2 Pita 2:3 - Gooti Toolluro Yogalokwono

³ A'mwo kuunano ibwasokwe su tooro nuugwiyo bwotonyago tonyu ki'nomallo'mo guureji winyokwerogano. Toro tooro kemoro nuugwiyo tonyu ki'nekumallo'moneyokwe kuunano yogalo togai yekubwasupinorogano. Gooti tool kooti yogalo tovi mollomwalokwekono. Toro tool a'mwo kuunano ibwasokwe su toorai nerumwallo'moneyokwe tovino aiyoga me'no adomdukuurosokaikono. Toro te kuunano ibwasokwe su toorai kaiyako nomollounapiyono tool sa mwollokwekono. Toro kwol kuruv a'mwo su toorai lukomgu nerumwallono tovino yiuwi'nokai toga sogwollo to'no kinyokwekono.

2 Pita 2:3 ပူးပေါင်းရင်းမြစ်များ

Jeremaiya 6:13

Yiuwi'nokai Juudada'ai a'mwo abolo yovokweyodeyo oo yovomaiyokweyodeyo ton yiuno ma'no ma'nodo to'no ingovla'mdupu nuugwiyo mallo'mo to'no winodupudogano. Aki proofet toorogai'aro pris toorogai'aro kworo kuruv nuugwiyo mallo'mo to'no kuudo yau'dupu a'mwo abolo tonyu kuunano youkuu'nuudodupudogano.

Luuk 18:8

Nuu aro ikudumo'mokwono. Gooti tool gavnokweyolluro kooti yogalo idopto'nodo tovi'aro a'mwo abolo su toro tobuurai yere nuuwiyo'mwojonekono. Aki nuu A'mwo Kwolaiyo Kuunodo toonyu kwako akavi aikomgu kwolami toga a'mwo abolo numino kuudo anubwepi tonyuno yo'mgonomollumonyugono. Toro so'mgonomollumi kuvi kuruv a'mwo abolo mino kuudo manubweyodupudo bwotonyago tonyuno to'no wonomollumonyugono.”

Luuk 20:20

Toro te a'mwo mido mollomwalokwe su tooro Jisasollu amuugonallajuporogano. Toro tooro a'mwo domokwe pworai Jisasollomno amoropiyaboporogano. A'mwo amoropiyabopo su tooro Jisasollu kuunano youkuu'nuujo'mo gamoro sumdo tovi a'mwo nebalo pworobusuko kwimo'nyajuporogano. Toro tooro Jisasol gamoro yogalo tov kaiya'no ado'ji tovi'aro galomworaropi a'mwo aguto gavona toolluro ato tovi morubweyo'mo kwinoporogano. A'mwo aguto gavona su tool womdo aguto mujumovlaiyo'moneyokwe yovo aguto kurukwekono.

Luuk 22:47

Jisasol toro wuudoduke kuga'gwo kuuno a'mwo 12-pela kuumjunyajupo tooraida'ai pwol, Juudasolo, kuujajupo su tool Jisasollu galomworallo'moneyokwe a'mwo kwolallo toorai amollubworomokailabokaikono. Toro mollubworomokailabino sumaiyokwe Jisasollu molluduuduulo wiyo'moneyokwe wobo toru abokaikono.

Joon 2:16

Aki a'mwo abolo dokato sobuuro toorai maket wosodopure tonyu yogalo aro amojurugolokaikono. “Moro Nyunumiyago toolluro ago akav kemoro maket ago to'busuko aikullumo'nadopiyo. Toro te akaru neya wuugollu'movopi kemi noonyumwonyu kuto ivito togai domollounomokavlaiyulo.” Kuudokaikono.

Room 16:18

Su tov aro tovinokwono. A'mwo su tooro nemi Aguto Krais toollu womdo mwiyodupudorogano. Toro kworo kuruv yiuno kevnokwero ilaiyo igollunyo'mo to'no mujumovlavopi a'mwo abolo wako mau'nodopure tonyu aro molloguulludapiyodupudorogano. Kevnokweravuro yogalo sugumaluko togai'aro kemi jolukuulovomallo'mo yogalo togai'aro togai a'mwo abolo tonyuro poowokalago tonyu youkuu'nuujokwerogano.

2 Koorin 2:17

Aki neya duu'nyulo. A'mwo ibwasokwe pworo Gooti toolluro yogalo tokwe nuugwiyo ki'noma'dupudorogano. Toro kuvi kuruv nevu ibwasokwe pwonolno'gwowi a'mwo su toorobusuko miyomjomwekovla'mdowadonogano. Gooti tool nemi amonekwopiyaboka tovino tov yiuno nebal'nodo tomgu'aro molludo'movla'mdowadonogano. Toro toonol Krais toolluro jurogudo tokwe to'no modomollodowadonogano. Toro modomollodowa'jure tovi Gooti tool nemi kuu'maiyo toru'no muugonanekwo'dowodekono.

1 Tesaloonaika 2:5

Kevu kuudo me'no yanekuu'dupudogaikikono. Nevu kemi yiuno puga'nodo kuruv nojolukuulovekumallo'moneyokwe kuuguudo tokwe miyodekubwasajuwonogano. Aki kemoro nuugwiyo bwotonyago tonyu ki'nekumallo'mo miyajuuwonogano. Su toro tovino Gooti gavnokwe tool me'no wononekuma'dowodekono.

1 Tesaloonaika 5:3

Toro te puga a'mwo abolo ton aro dupinogano. “Oo nevu sumwoluko kavo to'no wosunodowado tonollu kaiyako yanekullugollo'mo pworo nonagutomuugono.” Toro dodopure kuvi kuruv su toro toga kaiyako mollounapiyo'moneyokwe tov yere nobai'mowonogakono. Su tov aro to'busukokwono. Abolo kwolaiyo sumwolukokwe puruv kwolaiyo nyomallo'mo toga guno yere mollodowodo to'busuko kubalno kaiyako mollounapiyo'moneyokwe tov yere nobai'mowonokwono. Su toro abai'mowo'ji toga a'mwo abolo ton morumoukuropiyopi ku'nono mirukuruwolopinogano.

1 Timooti 3:3

Aki toro tool amomo yo'moneyokwe wain wonyo bwotonyago manyokwekono. Aki magu'nyo miyokwekono. Toro kwol kuruv a'mwo abolo tonyu kavo duubemwojowo'ji gamoro sumwoluko kuruv kavo wosunyokwekono. Aki toro tool nuugwiyo tonyuno kalo buuropino mwinyokwekono.

1 Timooti 3:8

Su toro to'busuko kubalno a'mwo aro senyubworomapi toorai Jisasolluro mollu'bwoto tonyu wiyo'mwojo'moneyokwe diken womdokwe nokwo imo'nupinorogano. A'mwo su tooro kuudo ilaiyo tollovai pi'mwono molludo'movla'mwalpinorogano. Aki toro tooro a'mwo abolo tonyu mamojoguulludapiyopi aki wain wonyo bwotonyago nonyo'mo mwinmwalpinorogano. Aki noonyumwonyu punyuno bwotonyo ki'nomallo'mo mwinmwalpinorogano.

1 Timooti 6:5

Aki yiuwi'nokai toga mebweyogalo to'no yajunodupudorogano. Su toro tooravuro kuudo tov kaiya'no yiunokuudo igolamo'nopi nebaikuuguudo tovino supto kuuno yodupudorogano. Aki toro tooro noo'noo kuudo aro yau'dupudorogano. Oo nevu Gooti toollu kuumjuna'ji tovida'ai kwako akavuro noonyumwonyu kuto ivito bwotonyago ton nomaranonogano. Kuudo yau'dupudorogano.

Taitos 1:11

A'mwo su toro modomollodupudo tooro nuugwiyo bwotonyo ki'nomallo'moneyokwe kuudo yauropi yodubwasodupudorogano. Aki su toro yodubwasodopure tovida'ai a'mwo pworogai'aro kemi yiuwi'nokai julkwolaiyo togai'aro tonumdoto kemoro kuudo uubweyodupudo tovi kaiyako me'no mollugolamo'mdupudorogano. Toro te yogalo su tooro nyodubwaso'moneyokweyoromaiyo. Toro tovino tov guu a'mwo su tooravuro mago tonyu neya duubutovogawono.

Taitos 1:7

A'mwono moduvomwallokwe ajesubi su tool Gooti toolluro womdo tovi mollomwalono toolluno tov a'mwo abolo ton kwolluno, “Oo a'mwo akal kaiya'no miyodowodekono,” to'no neya dumwalpinekono. Aki toro tool a'mwo aguto yovokwe toorobusuko imo'nowo'ji a'mwo abolo tobuurai madumuuroleyokwekono. Aki a'mwo su tool sumwoluko su'mno yere mimo'nyokwekono. Aki amomo yo'moneyokwe wain wonyo bwotonyago manyokwekono. Aki magu'nyo miyokwekono. Aki nuugwiyo bwotonyago ki'nomallo'moneyokwe mwinodowodekono.

1 Pita 2:8

Aki Gooti toolluro yogalo puruv aro sakwollungikokwono. “Nuu moro a'mwo pwollu nomoropiyamekono. Toro amoropiyami su tool sulo pwolbusuko da'mdowo'jure toollu a'mwo abolo kuudo muubwepi ton kwollu sulo pwollubusuko bomunyukuuromaropi wolapinogano.” Sakwollungikokwono. Toro te a'mwo abolo su ton Gooti toolluro yogalo tovi kisuvolo wiyodupudo tovino tov kuvinono bomunyokuuromapinogano. Gooti tool a'mwo abolo su tonyuro nobomunyukuuromapino tovino sumdomgu me'no ajesoka tovi kuvinono bomunyokuuromapinogano.

1 Pita 5:2

Kevu Gooti toolluro a'mwo abolo sipsip tobuurobusuko imo'nodupudo su tobuurai pi'mwono neya domollomwalogaulo. Gooti tool a'mwo abolo su tobuurai mollomwalmwalpino'moneyokwe womdo tov kemi me'no aikubweyokaikono. Toro te a'mwo abolo su tobuurai moduvomwallo'moneyokwe kevu biyolo nuu'mwojumwalpiyo. Toro kuvi kuruv Gooti toolluro ilaiyo winodowo'jure tovi kuvinono uumjunopi Jisasolluro mollu'bwoto su tovi moduvomwallo'moneyokwe womdo su tovino ilaiyo neya domjumovlavogaulo. Aki kevu moduvomwallo'moneyokwe womdo su tovi mujumovlavopi yiuno nuugwiyo ki'nomallo'moneyokwe to'no kuudo nyau'mwalpiyo. Toro kuvi kuruv kevnokwe toorekul Jisasolluro mollu'bwoto su tovi moduvomwalpino'moneyokwe tovino ilaiyo neya aikullunogawono. Su toro tovino tov womdo guureji neya jogaulo.

2 Pita 1:16

Neya duu'nyulo. Nevu nemi Aguto Jisas Kraisol gamoro jurogudo bwotonyo kuunodo tovuro bako tokwe aikomgu nobwono tovino nevu me'no sodekubwasowonogano. Toro sodekubwasowo toga nevu jupweyo kuuguudo pugai miyodekubwasajuwonogano. Toro kuvi kuruv Aguto Jisas Kraisolluro jurogudo bwotonyo tovuro bako su tollugwoji nevnokwenolluro sumdo togai me'no wonyuno sumawoneyokwe sodekubwasajuwonogano.

2 Pita 2:1

Toro kuvi kuruv sumdomgu toga kuunano proofet pworo Isuraiyolda'ai a'mwo abolo tonyu akuuto toruda'ai abillumo'nyajuporogano. Toro to'busuko kubalno kuunano ibwasokwe pworo kemi akuuto toruda'ai nyumo'numwalpinorogano. Toro sumo'nupi su tooro kuunano yogalo pugai yekubwasupinorogano. Kuunano yogalo su ton Gooti toolluro nebal'no yogalo tovi kuvinono mainamjupinogano. Toro tovino tov kuunano yogalo su ton a'mwo abolo tonyu kaiyako mollugolamopinogano. Kuunano ibwasokwe su tooravuro ma'no ma'nodo tovino mubiyo tov Aguto tool me'no amobiyopingiko kuvi kuruv Aguto su to kwollu buulo to'no uugunyumopipinorogano. Su toro tomgu'aro kevnokwe tooro kaiyako yere i'nopipinorogano.

2 Pita 2:9

Aiyogasuro Aguto toolluro airumwalloka su tov aro tovino nekuduuwallodowodokwono. Aguto toolluro a'mwo abolo uumjunyokwe ton jul'nyo amapi toga jul'nyo su tooro kaiyako nyugolpiyokwe tovino nokwo bomollurolovomokalokwonekono. Aki Gooti tool aro kuudo me'no yau'dowodekono. Oo nuu a'mwo abolo mi manumjunodupudo tonyu kirumwallo'moneyokwe iruko pullugwoji kooti yogalo noduuwimonyudeyo. Su toro kuudo me'no yau'dowodekono. Toro tovino tov a'mwo abolo su ton Gooti toolluro kirumwallo su tovi yere mama'dopure kuga kuruv Gooti toolno'gwowi wonyapino to'no nokwo imwalonekono.

Juut 1:11

Oo Gooti tool a'mwo su toorai kirumwallo'moneyokwe tabunyuwuulo bwotonyo tov nuubweyonorogano. Toro uubweyono tovino kavlo tov arokwono. A'mwo su tooravuro pasudo tov aiyoga Kenolluro pasudo amjumovlaiyajuko to'busuko kubalno aval'no mujumovla'mdupudorogano. Aki toro tooro nuugwiyo ki'nomallo'moneyokwe aiyoga Balamolluro kaiya'no pasudo sajuko to'busuko kubalno kaiya'no pasudo yiuno aval'nodo tonyu guureji mujumovla'mdupudorogano. Aki aiyoga Koora'weke'aro a'mwo pworogai'aro tooro kisuvolo wiyodopure toorai Gooti tool aromiyebuuropiyokarogano. A'mwo su toorai kwimo'noka to'busuko kubalno Gooti tool a'mwo kuunano ibwasokwe kworai kuruv aval'no noromiyebuuropiyonorogano.

Juut 1:15

Aguto toolluro nobwono su tov aro yo'mo tovino bwonekono. Yiuwi'nokai a'mwo abolo tonyu kooti yogalo jainyubworowo'ji ma'no ma'no pasudo tooraino nerumwallonekono. Aki yiuwi'nokai a'mwo abolo Gooti toollu muumjunodupudo su tonyuro yiuwi'nokai pasudo mujeroungovla'mdupudo tovino Aguto tool nomovagu'mwojonekono. Aki Aguto tool a'mwo abolo tonyuro yiuwi'nokai kaiya'no yogalo gamino bwolomorumwogapiyodapudo su tonyu nomovagu'mwojonekono.” Ajakwollokaikono.

Juut 1:16

Toro te a'mwo kuunano ibwasokwe su tooro biyekuu'nyogalo duu'mwojodupudorogano. Aki jul'nyogalo tokwe domuugona'dupudorogano. Kevnokwe tooravuro ilaiyo igollunyo'mo pasudo tooraino to'no uumjunodupudorogano. Toro tooro kevnokwero ilomoropunyo'mo yogalo tokwe derounomollodupudorogano. Aki toro tooro a'mwo abolo pubuuravuro kuto ivito tonyu ki'nomallo'moneyokwe jolukuulovoma'dupudorogano.

Juut 1:4

Toro te moro yogalo adaikumul'mwojumwako akav aro tovinokwono. Kevu sumdo mwonoma'dopure toga a'mwo Gooti toollu muumjunodupudo pworo yiulo tomuu'aro aulodukwopiyabiyajuporogano. Toro kuulodukwopiyabodupu kevu Jisasolluro a'mwo abolo togaikulluro mollu'bwoto tovi akuuto tomuu me'no aboullo'mo'nomwaloporogano. A'mwo su toro tooraino aiyoga yogalo puruv aro me'no ajakwollopokwono. “Gooti tool a'mwo su toorai kooti yogalo wiyowo'ji nerumwallonorogano.” Ajakwollopokwono. Toro kuvi kuruv a'mwo su tooravuro kaiya'no yogalo to'gwowi aro dodupudorogano. “Oo Gooti tool gamoro yasuwa'wino sugumaluko tov yiuwi'nokai toga nekullabodowodekono. Toro tovino tov nemoro kulako tovuro noonyumwonyu ilaiyo igollunyo'moneyokwe pasudo toorai neya amjumovlavogawanoo.” Su toro dodupudo tov kuvimaiyo. Neya duu'nyulo. A'mwo su toro dodupudo tooro nemi Mido Mollonekumwalokwe Aguto pwolnodo Jisas Kraisollu buulo me'no uugunyumopiyodupudorogano.

Juut 1:7

Aki puruv aiyoga wagwolago Soodoomke Goomoorake tovalluda'ai a'mwo abolo amwallajupo togai'aro wagwolago woboruda'ai a'mwo abolo togai'aro su ton kwonyalpasudo tokwe airoungovlaiyajupogano. Toro tooro kemi kulako tonyuda'ai kwonyalpasudo judo pumgu'aro punyu uumjunodupu a'mwo tooro a'mwo pworogai sumwonyo sajuporogano. Gooti tool wagwolago su tovalluda'ai a'mwo abolo su toro kiroungovla'mdopure tonyu duko manebuulopiyodowodo tokwe kaiyako yiunokuudo airumwallokaikono. Gooti toolluro su toro airumwalloka tovi nevu me'no kwonoma'mwakuuwo tonol aiyogasuro a'mwo su toorobusuko nyumwala'jo.