Adodolukuu'nosungiko 16:4 - Gooti Toolluro Yogalokwono

⁴ Aki ensel naba 3 tool gamoro dis tovida'ai wain wonyo surosungiko tov wonyo togai'aro wonyo sumdo ilowilovabodupudo togai'aro tonyu aimowapiyokaikono. Toro kimowapino sumaiyokwe wonyo su ton mujako sumo'nopogano.

Adodolukuu'nosungiko 16:4 ပူးပေါင်းရင်းမြစ်များ

Mollurolovomato 8:5

Toro te Gooti Yawel Moosesollu kuudokaikono. “Guu Eroonollu duudono. “Gumoro yodeko tov momworaro'bi wonyo togai wonyo kuralo togai wonyo buugo togai tonyu judowosono. Toro subi tovi nabuulo tooro Ijupda'ai kwako tovi aiyowomno yo'mowopipinorogano.” Duudono.” Gooti Yawel toro kuudokaikono.

Adodolukuu'nosungiko 11:6

Toro tooral kuuguudo tokwe kuu'maiyo toru'no moruudodo'bule toga buuruko tov nowo'jokwe sulugumdo tovi kudo'aiko wuullukullo'moneyokwe jurogudo tov kurukweyorakono. Aki toro tooral wonyo togai'aro wonyo buugo togai'aro tonyu yiuno mujakuumwiyo to'no imo'noneyokweyo'mo jurogudo tov kurukweyorakono. Aki toro tooral yiuwi'nokai a'mwo abolo kwako akavi mwalodupudo tonyu buro'nyo buro'nyo toga nobolluwuulo go'no go'nodo togai kaiyako igollo'mo kwinbullu kuruv jurogudo kurukweyorakono.

Adodolukuu'nosungiko 14:7

Ensel su tool toro mokavla'mno sumaiyokwe deko aro amjodumovlavokaikono. “Oo Gooti tool a'mwo abolo tonyu kooti yogalo wiyowo'ji nerumwallono'mo tov aga me'no abai'mopso. Toro tovino tov kevu gamoro dolago tomuu mwalopi yovo aguto neya duuwilo. Gooti su tool sulugumdo tokwe'aro kwako tokwe'aro soolwara tokwe'aro wonyo sumdo ilowilovabodupudo togai'aro tonyu sokwollosokaikono. Toro toolluno kevu neya julomoropiyogaulo.” Amjodumovlavokaikono.

Adodolukuu'nosungiko 16:5

Toro imo'nyuno sumaveyokwe nuu ensel pwol yiuwi'nokai wonyo tonyu mollomwalodowodo toollu kwononyugono. Toro toolluro deko tov aro doduke tovi kuu'nonyugono. “Oo Gooti sugumaluko to'nodo tooku aiyoga yiuwi'nokai toga amjomwekelabiyajudekugono. Toro tooku aga kuga kuruv kuuno mujomwekovla'mdumdekugono. Guu a'mwo abolo kaiya'no kuumwiyo tonyu kirumwallo'moneyokwe tabunyuwuulo amorapimado su tov yiuno sugudo to'no sumodekugono.