2 Pita 3:3 - Gooti Toolluro Yogalokwono

³ Toro te kuudo muudu'no youromapino'moneyokwe tov arokwono. Iruko aiyowo'mo toga a'mwo pworo biyalo'nopi kevu tobuurekullu burekakwo nome'naikwopipinorogano. Aki a'mwo su tooro kevnokweravuro kulako tonyu ilaiyo igollunyo'mo pasudo toorai uumjunopi kiroungovla'mwalpinorogano.

2 Pita 3:3 ပူးပေါင်းရင်းမြစ်များ

Joon 12:48

Toro kuvi kuruv a'mwo pwol mi buulo nuugunyumopiyowo'ji moro yogalo tovi kisuvolo nyonekono. Moro yogalo moruudodumdo ton a'mwo kisuvolo so'ji su toollu nojainyubwopinekono. Toro te iruko aiyowo'mo toga moro yogalo ikudodumdo su ton kooti yogalo mollomwalokwe to'busuko nuuwimo'nupinogano.

2 Koorin 4:2

Toro te nevu womdo su tovi momjumovlaiyo'moneyokwe wogulpasudo toorogai'aro yiulpasudo toorogai'aro su toorai buulo uugunyumopiyodowadonogano. Aki joukuuromato'mo pasudorodeyo oo Gooti toolluro yogalo tovi kaiya'nodo tomgu'aro moruugunyumwojo'mo pasudorodeyo kworai kuruv miyodowadonogano. Toro kwonol kuruv Gooti toolluro sumdo tovino'gwowi yiuno nebal'no yogalo to'no kuu'maiyo toru moruudodowadonogano. Kuu'maiyo toru'no su toro moruudodowado toonolluno yiuwi'nokai a'mwo abolo ton aro kuudo yanekuu'dupudonogano. Oo a'mwo akaro nebal'no yogalo to'no dodupudorodeyo. Yanekuu'dupudonogano.

2 Timooti 3:1

Guu aro kuudo neya jouromarogawono. Aiyowo'mo iruko tollovo abai'mopi toga tabunyuwuulo bwotonyago ton nyumo'nugovla'mwalpinogano.

Hibruu 1:2

Toro kuvi kuruv agasuro iruko aiyowo'mo akaga'no'gwowi Gooti tool gami Kwolaiyo toollu'aro me'no anekujungikekono. Gooti toolluro yiuwi'nokai noonyumwonyu tonyu mallo'moneyokwe tov gami Kwolaiyo toollu me'no ajesokaikono. Aki Gooti tool gami Kwolaiyo su toollu'aro yiuwi'nokai kwako akavi sokwollosokaikono.

2 Pita 1:20

Kuudo aguto kuunodo puvino sumdomgu kuudo neya jouromarogaulo. Kuudo aguto su tov arokwono. Gooti toolluro yogalo sakwollungiko tovino mollajo'moneyokwe tov proofet pwol gavnokweyolluro kuudo tovida'ai to'no mamollajajukekono.

2 Pita 2:10

Aki a'mwo kuunano ibwasokwe tooro kemi kulako tokwe kwonyalo yo'moneyokwe pasudo tooraino kwanyu sumdo to'no kinuwiyodupudorogano. Toro kinuwiyodupudo su tov Gooti toolluro sumdo tovi kaiyako igolamo'nodupudorogano. Aki toro tooro kemi mido mollomwalokwe toolluro yogalo tovi dolago tomuu mwallo'mo kwoda'molo to'no yodupudorogano. A'mwo su tooro kemi kirumwallo tov yere mama'dopure kuvi kuruv lukomgu Gooti tool guureji nerumwallonekono. Aki kemoro kirovanyuvanyu pasudo kiroungovla'mdupudo tovino luko miyodupudorogano. Aki kevnokwe tooravuro kuudo tovino to'no uumjunodupudorogano. Toro tooro Gooti toolluro bako bwotonyo pwopiyodowodo tomuuda'ai ensel tooraino burolyogalo bwolomorumwogapiyodapudorogano. Toro abwolomorumwogapiyapi kuga kuruv luko bu'buto miyodupudorogano.

1 Joon 2:18

Moro kwoloraiyobusukobuuravoo, sumdomgu kevu kuuguudo aro tovino me'no kuu'nyajupogaikikono. “Lukomgu a'mwo Krais toollu ikomago wimo'nono pwol nobiyalo'nonekono.” Kuu'nyajupogaikikono. Toro kuu'nyajupo su tov aga kuvinono abai'mo'mwallo. Toro te a'mwo Krais toollu ikomago wimo'nodupudo bwotonyago tooro me'no abiyalo'nadokwoporogano. Toro tovino tov nevu aro kuudo souroma'mwakuuwono. Oo aga aiyowo'mo tov me'no dobai'mo'mwallo. Kuudo souroma'mwakuuwono.

Juut 1:16

Toro te a'mwo kuunano ibwasokwe su tooro biyekuu'nyogalo duu'mwojodupudorogano. Aki jul'nyogalo tokwe domuugona'dupudorogano. Kevnokwe tooravuro ilaiyo igollunyo'mo pasudo tooraino to'no uumjunodupudorogano. Toro tooro kevnokwero ilomoropunyo'mo yogalo tokwe derounomollodupudorogano. Aki toro tooro a'mwo abolo pubuuravuro kuto ivito tonyu ki'nomallo'moneyokwe jolukuulovoma'dupudorogano.

Juut 1:18

Kuurotokwe su tooro aro aikujajuporogano. “Kwako akavuro aiyowo'mo toga a'mwo pworo Gooti toolluno burekakwo nome'nopipinorogano. Toro tooro Gooti toollu buulo uuguunyumopiyopi kevnokweravuro kulako tovida'ai kirovanyuvanyu kiroungovlaiyo'mo kuudo toorai uumjunpinorogano.” Aikujajuporogano.