Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Koorin 7:12 - Gooti Toolluro Yogalokwono

12 Toro te nuvu kemi pas puruv me'no sokwollekwopiyabonyugono. Pas su tov a'mwo kaiyako amolloluwosoka tooke'aro a'mwo kaiyako su'namovoka tooke'aro toorallu yovo'dogallo'moneyokwe sokwollekwopiyabonyumaiyo. Toro kuvi kuruv kevu kuurotokwe toonollu sobanyo guureji mollonekuda'mdupudo tovino Gooti toolluro sumdo tovi kuu'maiyo toru bomollolupto'naikubweyo'moneyokwe nuvu pas su tov me'no sokwollekwopiyabonyugono.

အခန်းကိုကြည့်ပါ။ ကော်ပီ




2 Koorin 7:12
8 ပူးပေါင်းရင်းမြစ်များ  

Aki kevu aro kuudo nyaupiyo. “Oo Poolol nemino kalo buuropino mwinodowodo tovino tov nemi manekudoganyajukekono.” Kevu su toro kuudo nyanuupiyo. Neya duu'nyulo. Nuvno'gwowi kemino kalo buuropino kuvinono nyunodowodonyugono. Aki su toro tovino Gooti tool me'no youronuma'dowodekono.


Aki jul'nyo su tonyu muunyu toru noonyumwonyu pugai'aro nonyumo'nodupudonyugono. Jul'nyo su tonyuro puruv arokwono. Yiuwi'nokai Jisasolluro mollu'bwoto go'no go'nodo tonyu moduvomwallo'moneyokwe womdo tov numi nuwo'dowodokwono. Toro te womdo su tovino kuudo tov yiuwi'nokai iruko tollovai jul'nyo to'busuko mokavla'mdumdonyugono.


Aki neya duu'nyulo. A'mwo ibwasokwe pworo Gooti toolluro yogalo tokwe nuugwiyo ki'noma'dupudorogano. Toro kuvi kuruv nevu ibwasokwe pwonolno'gwowi a'mwo su toorobusuko miyomjomwekovla'mdowadonogano. Gooti tool nemi amonekwopiyaboka tovino tov yiuno nebal'nodo tomgu'aro molludo'movla'mdowadonogano. Toro toonol Krais toolluro jurogudo tokwe to'no modomollodowadonogano. Toro modomollodowa'jure tovi Gooti tool nemi kuu'maiyo toru'no muugonanekwo'dowodekono.


Kevu kuudo neya jaullulo. Moro sumdomguda'ai pas aikuuwopiyabo su tov kemi yamju ikulloganyo'moneyokwe aikuuwopiyabokwono. Kevu moro yiuwi'nokai yogalo daikubweyodo'mure tonyu kuvinono uumjunpinogaikuldukono oo muumjunpinogaikuldukoneyokwe tovino sokwollekwopiyabokwono.


Su tov aro tovinokwono. Moro sumdomguda'ai pas sokwollekwopiyabo tovi kemi yogalo amodaikurugolonyugono. Su toro amodaikurugolo tovida'ai kevu jul'nyo amaropo kuvi kuruv nuu kalo manyunadopiyo. Sumdomgu nuvu aro kuudo me'no souromaronyugono. Oo moro sumdomguda'ai pas sokwollapiyo tovida'ai Koorinda'ai a'mwo abolo ton jul'nyo nomapinodeyo. Su toro kuudo sauro toga'gwono kalo anyunokanyugono. Toro kuvi kuruv kemoro jul'nyo amaropo su tov yiuno kula'nyo toga'gwono kworokakwono.


Kevu kuudo neya jaullulo. A'mwo pwol gami julkwolaiyo tonotai po'dogalo mamollomwalodowodo tool Gooti toolluro mollu'bwoto tovida'ai a'mwo abolo kunyu kuruv po'dogalo mamollomwalonekono.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ