2 Koorin 7:16 - Gooti Toolluro Yogalokwono

¹⁶ Nuu kwonyu kuruv kemino ilaiyo bwotonyo sumwakono. Su tov aro tovinokwono. Nuu kemino aro kuudo me'no yaikuu'dumdonyugono. Oo Koorinda'ai su ton sugupasudo tovi kuvinono uumjunodupudodeyo. Su toro kuudo yaikuu'dumdo tovino tov ilaiyo bwotonyo sumwakono.

2 Koorin 7:16 ပူးပေါင်းရင်းမြစ်များ

Room 2:19

Aki toro toorekul aro kuudo yau'dupudorekikono. Oo nevu a'mwo abolo sumnowojokwe tonbusuko mwalodupudo tonyu mwollubworomokavla'mdowadonogano. Aki a'mwo abolo pun dugumwuulo tovi anakuuto tomuu mwalodupudo tonyu puuto tovi wuuduuwallo'moneyokwe bako to'busuko wimo'nodowadonogano.

2 Koorin 2:3

Su toro tovino tov nuu pas sumdomguda'ai tov me'no sokwollekwopiyabonyugono. Pas sumdomguda'ai su tovi yakwollono aro kuudo sauronyugono. Kevu kalo subwosunopujuko'mno'juki nuu abekuru'ma'mi toga kemino ilaiyo mibwosuno'mujukonyugono. Su toro tov nyumo'no'jokwe nuu yere mabekuru'marono toga sumdomguda'ai pas tov me'no sokwollekwopiyabonyugono. Aki nuu kemino aro kuudo me'no yaikuu'dumdonyugono. Oo numoro ilaiyo yodumdo tovino a'mwo abolo su to kun kuruv avalo tovino ilaiyo nyupinodeyo. Kuudo yaikuu'dumdonyugono.

2 Tesaloonaika 3:4

Aki Aguto tool kemino me'no nekuduuwallodowodo tovino tov nevu ilaiyo kuudo aro me'no saikuu'mwakuuwonogano. Oo nemoro yogalo me'no adaikullajuuwo tonyu aga kuvinono uumjunodupudodeyo. Aki lukomgu kuga kuruv yiuno'no uumjungovla'mwalpinodeyo. Kuudo saikuu'mwakuuwono. Toro tovino tov kemino kuudo noullo maullo miyau'dowadonogano.

Filemoon 1:21

Nuu pas akavi puukwollo yakwollodumdo toga gumino aro kuudo saguu'mwakono. Oo Filemoonol moro yogalo tovi kuvinono uumjunonoldeyo. Aki toro tool moro yogalo tovi uumjunowo'ji Oonesimosollu mollomwallo'moneyokwe pasudo bwotonyago kugai'aro nokwo yonoldeyo. Su toro kuudo saguu'mwakono.

Filemoon 1:8

Nuvu Krais toollu uuguro'mwonyodumdonyugono. Toro uuguro'mwonyodumdo toonyuro yogalo tovi guu neya uumjunbino'moneyokwe guureji nokwo adagumuurolovo'mujukonyugono.