Adodolukuu'nosungiko 3:9 - Gooti Toolluro Yogalokwono

⁹ Toro te kevu neya duu'nyulo. Nuu Satanyolluro mollu'bwoto tonyu molleroudapiyodo'mure tovida'ai a'mwo abolo su ton kev togaikulluro suvlo dolago tomuu nobomuulo'napinogano. A'mwo abolo su ton kuunano aro dodupudogano. “Oo nevu Juu kuunodonogano.” Su toro dodupudo kuvi kuruv a'mwo abolo su ton Juu kuunodonmaiyo. Su toro ton kemoro suvlo dolago tomuu bomuulo'naropi aro tovi noonomapinogano. Nuu toonyu kevu togaikulluno'gwowi kalo buuropino nyunodowodonyugono. Su toro tovino noonomapinogano.

Adodolukuu'nosungiko 3:9 ပူးပေါင်းရင်းမြစ်များ

Mollurolovomato 11:8

Moosesol toro wuujuno sumaiyokwe aki aro kuudokaikono. “Toro aikubweyo'ji toga gumoro a'mwo womdo tovi mollomwalokwe tooro miyomno bopi moro sumdollu toru kwako tovi bomuulo'naropi aro nyudupinorogano. “Guu gumi a'mwo abolo togai momworaro'bi neya dovlaiyulo.” Toro anyudupi toga'no'gwowi nokwo plawanonogano.” Moosesol toro wuujuno sumaiyokwe surodo bwotonyo wuunoduke tool Feroo toollu abuugollu'mokalokwokaikono.

Joon 17:23

Nuu a'mwo abolo su tonyu uuguro'mwonyugovlavo'mi aki guu kweku kuruv numi nuguro'mwonyugovla'binekugono. Su tov aro tovino'mokwono. Yiuwi'nokai a'mwo abolo kuudo kuubwepi su ton yiuno puru'monodo to'no pi'mwono neya imo'nugovla'mwalpinogano. Toro imo'nugovla'mdopure tonyu yiuwi'nokai kwako akavida'ai a'mwo abolo ton wonopi mino aro kuudo youronumapinogano. Oo akal Gooti toolluro amonekwopiyabokaldeyo. Su toro tovino kuudo youronumapinogano. Aki guvu mino kalo buuropino gujunodowodo to'busuko kubalno guu a'mwo abolo su to kunyuno kuruv kalo buuropino aval'no gujunodowodekugono. Su to kuvino kuruv kuudo nokwo youromapinogano.

Adodolukuu'nosungiko 2:9

A'mwo pworo mino kuudo manubweyodupudorogano. Toro tooravuro gumi kaiyako yagujugolodopure tovi wonoguma'dumdonyugono. Toro yagujugolodopure tovida'ai guu danyu'nyuwuulo ma'dumdo tokwe'aro aki apoo'nyaiyo imo'nodumdo tokwe'aro tovalluno nuu me'no souroguma'mwakonyugono. Guu kwako akavida'ai tonyuno apoo'nyaiyo imo'nodumdo kweku kuruv gumoro poowokalago tovino'gwowi muunyu kai'muuda'ai noonyumwonyu bwotonyagokwe imo'nodumdekugono. Aki a'mwo pworavuro gumino mebweyogalo gudodopure kuvino kuruv nuu kuudo me'no souroma'mwakonyugono. A'mwo su tooro aro jokwerogano. “Oo nevu Juuwonogano.” Su toro dodupudo kworo kuruv Juu kuunodoromaiyo. A'mwo su tooro Satanyolluro mollu'bwoto wimo'nodupudorogano.