Kuudo neya jaullulo. Aguto tool kemi jurogudo daikullumwojo'moneyokwe tov mi janubweno sumaiyokwe gamoro jurogudo tov me'no anubweyokaikono. Jurogudo anubweyoka su tov kemi kaiyako mourotovekwapiyo'mo'maiyo. Toro kuvi kuruv kemi jurogudo ikullumwojumovlaiyo'moneyokweyokwono. Toro te lukomgu nuu abekuru'ma'mi toga Aguto toolluro jurogudo tokwe kemi guureji daikumuuroleyo'mo manyunadopiyo. Toro te aga nuu manyu tomuu kuuno mwalodum kemi pas akav sokwollekwopiyamono.
2 Koorin 2:6 - Gooti Toolluro Yogalokwono6 Kemi akuuto toru tabunyu amolloluvaikubweyoka a'mwo pwolluno kuudo me'no youroma'dupudekono. Kevu bwotonyago togaikul a'mwo su toollu manyu tomuu'aro yomwalodupudogaikikono. Kemoro su toro yodupudo tovida'ai a'mwo su toollu me'no kirumwallodupudekono. Toro te a'mwo su tool kirumwallo purukwe'aro tovino supto miyadopiyo. အခန်းကိုကြည့်ပါ။ |
2 Koorin 2:6
4 ပူးပေါင်းရင်းမြစ်များ
Kevu kuudo neya jaullulo. Aga'no'gwowi Gooti toolluro womdo ikullodowo'jure tovida'ai kevu kemi kaiya'no pasudo mujumovla'mdupudo tonyuno jul'nyo ibwosunodupudogaikikono. Jul'nyo ibwosunodupudo su tov kemi ikuduka'bwo'dowo'jure tovida'ai kevu kuudo guureji aro yau'dupudogaikikono. Oo nevu ma'no ma'no pasudo toorai manyu tomuu neya amodukwopiyogawano. Su toro kuudo yauropi kevnokwe togaikul kworado jumwonyo'moneyokwe kevu guureji dodowiyoku'bworosodupudogaikikono. Aki kevu kaiya'no pasudo puvino surodo ikuunodowodogaikikono. Aki kevu Gooti toollu kwako tomuu'aro wiyodupudogaikikono. Aki nuu kemi bekuru'mallo'moneyokwe tovino guureji ikullunodowodogaikikono. Aki kevu sugupasudo molludo'movlaiyo'mo ikullunodowodo togaikulluno tov womdo guureji yodupudogaikikono. Aki kevu kaiya'no pasudo tovi kirumwallo'moneyokwe kuudo me'no saullajupogaikikono. Kemoro yiuwi'nokai su toro mujumovla'mdupudo tov kuu'maiyo toru'no aro nekuduuwallunodupudogaikikono. Nevu sugudo to'no yodowadonogano. Su toro nekuduuwallunodopure togaikullu me'no wonekuma'dowadonogano.
ကြော်ငြာတွေ