula'dowodokwono. Toro tovida'ai kuudo me'no souromaropo tov arokwono.

1 Joon 2:27

Kev togaikulno'gwowi Krais toolluro ato tovida'ai gamoro Kuullo aikullaboka toollu me'no amaropogaikikono. Kuullo su tool kemoro poowokalago tonyu kuulemovaikubweyodowodo tovino tov kevu kemi yekubwaso'moneyokwe a'mwo pwolluno supto mimwakovo. Toro kuvi kuruv Kuullo su toolno'gwowi kemoro yiuwi'nokai supto yodopure tonyuno kuvinono yekubwasokwekono. Aki gamoro yekubwasodowodo su ton kuunanonmaiyo. Yiuno nebal'nodogano. Kuullo su toolluro yekubwasodowodo tonyu kevu neya uumjungovlavopi Krais toollu guureji nokwo uuguro'mwonyumwalpinogaikikono.