Adodolukuu'nosungiko 10:1 - Gooti Toolluro Yogalokwono

¹ Toruda'ai nuu ensel jurogudo pwol Gooti toolluro ago muunyu kai'muuda'ai wolaboduke toollu kwononyugono. Toro wolaboduke toollu sulu'wo tov aiyowomno momwodovoma'no sumaiyokwe aki daboomuulo puruv gamoro mido tovi muunyu toru airovokakwono. Ensel su toolluro sumdomago tov kuujo toolbusuko bako awopiyokaikono. Aki gamoro suvlo toval anyutuko widuko nugovla'mdubulo to'busukovakono.

Adodolukuu'nosungiko 10:1 ပူးပေါင်းရင်းမြစ်များ

Mollurolovomato 16:10

Toro te Eroonol kuvinono wuudoduke toga yiuwi'nokai Isuraiyolda'ai a'mwo abolo ton kwako a'mwomaiyo kuu'maiyo tomuu kwonyopiyapogano. Toro wonyopiyodopure kuga'gwo kuuno Gooti Yawelluro bako bwotonyo tov sulu'wo puvi anakuuto tomuuda'ai amdolopiyokakwono.

Pris Womdo 16:2

Gooti Yawel Moosesollu kuudokaikono. “Gumi judai'yago Eroonollu aro tovino duudono. Moro pwekwapto kuunodo toru'no yasuwa'no noulumwolawo'jo. Youro kudo'aiko allukurosungiko tovi anakuuto tomuu Subuu'yamjo'mo Bookis tovi wobo toru yasuwa'no maulawonekono. Nuu Gooti Yawenyu bookis su tovuro bwososo'mo atallo tovi muunyu toru sulu'wo tovi'aro mwalodumdonyugono. Nuu mwalodumdo sumdollu toru aulawo'ji tov noromiyosumekono. Yiuwi'nokai toga yasuwa'no maulawo'ji kwol kuruv yiuno nuvnokwenyuro kuudumi toga'no'gwowi nokwo kuulumwolawonekono.

Matyuu 17:2

Toro mokailno sumaiyokwe muugona'dopure toga Jisasolluro kulako tov judo pumgu'aro amoropiyokaikono. Gamoro sumdomago tov kuujo toolbusuko awopiyokakwono. Aki gamoro youro kuruv bako to'busuko wiya'jo to'no moropiyoduke tovi kwonoporogano.

Luuk 21:27

Su toro imo'nodowo'jure toga A'mwo Kwolaiyo Kuunodo toonyu moro jurogudo tokwe'aro bako bwotonyo tokwe'aro tovake sulu'wo tovi wolabodo'mure nonuwonpinonyugono.

Kuurotokwe 26:13

Mi kigoloo, toro plaino sumoneyokwe kuujunapto toga muunyu kai'muuda'ai bako bwotonyo puruv nuuge'aro a'mwo nuuge avlavowo toorogai'aro toonollu aiyowomno avanekwopiyokakwono. Bako bwotonyo su tov kuujo toolluro pwopiyodowodo tovi kuuwolovokakwono.

Adodolukuu'nosungiko 1:7

Neya duu'nyulo. Jisas Kraisol sulu'wo tovi anakuuto tomuu yanekulo'nowo'ji noolabwonekono. Toro wolabodowo'jure toollu yiuwi'nokai a'mwo abolo ton sumdo noonpinekono. Aiyoga a'mwo mollurogudo pwol takubwopto tokwe Jisasolluro suumdo tovi juulowosoduke toga a'mwo abolo pun nokwo wonyapino to'no sopo su to kun kuruv noonpinekono. Toro kwonpi toga kwako akavida'ai yiuwi'nokai a'mwo abolo yovodolobunyo go'no go'nodo tonyuda'ai ton aro dupinogano. “Oo neronekumwallonoldeyo.” Su toro dopi kumdato dupinogano. Su tov kuvinono nyumo'nonokwono. Nebalokwono.

Adodolukuu'nosungiko 18:1

Su toro tovi me'no wonyuno sumoneyokwe aki nuu ensel gabovo pwol jurogudo kuunodokwe toollu kwononyugono. Toro tool Gooti toolluro ago muunyu kai'muuda'ai wolabino sumaiyokwe gamoro bako bwotonyo pwopiyodowodo tov kwako akavi yiuwi'nokai tomuu aluvomdolomarokakwono.

Adodolukuu'nosungiko 18:21

Aki toruda'ai ensel jurogudo pwol sulo bwotonyo pwollu bomokailno sumaiyokwe soolwara tovi kwolomowopiyokaikono. Sulo su tool wit sulo gurojodupudo sulo bwotonyo pwolbusukekono. Toro toollu wolomowopino sumaiyokwe aro adokaikono. “Sulo kwolomowopimo su toolbusuko kubalno wagwolago aguto Bebeloon tovi yere noolomogalowopiyawonokwono. Me'no kwolomogalowopiyawo'ji toga wagwolago su tov yiunokuudo sovlawo'ji tovi a'mwo abolo ton aki aiko te mwonpinokwono.

Adodolukuu'nosungiko 20:1

Toruda'ai nuu ensel pwol Gooti toolluro ago muunyu kai'muuda'ai wolaboduke toollu kwononyugono. Ensel su tool kuuraibuuso daneyajokwe tovi kuuso'moneyokwe ki tokwe'aro senyo wuulo bwotonyo tokwe'aro tovallu gami ato tovi momwora'dowodekono.

Adodolukuu'nosungiko 4:3

Toro sulomwaloka toolluro bako tov sulo tollal lekuropi lekuropi yodubulokwono. Sulo su tollalluno yovo tov pullugwo jaspavokwono. Aki pullugwo kooniliyonovokwono. Aki sia kig su tovi daboomuulo puruv aiyowomno kirogabolosodowodokwono. Daboomuulo su tovuro bako awopiyoka tov ikouljokwono. Ikouljo su tov sulo sugumaluko pullugwobusukokwono. Sulo su tollugwojuno yovo tov emeralovokwono.

Adodolukuu'nosungiko 5:2

Su toro tovi wonyuno sumoneyokwe aki ensel jurogudo pwol deko guureji moruudoduke toollu kuu'nonyugono. Toro tool guureji aro samuugojokaikono. “Oo ala'mwol puukwollikwiyo aweyogunyugolowosungiko akavuro 7-pela gwomalo amugutowosungiko tonyu nokwo modogaipolodukwopiyowo'ji kuusonoldukono?” Samuugojokaikono.

Adodolukuu'nosungiko 8:13

Toruda'ai nuu sumdo yomuugona'dore toga bwajo bwotonyo pwol plokavla'mduke toollu kwononyugono. Bwajo su toolluro deko tov aro doduke tovi kuu'nonyugono. “Aiyoo, ensel pworapwol kuuno amwakopo tooro kemi biugel ton pwo'mi muujudo kirapipino'mo sadokwovo. Toro tooraino tov yiuwi'nokai a'mwo abolo kwako tovi mwalodupudo tobuurai nerumwallupino'mogakonoo. Tabunyu wuulo bwotonyo tov bwi'mowono'mokwonoo.” Adokaikono.