Aki lukomgu Jisasol pugasal puga toga aiko te aro kuudoganokaikono. “Joonolluro muugunyo Saimoonoloo, guu mino kalo buuropino gujunodowodekudeyo?” Kuudoganokaikono. Toro kuudoganoka toga'no'gwowi Pital jul'nyo subwosunokaikono. Su tov aro tovinokwono. Jisasolluro aro kuudoka tov, “Guu mino kalo buuropino gujunodowodekudeyo,” pugasal puga kuudoganoka su tovino Pital jul'nyo subwosunokaikono. Toro ibwosunyuno sumaiyokwe aro kuudokaikono. “Agutoloo, guu yiuwi'nokai noonyumwonyu tonyuno kuudo me'no youroma'dumdekugono. Toro tooku moro gumino kalo buuropino nyunodowodo su tovino kuudo me'no yanuu'dumdekugono.” Kuudokaikono. Toro kuudoka toollu Jisasol aro kuudokaikono. “Guu moro sipsip tobuurai wosamujuko neya duuwiyogawono.” Kuudokaikono.
Da'buukiyo 139:1 - Gooti Toolluro Yogalokwono1 Gooti Yaweloo, guu mi gallenyubworonuma'dumdo tooku kuudo me'no yanuu'dumdekugono. အခန်းကိုကြည့်ပါ။ |
Da'buukiyo 139:1
15 ပူးပေါင်းရင်းမြစ်များ
Aki yiuwi'nokai Gooti toolluro sokwollosoka ton gamoro sumdo tovida'ai yiulo puru'monodo kuruv miyoupuu'na'dupudogano. Toro kuvi kuruv yiuwi'nokai ton Gooti toolluro sumdo tovi yiuno kuu'maiyo toru'no bomollolupto'nosodupudogano. Toro tonyu Gooti tool pi'mwono youroonodowodekono. Gooti su tool nemoro pasudo tonyuno nojainyubworonekono. Toro ajainyubworo'ji toga nevnokwe tonol nemoro pasudo su tonyuno kavlo ton kuu'maiyo toru nododowiyoku'bworosunanonogano.
“Aki guu pas akavi wagwolago Taitairoda'ai Jisasolluro mollu'bwoto tovuro ensel moduvomwallokwe toollu aro jokwollapiyono. Kuuguudo akav nuu Gooti toolluro Kwolaiyo toonyurokwono. Numoro sumdo toval widuko to'busuko guureji pwopiyodubulovakono. Aki moro suvlo toval aiyon sallukwa'jo ailogullumowopingiko tovida'ai yainyunyo to'busukovakono. Toro toonyu kuuguudo aro agudumono.
Aki abolo su tovuro kwoloraiyo wimo'nodupudo tonyu nuu noromiyosumonyugono. Su toro aromiyosumi toga moro yiuwi'nokai mollu'bwoto go'no go'nodo ton mino aro kuudo yanuupinogano. Oo Krais tool yiuwi'nokai a'mwo abolo pwolno puru'monodo tonolluro kuudo togai'aro poowokalago togai'aro tonyu youranekwonodowodekono. Aki toro tool yiuwi'nokai pwolno puru'monodo tonolluro pasudo yodowado tonyuno mubiyo tov nonekubweyonoldeyo. Mino su toro kuudo yanuupinogano.
ကြော်ငြာတွေ