Adodolukuu'nosungiko 8:4 - Gooti Toolluro Yogalokwono

⁴ Ensel tool toro boda'mno sumaiyokwe gamoro ato tokwe wobeya sudo kuunyokwe dis towasi amworarokaikono. Toro mwora'duke tovida'ai wobeya sudo kuunyokwe juto tov Gooti toollomno sulokakwono. Aki Gooti toolluro a'mwo abolo tonyuro subusu'nyogalo wuudodupudo kugai'aro Gooti toollomno aval'no sulapogano.

Adodolukuu'nosungiko 8:4 ပူးပေါင်းရင်းမြစ်များ

Mollurolovomato 30:1

Gooti Yawel toro wuujuno sumaiyokwe aki aro kuudokaikono. “Kevu dukwagupto kula'nyo puruv jakwollulo. Toro sakwollupi tovi wobeya sudo kuunyokwe tov iroudapiyo'moneyokweyokwono. Toro te akesiyo i'buukuu'nolluko puuso maropi jakwollulo.

Luuk 1:10

Toro te Sekoraiya'wol Gooti toollu ilomoropiyo'moneyokwe ago tovi anakuuto tomuu wobeya sudo kuunyo'moneyokwe tov kuulluroudapiyoduke toga a'mwo abolo kwolallo bwotonyago ton kwa'mgu tomuu mwalo'mno subusu'nyogalo adomwallajupogano.

Kuurotokwe 10:4

Toro wuudoduke toga Kooniliyosol ensel su toollu wonyuno sumaiyokwe luko bwotonyo yo'no aro kuudoganokaikono. “Agutoloo, buro'nyo'mekudeyo?” Toro kuudoganoka tovi ensel tool aro kuudokaikono. “Gumoro subusu'nyogalo ilodopiyodore tonyu Gooti tool me'no guu'nodowodekono. Aki guu a'mwo abolo apoo'nyaiyo tonyu yasuwa'no wiyodumdo tovi me'no gwonodowodekono. Gumoro su toro yodumdo tonyuno Gooti tool kuudo miyallulo'gwonodowo me'no youroguma'dowodekono.”

Adodolukuu'nosungiko 15:8

Aki Gooti toollu ilomoropiyo'moneyokwe ago tovi juto tov aiyowomno aullo'mowopiyokakwono. Juto su tov Gooti toolluro bako bwotonyo tokwe'aro gamoro jurogudo tokwe'aro tovalluda'aiyokwono. Juto su tov kuullo'mowopiyoduke toga a'mwo pwolnodo kwol kuruv Gooti toolluro ilomoropiyo'moneyokwe ago su tovi yere maulokaikono. Toro kuvi kuruv yiuno 7-pela ensel tooro yiuwi'nokai 7-pela tabunyuwuulo su ton me'no aimowopiyopo toga'no'gwowi Gooti toolluro ilomoropiyo'moneyokwe ago su tovi nokwo aulapokwono.

Adodolukuu'nosungiko 8:3

Toro kwiyoka toga ensel gabovo pwol wobeya sudo kuunyo'moneyokwe gool tovida'ai dis sakwollungiko puuwa amworarokaikono. Ensel su toollu wobeya sudo kuunyokwe bwotonyago ton me'no kwiyopekono. Wobeya sudo kuunyokwe su togai'aro Gooti toolluro a'mwo abolo tonyuro subusu'nyogalo wuudodupudo togai'aro ton dukwagupto tovi wiroudapiyo'moneyokwe abodavokaikono. Dukwagupto su tov gool tokwe sakwollungiko tov Gooti toolluro sia kig tovi sumdollu toru wo'dowodokwono.