1 Timooti 2:11 - Gooti Toolluro Yogalokwono

¹¹ Aki abolo ton a'mwo pworo Gooti toolluro yogalo tokwe yodubwasodopure toga yiuno kaduko to'no wiyopi kwako tomuu'aro neya amwalogapuro.

1 Timooti 2:11 ပူးပေါင်းရင်းမြစ်များ

Muuduko 3:16

Toro wuujuno sumaiyokwe aki abolo tovi aro kuudokaikono. “Guu gabakuto toollu kaduko kwimado tovino tov tabunyuwuulo akav gubwemo'guugono. Kwolaiyo yomallo'mo tobuuku tuko bwotonyo ibwosunmwalbinobuukugano. Toro ibwosuno'bi kuu'guu kuruv gumi kwolo toolluno ilaiyo kuuno gujunumwalono'guugono. Toro tool gumi mollogumwalowo'ji guu kwollu dolago tomuu mwalmwalbinobuukugano. Toro tov gubwemonyugono.” Gooti Yawel abolo tovi toro kuudokaikono.

1 Koorin 11:3

Toro kuvi kuruv kevu aro tovino kuudo neya jouromarogaulo. Yiuwi'nokai a'mwo tooravuro mido tool Krais tookono. Aki abolo puvuro mido tool gami kwolo tookono. Aki Krais toolluro mido tool Gooti tookono.

Kooloosi 3:18

Abolo me'no yoma'nodupudo togaikul kemi kwolo toorai dolago tomuu neya domwalogaulo. Su tov Aguto toolluro sumdo tovi kuvi kuuno uumjunmwalpinogaikikono.

1 Timooti 2:10

Su tov aro tovinokwono. Abolo sugudo ton yiuno kwa'mgu kulako tovi yovaisu'nyo'mo to'no kuudo miyau'dupudogano. Toro kun kuruv kemi sugupasudo tollovogai to'gwowi youro tousobusuko mollosopi wuuduuwallo'mo winodupudogano. Abolo su tonyuro pun aro dupinogano. “Oo nevu Gooti toollu uumjunyokwenogano.” Su toro adupi ton a'mwo abolo punyu kuu'maiyo toru'no wuuduuwallunyo'moneyokwe kemi sugupasudo tollovai'aro neya wuuduuwallunumwalpinogano.

Taitos 2:5

Aki abewalo su ton pi'mwo kuudo tokwe neya yomjomwekovlavopi pasudo kaiya'no mollugolamo'nyo'moneyokwe su toorogai yiuno nonagutokwe to'no neya imo'numwalpinogano. Aki kemoro ago tovida'ai yiuwi'nokai womdo wo'dopure tonyu neya mollomwalmwalpinogano. Aki yiuwi'nokai a'mwo abolo tonyu ilaiyo neya igolmwalpinogano. Aki kemi kwolo toorai kwako tomuu'aro neya wipuro. Su toro tomgu'aro amjumovlapi tov a'mwo abolo kwa'mguda'ai ton Gooti toolluro kuuguudo tovino kaiya'no yogalo mabwolomodomorumwogapiyapinogano. Abolo yadainyunodo ton su toro tonyuno neya yodubwasumwalpinogano.

1 Pita 3:1

Su to'busuko kubalno kevu abolo togaikul kemi kwolo tooravuro mido mollomwalodopure tovi kwako tomuu'aro neya duuwimovlavogaulo. Kevu kwako tomuu'aro su toro kwipi toga kemoro kwolo pworo kuuguudo sugudo tovino kuudo muubweyodupudorodeyokwe kevu abolo togaikulluro sugupasudo su togai nokwo wuuduuwallumwalpinogaikikono. Kevu kemi kwolo su toorai kuuguudo sugudo tovino kuu'maiyo toru mamoruudupi kuvi kuruv yiuno kemoro sugupasudo mujumovla'mdopure su tonyu wonekumaropi kuuguudo sugudo tovino, Oo nebalo'mdeyo, kuudo nokwo uubwepinorogano.