2 Timooti 4:20 - Gooti Toolluro Yogalokwono

²⁰ Erastosol wagwolago Koorin toru kuuno amwallo. Aki Troofimasol nobollokwe toollu wagwolago Mailetos toru kuuno mwaloduke toga kuugollu'movekono.

2 Timooti 4:20 ပူးပေါင်းရင်းမြစ်များ

Kuurotokwe 18:1

Toruda'ai lukomgu Poolol wagwolago Atens toru kuugollu'movokaikono. Toro wuugollu'mo'mno sumaiyokwe plavo'no wagwolago Koorin toru ai'movokaikono.

Kuurotokwe 18:8

Toro mwaloduke toga aro sumo'nokakwono. Juu tooravuro i'bwo'nyago tovi mido mollomwalokwe pwolluno yovo tov Krisposolekono. Toro tool Aguto Jisasolluno kuuguudo tovi wuu'no'no, “Oo nebalo'mdeyo,” juno sumaiyokwe kuudo kuubweyokaikono. Aki a'mwo su toolluro yiuwi'nokai julkwolaiyo kun kuruv Aguto Jisasolluno kuuguudo tovi wuu'no'mno kuudo kuubweyopogano. Aki wagwolago Koorinda'ai a'mwo abolo bwotonyago pun Poololluro kuuguudo yodubwasoduke tovi wuu'no'mno kuudo kuubweyopogano. Toro uubweno sumaveyokwe wonyo kuuvollunopogano.

Kuurotokwe 19:22

Toro juno sumaiyokwe Poolol gavuge avaiwomdokwe pworallu proovins Masedooniya'no sumdomgu amorapiyokaikono. A'mwo amorapiyoka su tooralluno yovo tov Timootiyeke Erastoseke toorakono. Toro toorallu me'no morapino sumaiyokwe gavnokwe toolno'gwowi kwako Esiya tomuuda'ai wagwolago Efesos toru yere muugollu'movo'no iruko pubuul su towai kuuno amwalokaikono.

Kuurotokwe 20:15

Toro ki'mo'mno sumawoneyokwe iruko aikomguda'ai tollugwoji sip toollu kuuno plavowono aku'momdo Kiyoos'no wobo tomuu ai'movowonogano. Toro ki'mo'mno sumawoneyokwe iruko aikomguda'ai tollugwoji kuuno plavowono aku'momdo Samoos toru ai'movowonogano. Toro ki'mo'mno sumawoneyokwe iruko aikomguda'ai tollugwoji kuuno plaino sumawoneyokwe wagwolago Mailetos toru ai'movowonogano.

Kuurotokwe 20:17

Toruda'ai wagwolago Mailetos toru me'no ki'mo'mno sumawoneyokwe Poolol wagwolago Efesos tomuuno kuuguudo puruv adapiyokaikono. Kuuguudo su tov wagwolago su tomuuda'ai Jisasolluro mollu'bwoto tobuuravuro a'mwono moduvomwallokwe tooro gamiyomno abupureyokweyo'mo adapiyokaikono.

Kuurotokwe 20:4

Toro kuudo yau'no sumaiyokwe a'mwo pworogai amokavlavokaikono. A'mwo su tooraino yovo tov pwol wagwolago Beriya tomuuda'ai Pirosolluro muugunyo Soopatolekono. Pworal wagwolago Tesaloonaikada'ai Aristakoseke Sekuudoseke toorakono. Pwol wagwolago Debe tomuuda'ai Gaiyosolekono. Pworal Esiya tomuuda'ai Tikikoseke Troofimaseke toorakono. Aki pwol Timootiyolekono. Poolol a'mwo su toorogai momwora'no sumaiyokwe avlavoporogano.

Kuurotokwe 21:29

Toro adopo tov aro tovinokwono. Sumdomgu toga Pooleke'aro Efesosda'ai a'mwo pweke'aro tooral wagwolago Jeruusalem toru yomollodole toorallu a'mwo pworo me'no kwonoporakono. Efesosda'ai a'mwo su toolluno yovo tov Troofimasolekono. A'mwo su tool Juu tooravuro miyawosunopekono. Toro tooral wagwolago Jeruusalem tomuu puuto tovi yomollodole toga a'mwo abolo ton wono'mno kuudo sauropogano. Oo Poolol Moosesolluro loowo tovi kisuvolo wiyo'no a'mwo Juu tooravuro miyawosunopo su toollu Gooti toollu ilomoropiyo'moneyokwe ago tovuro agwapto toru amokaulokaldeyo. Toro kuudo sauropo kuvi kuruv Poolol su toro miyokaikono.

Room 16:23

Aki Gaiyosol kemiyomno, “Ilaiyokwonoo,” aikwopiyamokaikono. A'mwo su tool gamoro ago tovi mi ilaiyo to'no mollonumwalodowodekono. Toro tool akawaida'ai yiuwi'nokai Jisasolluro mollu'bwoto kunyu kuruv mollomwalodowodekono. Aki Erastosol gamoro, “Ilaiyokwonoo,” tov kemiyomno aikwopiyamokaikono. A'mwo su tool wagwolago akavuro gavman nuugwiyo tonyu mollomwalodowodekono. Aki Jisasolluro a'mwo pwekwo nemi nellugwai'yago toolbusuko nekullumo'nodowodo Kwartosol kwol kuruv kemiyomno, “Ilaiyokwonoo,” aikwopiyamokaikono.