Da'buukiyo 22:16 - Gooti Toolluro Yogalokwono

¹⁶ A'mwo kirovanyuvanyu kuumwiyo tooro juluko toorobusuko mi aiyowomno abomwodovonuma'mwakoporogano. Toro bomwodovonuma'dupu juluko tooro tuko do'mdupudo to'busuko kubalno moro suvlato tonyu airo'muulanbweyadokwoporogano.

Da'buukiyo 22:16 ပူးပေါင်းရင်းမြစ်များ

Aisaiya 53:5

Toro amaroka su ton yiuno nemoro ma'no ma'no yodowado tonyuno tov kwimo'nokaikono. Toro te nemoro ma'no ma'no sajuuwo tonyuno tov a'mwo su tekwoji iwago romiyo'mno gamoro kulako tovi kwa'dalo bwotonyo kwiyopekono. Toro tekwo nevu ilaiyo amwalaneyokwe tovino kirumwallo'mo danyu'nyuwuulo ton subwosunokaikono. Aki toro toolluro kwa'dalo amaroka tovida'ai nevu ma'no ma'nodokwe tonollu nekullukulodowodonogano.

Matyuu 26:57

Jisasollu me'no galomwora'no sumaveyokwe pris aguto toolluro agwapto tomuuno amogaibworomokavlavopekono. Pris aguto su toolluno yovo tov Kaiyafasolekono. Toro toolluro ago toru pris mido mollomwalokwe pworogai'aro yiuwi'nokai Juu tooravuro mido mollomwalokwe toorogai'aro loowo tovino pi'mwo kuudokwe toorogai'aro tooro su'bwo'noporogano. Toro i'bwo'nodopure toru'no Jisasollu amogaibworomokavlavoporogano.

Matyuu 27:35

Toro wino sumaveyokwe a'mwo mollurogudo tooro gamoro youro tov mollurolopiyo'mno Jisasollu i'noguropte tovi amovoromiyoguroptowosoporogano. Me'no movoromiyoguroptowosuno sumaveyokwe toga Jisasolluro youro ton mojuru'bworoso'mno gadool gadool marono'mdukoneyokwe tovino sumwonyo puruv soporogano.

Matyuu 7:6

Kevu kuuguudo pun Gooti toollo'mo me'no ajesungiko ton maropi a'mwo abolo Gooti toollo'mo majesungiko punyu nuuwimwalpiyo. Su tov aro to'busukokwono. Kevu juluko pworai kwipi tov juluko su tooro yadu'mwonyopi kemi tuko nodovaikunpiyo. Aki kevu soolwara tovida'ai sulo sugumaluko tollovo sa'aiyo tooravuro sumdollu toru mabwolmwogapiyapinono. Sa'aiyo su tooro soolwara tovida'ai sulo sugumaluko su tollovai mwonyubusuko yopi suvlo nyulomavekupiyo.

Kuuguudo Sugudo akav Makolluro sakwollokakwono Mak 15:24

Toro wino sumaveyokwe toga a'mwo mollurogudo tooro gamoro youro tov mollurolopino sumaveyokwe Jisasollu i'noguropte tovi amovoromiyoguroptowosoporogano. Me'no movoromiyoguroptowosuno sumaveyokwe toga Jisasolluro youro ton mojuru'bworoso'mno gadool gadool marono'mdukoneyokwe tovino sumwonyo puruv soporogano.

Luuk 23:23

Pailatol toro kuudoka kuvi kuruv kwolallo ton deko bwotonyo aro adelowo'nugoulapogano. “A'mwo su toollu i'noguropte tovi domovoromiyoguroptowosono!” Aki kwolallo su tonyuro yogaimaguurai tov Pailatolluro yogalo doduke tovi abu'duvolomarokakwono.

Luuk 23:33

Toro mogaibworomokavla'mno sumaveyokwe kwako puvi ai'movoporogano. Kwako su tovino yovo tov Mibodoptovo dodupudorukono. Toro towai ai'movopo toga Jisasollu amovoromiyoguroptowosoporogano. Aki kirovanyuvanyokwe su toorake'aro amovoromiyoguroptowosoporogano. Toro tooralluro pwollu Jisasolluro anatomgu pwollu kwonamomgu amovoromiyoguroptowosoporogano.

Joon 19:23

A'mwo mollurogudo tooro Jisasollu i'noguropte tovi me'no movoromiyoguroptowosuno sumaveyokwe toga gamoro kwa'mguda'ai youro ton aval aval adovorojosoporogano. A'mwo mollurogudo aral aral tooro youro su tonyu go'no go'no mallo'moneyokwe aval aval amomuudeyosoporogano. Aki gamoro anakuu'youro kuruv amaroporogano. Anakuu'youro su tovi go'no go'nodo togai magiwollungikokwono. Toro kuvi kuruv youro yiuno puru'monodo tovida'ai agiwollungikokwono.

Joon 19:34

Toro kuvi kuruv a'mwo mollurogudo pwol takubwopto tokwe Jisasolluro suumdo tovi ajuulowosokaikono. Toro ajuulowosoka toga mujako tokwe wonyo tokwe toval kwolabolovakono.

Joon 19:37

Aki Gooti toolluro yogalo sakwollungiko puruv arokwono. “A'mwo takubwopto tokwe ajuulowosupi tooro a'mwo ajuulowosungiko toollu noonpinekono.” Sakwollungikokwono.

Joon 20:25

Toro toollu Jisasolluro uumjunyokwe gabovo tooro aro kuudoporogano. “Oo nevu Aguto toollu me'no kwonmawekono.” Toro kuudopo kuvi kuruv Toomasol aro kuudokaikono. “Nuu, Oo nebalo'mdeyo, kuudo yere muubwemonyugono. Nuvu gamoro nillo imuulo tonyu wono'mi aki gamoro ato tovake'aro suumdo tokwe'aro tovalluda'ai imuulo tonyu moro pollo tov aulopiyami toga'no'gwowi kuudo nokwo uubwemonyugono.” Kuudokaikono.

Joon 20:27

Toro wuujuno sumaiyokwe toga Toomasollu kuudokaikono. “Gumoro pollo tov akawai uubogai'no'bi aki moro ato tovida'ai imuulo kwosuko tovi doonono. Aki gumoro ato tov ruuguusapiyo'bi moro suumdo tovida'ai imuulo tovi doulopiyawono. Guu moro aduka'mo tovino kuudo noullo maullo miyau'binono. Toro kweku kuruv moro me'no aduka'mo su tovino kuudo neya duubweyono.” Kuudokaikono.

Filipai 3:2

Kemi akuuto toruda'ai a'mwo kirovanyuvanyu tooraino kevu wako neya dou'nogaulo. A'mwo su tooro kuullujuluko toorobusukorogano. Toro tooro kwa'mgu kulako tovi kaiyako mollugolameyo'mo aro dumuurolo'mdupudorogano. “Kevu Gooti toolluro a'mwo kuunodo wimo'nyo'mo tov lakulkulako ton neya dodo'nogaulo.” Dumuurolo'mdupudorogano.

Adodolukuu'nosungiko 22:15

Toro kuvi kuruv a'mwo abolo puno'gwowi wagwolago su tovi kwa'mgu tomuu mwalpinogano. A'mwo abolo jul pasudo yodupudo togai'aro bulapto yodupudo togai'aro kwonyalo yodupudo togai'aro a'mwo pworai romiyosodupudo togai'aro kuunano gooti toorai ilomoropiyodapudo togai'aro aki yiuwi'nokai a'mwo abolo kevnokwenyuro kuunano pasudo tovino ilaiyo winopi youkuu'nuudodupudo togai'aro yiuwi'nokai su ton wagwolago tovi kwa'mgu tomuu mujomwekovla'mwalpinogano.