Adodolukuu'nosungiko 15:6 - Gooti Toolluro Yogalokwono

⁶ Toro te 7-pela ensel pworo 7-pela tabunyuwuulo togai momwora'no sumaveyokwe sel ago su tomuuda'ai amokaloboporogano. Ensel su tooro youro sugumaluko kaiya'no puru'monodo kuruv migolamo'nyungiko tousogai sesumolokaboporogano. Aki laiyo puboro gool tovida'ai sakwollungiko toborogai kemi kupolmdo toru amollosoporogano.

Adodolukuu'nosungiko 15:6 ပူးပေါင်းရင်းမြစ်များ

Luuk 24:4

Su toro mwonopo tovino kuudo kwolallo yourukwapiyo'mno abolo su ton a'mwo pworal wobo toru da'mdole toorallu kwonopogano. A'mwo su tooralluro youro tov bako bwotonyo pwopiyoduke tokwe yesodole toorallu kwonopogano.

Adodolukuu'nosungiko 1:13

Aki 7-pela gworeko gudupolallo'moneyokwe su tonyu akuuto toru A'mwo Kwolaiyo Kuunodo tool noda'mduke toollu kwononyugono. Toro tool youro kumi'yago toul yesuno sumaiyokwe aki gool tovida'ai laiyo agubullungiko tobal gami kupolmdo toru sosoka toollu kwononyugono.

Adodolukuu'nosungiko 14:15

Aki ensel pwol Gooti toolluro muunyu kai'muu ilomoropiyo'moneyokwe ago tovida'ai alokabokaikono. Toro lokabino sumaiyokwe sulu'wo tovi muunyu toru ilomwaloduke toollu deko guureji aro kuudokaikono. “Kwako tovida'ai wosamujuko ton suuwiyogano. Toro tovino tov aga wosamujuko su tonyu mulomallo'moneyokwe togakono. Toro te gumi sallupe nodukwaiyo touke neya dodovono.” Kuudokaikono.

Adodolukuu'nosungiko 14:17

Toruda'ai lukomgu ensel gabovo pwol muunyu kai'muuda'ai Gooti toollu ilomoropiyo'moneyokwe ago tovida'ai alokabokaikono. Ensel su to kwol kuruv sallupe nodukwaiyo do'nyo do'nyo puuke amokalobokaikono.

Adodolukuu'nosungiko 15:1

Toruda'ai nuu duuwallo jurogudo puruv sulugumdo muunyu kai'muu yalo'noduke tovi kwononyugono. Duuwallo jurogudo su tov agutokwono. Aki toro yalo'noduke tovino kuudo kwolallo sourukwapiyonyugono. Toro te duuwallo su tovi 7-pela ensel tooro 7-pela tabunyuwuulo togai ikolomwora'dopure toorai kwononyugono. Tabunyuwuulo su ton aiyowo'mogano. Su tov aro tovinokwono. Gooti tool gamoro surodo bwotonyo wuunodowodo tovi wuugollu'meyo'mo tool aiyowo'mo 7-pela tabunyuwuulo su togai kirumwallonekono.

Adodolukuu'nosungiko 19:8

Abolo su tov gami youro wiya'jo sugumaluko kuunodo kwingiko toul me'no mollosodowodokwono.” Yogaimaguurai tov toro adokakwono. Youro sugumaluko su toul aro tovino duuwallo'mokwono. Gooti gavnokwe toolluro a'mwo abolo tobuuravuro sugupasudo yodupudo tonyuno duuwallo'mokwono.