2 Tesaloonaika 3:9 - Gooti Toolluro Yogalokwono

⁹ Kuudo neya jaullulo. Nevu kemoro ato tovida'ai wosamujuko ton anugovlavowa'jujuko'mno'juki ilaiyo sowa'jujukonogano. Toro kuvi kuruv kemi ikuduuwallo'moneyokwe tov nevnokwe toonol womdo guureji amjumovlaiyajuwonogano. Toro te nemoro su toro amjumovlaiyajuuwo su tovi kev kugaikul kuruv aval'no neya duumjunogaulo.

2 Tesaloonaika 3:9 ပူးပေါင်းရင်းမြစ်များ

Matyuu 10:10

Aki kevu novlaiyo'mo kuto puruv mamokavlapinono. Aki kevu youro puruvalo'mdeyo oo suulpweyo'mdeyo oo yodeko'mdeyo ton mamokavlapinono. Su tov aro tovinokwono. A'mwo pwol a'mwo abolo punyuro womdo tovi kwiyo'ji tov a'mwo abolo su ton a'mwo toollu neya uubimwalpinekono. Gamoro wosamujuko nonugovlaiyo'moneyokwe togai neya uubimwalpinekono. Noonyumwonyu pun mamokavlapino tov su toro tovinokwono.

Joon 13:15

Nuvnokwe toonyu kemi kwako tomuu'aro abwolomorumwogapinumo su tov kemi me'no aikuduuwallumokwono. Toro te moro me'no aikuduuwallumo su to'busuko kubalno kev kworekul kuruv a'mwo abolo tonyu aval'no neya domollogaulo.

1 Koorin 4:16

Toro tovino tov nuu kemi tellunumiyago ikullumo'nodumdo toonyu guureji aro ikudumo'monyugono. Kevu nuvubusuko neya bilodukovimo'nogaulo.

Galesiya 6:6

Aki kevu Gooti toolluro yogalo tokwe yodekubwasodopure tovi wuu'nodupudogaikikono. Toro togaikul kemi a'mwo yodekubwasodupudo su tekwojai yonugovlaiyo'moneyokwe sugudo tollovo neya duuwiyogaulo.

1 Tesaloonaika 2:6

Kuudo neya jaullulo. Nevu Krais toolluro kuurotokwe a'mwo aguto toonolluno tov yovo aguto neya anekullabupureyokwe nokwo aikudowa'jujukonogano. Toro kwonol kuruv Gooti toolluro womdo tovi sajuuwo su tov kevudeyo oo a'mwo pworodeyo oo a'mwo abolo pundeyo tonyuro sumdo tovi yovo aguto mallo'moneyokwe sajuwonolmaiyo.

2 Tesaloonaika 3:7

Kevu aro tovino kuudo me'no youroma'dupudogaikikono. Nevu kevuge amwallajuuwo toga burawo miyodowa yasuwa'no mamwallajuwonogano. Toro kwonol kuruv womdo guureji sajuwonogano. Nevu womdo ilaiyo sajuuwo toonolbusuko kubalno kev kugaikul kuruv nekumjunopi aval'no neya jogaulo.

1 Pita 2:21

Krais tool kemi ikullo'mwojo'moneyokwe danyu'nyuwuulo ton me'no amarokaikono. Su tov kevu gamoro suvlomuujuko tovi kinomjumovla'mwalpino'moneyokwe aikuduuwallokaikono. Toro tovino tov gamoro aikuduuwalloka to'busuko pasudo aval'nodo ton neya domjumovlavogaulo. Gooti tool kevu sugupasudo su tonyu kuvinono mujumovla'mwalpino'moneyokwe me'no adekumarokaikono.

1 Pita 5:3

Aki kevu a'mwo abolo su tobuurai nomoduvomwalmwalpino'moneyokwe Gooti tool kemoro ato tovi me'no ikubweyodowodekono. Toro ikubweyodowodo su tobuurai kevu kwako akavida'ai a'mwo aguto toorobusuko guurejuno nogalagu'mwojumwalpiyo. Toro kworekul kuruv Jisasolluro a'mwo abolo sipsip tobuurobusuko imo'nodupudo su tobuurai Gooti toolluro sugupasudo tokwe neya duuduuwallogaulo. Toro wuuduuwallodopure toorekullu a'mwo abolo su tobuuro ikwonopi nokwo ikumjunmwalpinogano.