2 Timooti 1:4 - Gooti Toolluro Yogalokwono

⁴ Sumdomgu nuu gumi nogugollu'meyo'mo yodore toga guu kumdo adodekugono. Toro te nuu gumoro kumdaluko abwoloka su tovino aiko te kuudo you'movla'mdumdo tovino tov gumi gwonyo'mo nyunodowodonyugono. Nuu gumi me'no agwonmi toga ilaiyo bwotonyo tov moro poowokalago tovi noullo'mowopiyonokwono.

2 Timooti 1:4 ပူးပေါင်းရင်းမြစ်များ

Joon 16:22

Yovekurajo su to'busuko kubalno kevu aga toga kalo aikullunadopiko kuvi kuruv lukomguno'gwowi nuu kemi aiko te nekwonmonyugono. Su toro toga kemoro poowokalago ton ilaiyo bwotonyo ipinorekikono. Aki kemoro ilaiyo ipino su tovi a'mwo pwolnodo kwol kuruv ku'nono mamaikudukwopiyonokwono.

Joon 16:24

Sumdomgu kevu mino yovo tovida'ai moro Nyunumiyago toollu muudoganyajuporekikono. Toro kuvi kuruv aga'no'gwowi kevu mino yovo tovida'ai moro Nyunumiyago toollu kuudoganpi tov kuvinono nekullabwonekono. Su toro aikullabwo'ji tov ilaiyo bwotonyo yo'movaikwopiyo'moneyokweyokwono.

Kuurotokwe 20:19

Nuu kevuge amwallajo toga moro poowokalago kuunodo tokwe Aguto toolluro womdo tovi kwiyajonyugono. Aki yiuwi'nokai toga nuvnokwenyu abwolomoropinyajonyugono. Aki womdo su tovida'ai jul'nyo ma'dumdo toga kumdo ajajonyugono. Toro toonyu Juu tooro kaiyako yanyugollo'mo domduukuurosodopure kuvi kuruv nuvno'gwowi womdo tovi mimwogapiyajonyugono.

Kuurotokwe 20:31

Toro yomjomwekovlavopi moro sumdomguda'ai kumdato bwotonyo jono duudapi kuuguudo adaikullajo tonyuno kuudo nyallulo'gwonmwalpiyo. Nuu duudapi kuuguudo adaikullajo toga yiuwi'nokai iruko togake'aro surakuuto togake'aro toga yodekubwasuno yodekubwasuno sumoneyokwe kworomo pullapullu anuwolo'nokanyugono.

Room 1:11

Nuu kemi jurogudo daikullumwojo'moneyokwe ikwonyo'mo anyunadopiyo. Toro toonyu kemi abekuru'ma'mi tov kemi yodekubwasumonyugono. Aki kuuguudo sodekubwasumi su tov Gooti toolluro Kuullo toolluda'ai yasuwa'wino tovibusuko nekullamonyugono.

Filipai 1:8

Gooti toolluro sumdo tovi nuu nebal'no aro ikudumo'mokwono. Krais Jisasol kevu gamoro a'mwo abolo tobuurekulluno kalo winodowodekono. Aki toro tobuurekullomno nuu kemi nobekuru'mallo'mo nyunodowodonyugono.

Filipai 2:26

Toro tool kemi ikwonyo'mo winodowodekono. Toro tovino tov a'mwo su toollu kemiyomno nomekwopiyamekono. Aki kevu a'mwo su toolluro nobollo yoduke tovino me'no kuu'nopo su tovino gavnokwe tool jul'nyo subwosunokaikono.

1 Tesaloonaika 2:17

Nemiyobuuravoo, nevu kemi aikugollu'movowo toga gomno gomno somuudeyapinowo tovino tov kevu solkaiyo tobuurekulbusuko sumo'nopogaikikono. Kula'nyo toga'gwo kemoro sumdomago tonyu maikwonodowore kuvi kuruv nemoro poowokalago tono'gwowi kemi wobo toru wo'dupudogano. Toro te nevu kemoro sumdomago tonyu aki aiko te ikwonyo'mo muunyu toru'aro guureji nekullunodowodonogano.

2 Timooti 4:21

Toro te lukuu'wuulo tov yere mimo'nodowo'jure toga guu numiyomno biyo'moneyokwe tovino womdo guureji neya jogawono. Yiubuloseke'aro Puudenseke'aro Lainoseke'aro Klaudiyakwe'aro aki yiuwi'nokai gumi jugwai'yago jo'mwo tonbusuko gujumo'nodupudo tobuurogai'aro ton gumi, “Ilaiyokwono,” adogwopiyamavo.

2 Timooti 4:9

Guu Timootiyeku miyomno bubino'moneyokwe tovino anyunadopiyo. Toro te guu yere biyo'mo su tovino womdo guureji neya jogawono.

1 Joon 1:4

Toro te nemoro puukwollo sokwollaikubwemwakuuwo akav aro tovino'mokwono. Kevu yogalo akavi wuu'nopi kuudo kuubwepi tov nemoro poowokalago tonyu ilaiyo kuunodo tov aullo'movanekwopiyoneyokweyo'mokwono.

Adodolukuu'nosungiko 21:4

Aki Gooti su tool a'mwo abolo su tobuuravuro sumdo tovida'ai kumdaluko bwolodawodo tonyu nomollouropiyonekono. Aki bolnodo tokwe'aro kalo kalo'mo wuulo tokwe'aro kumda'wuulo tokwe'aro danyu'nyuwuulo tokwe'aro su tooro yiunokuudo younopiyopi mwo'movla'mwalpinorogano. Aro tovinokwono. Yiuwi'nokai uumdo su tooro yiunokuudo yovlapino tovinokwono.” Yogaimaguurai tov su toro adokakwono.

Adodolukuu'nosungiko 7:17

Su tov aro tovinokwono. Sipsip Muugunyo tool sia kig tovi mwalodowodo su tool a'mwo abolo su tonyu nomoduvomwalmwalonekono. A'mwo sipsip moduvomwalokwe pwol yodowodo to'busuko kubalno a'mwo abolo su tonyu nomoduvomwalmwalonekono. Toro tool a'mwo abolo su tonyu wonyo sumdo tonyomno nomollubworomokavla'mwalonekono. Wonyo sumdo su tonyuda'ai wonyo ilowilovabodupudo ton aiyo yiunokuudo mujomwekovlaiyo'moneyokwe tov wiyodowodogano. Aki Gooti tool kemoro yiuwi'nokai sumdo tonyuda'ai kumdaluko bwolodapudo tonyu nomollouropiyonogano.”