Su toro nodore toga ensel tool aro anyudokaikono. “Guu a'mwo abolo judo'no judo'no kula'nokakwe togai'aro kantri togai'aro judo'no judo'no yogaljo dodupudo togai'aro a'mwo aguto kig toorogai'aro tonyu lukomgu nuuwimo'nono tovino proofet yogalo tov aki aiko te kuu'maiyo toru'no neya domoruudogawono.” Anyudokaikono.
Adodolukuu'nosungiko 17:12 - Gooti Toolluro Yogalokwono12 Aki ibesa'aiyo kaiya'no kuumwiyo toolluro atousal koomwo tooro a'mwo aguto kig atousal gabovo pworaino duuwallo'morogano. A'mwo aguto kig su tooro kemoro mido mollomwallo'moneyokwe jurogudo tov yere mama'mwakoporogano. Kemoro mido mollomwallo'moneyokwe jurogudo su tov kuvinono me'no amapi toga ibesa'aiyo kaiya'no kuumwiyo tooke aval'no mido mollomwalpinorogano. Toro kworo kuruv yiuno kuujo sumdo pullugwonodo toga'gwono mollomwalopi kemoro mido mollomwallo'mo jurogudo su tov yere nuugollu'mowonokwono. အခန်းကိုကြည့်ပါ။ |
Adodolukuu'nosungiko 17:12
12 ပူးပေါင်းရင်းမြစ်များ
Aki sulugumdo tovi muunyu kai'muu duuwallo aguto purukwe'aro sumo'nokakwono. Duuwallo su tov ilviyo bwotonyo kuunodo toolbusuko pwollu kwononyugono. Ilviyo su tool muja'jekono. Aki toro tool 7-pela mido toorogai'aro atousal koomwo toorogai'aro kurukwekono. Toro toolluro mido toorai 7-pela a'mwo aguto kig tooravuro miguto ton wo'dupudogano.
Toruda'ai nuu ibesa'aiyo kaiya'no kuumwiyo pwol soolwara tovi anakuuto tomuuda'ai ilaboduke toollu kwononyugono. Toro kwono su tool atousal koomwo ton kurukwekono. Yiuwi'nokai koomwo go'no go'nodo su tonyu a'mwo aguto kig tooravuro miguto pun kurukweyogano. Aki toro tool 7-pela mido toorogai'aro kurukwekono. Gamoro yiuwi'nokai mido go'no go'nodo su toorai Gooti toolluno bwolomorumwogapiyo'moneyokwe yovo pun kurukweyogano.
Aki ibesa'aiyo kaiya'no kuumwiyo muja'jo tooke'aro aki atousal koomwo toorogai'aro tooro kwonyalo abolo su tovino surodo bwotonyo wuunodupudorogano. Toro tooro abolo tovi kaiyako igolmovlavopi abolo tov muukanyulmaiyo to'busuko imo'nonokwono. Aki a'mwo aguto kig su tooro kuulludaiyo pworobusuko abolo su tovuro kulako tovida'ai muugupto ton nodovollu'mulonopipinorogano. Aki abolo su tovuro muugupto pun anugollu'mopi tonyu duko tovi monoso'moneyokwe nomolluroudapipinokwono.
A'mwo aguto kig su tooro wagwolago tovuro danyu'nyuwuulo bwotonyo su to'busuko nomara'jokwe luko yopi manyu tomuuda'ai muugonorabupinorogano. Su toro muugonorabopi toga aro dupinorogano. “Aiyoo, wagwolago aguto Bebeloonda'ai togaikul jurogudo kugaikul kuruv kemi kirekumwallo tov ama'mwakovoo. Aiyoo! Kemi yiuwi'nokai kirekumwallo ton yiuno kuujo sumdo pullugwonodo akallugwoji avalo toga ama'mwakovoo.” Dupinorogano.
Toro kuvi kuruv aga'no'gwowi kuujo sumdo yiuno pullugwonodo tollugwoji wagwolago su tovuro yiuwi'nokai noonyumwonyu kuto ivito ton kaiyako me'no su'nopimapogano.” Dupinorogano. Aki su toro toga kuto ivito mokavlaptokwe sip tooraida'ai a'mwo aguto gunyukullokwe toorogai'aro sip tovi womdokwe toorogai'aro aki yiuwi'nokai bisnis womdokwe a'mwo abolo sip toollu sulomwalpi togai'aro ton manyu tomuuda'ai wagwolago su tovi muugonorabupinogano.
Aki toro ton kumdo dopi kemoro kalo kwinpi tovino duuwallo'moneyokwe tov kemi mido tonyu kwagupto togai luvobwosu'napinogano. Aki deko aro dupinogano. “Aiyoo, aiyoo, wagwolago aguto Bebeloon tov kirumwallo bwotonyo tovi ama'maiyoo. Yiuwi'nokai sip toorai mollomwalokwe tooro wagwolago su tovuro kuto ivito ton soolwara tovi'aro mokabino mokwino yodupudo tovida'ai nuugwiyo bwotonyagokwe imo'nodupudorogano. Toro kuvi kuruv kuujo sumdo yiuno pullugwonodo tollugwoji wagwolago su tovuro yiuwi'nokai kuto ivito nuugwiyo ton kaiyako me'no su'nopimapoganoo.” Dupinogano.
ကြော်ငြာတွေ