Adodolukuu'nosungiko 6:2 - Gooti Toolluro Yogalokwono2 Toro juno sumaiyokwe nuu sumdo yomuugona'no sumoneyokwe hoos wiya'jo pwollu kwononyugono. A'mwo hoos su toollu mokavla'mdowodo tool irogudo puul mwora'dowodekono. Aki toro toolluro mido tovi a'mwo aguto kig tooravuro miguto tov subweyopekono. Su tool molo tonyu me'no uuwolo'mdowodekono. Aki toro tool molo tonyu kuuno uuwoleyo'moneyokwe gami hoos toollu muunyu toru ilomwalno sumaiyokwe avlavokaikono. Toro pla'mduke toollu kwononyugono. အခန်းကိုကြည့်ပါ။ |
Adodolukuu'nosungiko 6:2
22 ပူးပေါင်းရင်းမြစ်များ
Toruda'ai ensel naba 7 tool gami biugel tovi pwo'mi muujudo airapiyokaikono. Toro kirapino sumaiyokwe Gooti toolluro ago muunyu kai'muuda'ai yogaimaguurai bwotonyago pun deko aro adelowo'naroporogano. “Oo aga yiuwi'nokai kwako akavi aguto kig mido mollomwallo'moneyokwe jurogudo tov nemi Aguto tooke'aro gamoro Krais ajesoka tooke'aro tooralluro ato tovi kuuwoso. Aki Gooti su toolluro aguto kig mido mollomwalono tov yiunokuudo mujo'movla'mwalonokwono.” Yogaimaguurai ton su toro adelowo'naropogano.
Kwako akavida'ai a'mwo abolo gumino kuudo magubwemwakopo ton gumino surodo wuunodupudogano. Toro kuvi kuruv a'mwo abolo su tonyuno gumoro surodo wuunyo'moneyokwe toga'no'gwowi me'no abai'movokakwono. Toro te a'mwo abolo me'no bolodupudo tonyu kooti yogalo duuwibino'moneyokwe tov aga abai'mo'mwallo. Aki gumoro womdokwe proofet toorogai'aro guvnokwekujuro a'mwo abolo kuunodo togai'aro aki gumi kwako tomuu'aro mwalodupudo togai'aro yovo maiyokwe tobuurogai'aro yovo agutokwe tovosogai'aro yiuwi'nokai su tonyu mubiyo tov uubibino'mogakono. Aki a'mwo abolo kwako akavi mwalodupudo pubuurai kaiyako igolodupudo su to kworai kuruv guu kaiyako mollounapibino'mogakono.” Toro adoporogano.
Toruda'ai nuu sumdo yenomolluno sumoneyokwe sulu'wo wiya'jo puvi kwononyugono. Sulu'wo su tovi muunyu toru A'mwo Kwolaiyo Kuunodo toolbusuko imo'nodowodo tool nyulomwaloduke kwononyugono. Toro tool a'mwo aguto kig pwolluro miguto gool tovida'ai sakwollungiko tokwe gami mido tovi amollosokaikono. Aki wosamujuko tonyu dovomallo'moneyokwe sallupe nodukwaiyo puuke'aro amomworarokaikono.
Aki nuu soolwara buugo puruv gles tovida'ai sakwollungiko tovi kwononyugono. Wonyo buugo su tovi anakuuto tomuu widuko tov kuuloowopiyoduke tovi kwononyugono. Aki wonyo buugo su tovi wobo toru a'mwo abolo pun noda'mdopure kwononyugono. A'mwo abolo su ton ibesa'aiyo kaiya'no kuumwiyo toollu milomoropiyajupogano. Toro kun kuruv su toollu uuwoleno sumaveyokwe aki ibesa'aiyo kaiya'no kuumwiyo su to kwolbusuko kula'noka sokwolludapiyopo kwollu kuruv milomoropiyajupogano. Aki gamoro naba kuruv mamaropogano. Toro te yiuwi'nokai a'mwo abolo su ton soolwara buugo tovi wobo toru daino sumaveyokwe gita to'busuko, harpovo, dodupudo tonyu amworaropogano. Gita amworaropo su ton Gooti toolluro me'no kwiyokagano.
A'mwo aguto kig atousal su tooro Sipsip Muugunyo toollu molo nuuwipinorogano. Toro kwipi kworai kuruv Sipsip Muugunyo su toolno'gwowi nuuwolowonekono. Su tov aro tovinokwono. Sipsip Muugunyo su tool yiuwi'nokai a'mwo aguto toorai kemi Aguto kuunodo wimo'nodowodekono. Aki yiuwi'nokai a'mwo aguto kig toorai kemi Aguto Kig kuunodo wimo'nodowodekono. Toro toolluno tov a'mwo aguto kig atousal molo kwipi su toorai nuuwolowonekono. Toro kuuwolowo'ji toga gamoro a'mwo abolo ton kweke mwalpinogano. A'mwo abolo su tonyu me'no doma'no sumaiyokwe gamiyo'moneyokwe ajesokagano. Aki a'mwo abolo su ton Sipsip Muugunyo su toollu pi'mwono uumjunodupudogano. Toro ton kweke nomwalpinogano.” Ensel tool toro anyudokaikono.
Tomabore'bore su tooro aro to'busuko sumo'noporogano. Hoos pworo molo mollo'moneyokwe me'no amollovrowosungiko toorobusuko imo'nodopure toorai kwononyugono. Tomabore'bore su tooro kemi mido tonyu muunyu toru a'mwo aguto kig tooravuro gool miguto yesodupudo to'busuko pun sesoporogano. Aki kemoro sumdomago ton a'mwo tooravuro sumdomago tonbusuko kurukwerogano.
ကြော်ငြာတွေ