1 Timooti 1:19 - Gooti Toolluro Yogalokwono

¹⁹ Gumoro Krais toolluno kuudo uubweyodumdo tovi guureji neya dogudupolarogawono. Aki gumi poowokalago tovida'ai gudodowo'jure tonyu ilaiyo to'no neya duumjunogawono. Neya duu'nono. A'mwo pworono'gwowi kemi poowokalago tovi kuudo me'no kuuluuwo'dupudo tonyu kisuvolo wiyodupudorogano. Toro tovino tov kemoro kuudo uubweyodupudo kuruv kaiyako me'no i'nopiyodupudorogano.

1 Timooti 1:19 ပူးပေါင်းရင်းမြစ်များ

Matyuu 6:27

Aki a'mwo pwolnodo kwol kuruv gavnokwelluro aiyo mwallo'moneyokwe tovino kuudo kwolallo sourukwapiyo'ji su tool gamoro nobollo'mo kuunodo toga kuujo sumdo pullugwogai'aro ku'nono millovo'bworosonekono. Su toro tovino kevu kuudo kwolallo nyourukwapimwalpiyo.

1 Koorin 11:19

Aki aro kuudo sau'mwakono. Kemoro yeru'mdeyomwalodopure su tovida'ai nevu kuu'maiyo toru'no aro suworovekuma'mwakuuwono. Oo Gooti tool a'mwo abolo su tobuuraino ilaiyo domolloma'mwallo. Pugaikulluno yiuno kuu'maiyo toru'no su toro suworovekuma'mwakuuwono.

Galesiya 5:4

Kevu Gooti toolluro sumdo tovi sugudo imo'nyo'moneyokwe Moosesolluro loowo su tonyu uumjunyokwe toorekul Krais toolluda'ai me'no yeru'mdeyapinodupudorekikono. Aki toro toorekul Gooti toolluro yasuwa'wino sugumaluko tovida'ai manyu tomuu me'no bwolo'dapudorekikono.

1 Timooti 1:5

Guu a'mwo kuunano ibwasodopure toorai duumjukullo'moneyokwe aro neya jodubwasogawono. Yiuwi'nokai Jisasolluro a'mwo abolo ton a'mwo abolo pubuuraino kalo buuropino neya winogapuro. Kalo buuropino winyo'moneyokwe pasudo su tov puruvapuruv tonyuda'ai lokabodowodokwono. Muudu'nodo tov kemoro poowokalago me'no sal'mo'nyungiko tovida'ai lokabodowodokwono. Aki puruv kemi poowokalago tovida'ai kuudo sugudo me'no kuuluuwo'dowodo tovi kuvinono uumjunodowo'jure tovida'ai lokabodowodokwono. Aki puruv Gooti toolluno kuudo kuvinono uubweyodopure tovida'ai lokabodowodokwono.

1 Timooti 3:9

Toro kworo kuruv Krais toolluno kuuguudo tovino to'no neya gudupola'mwalpinorogano. Kuuguudo su tov aiyoga yiulo apuu'nallajuko kuvi kuruv aga'no'gwowi kuu'maiyo toru'no me'no bomollolupto'nosodowodokwono. Aki toro tooro kemi poowokalago tovida'ai kuudo kuuluuwo'dupudo kunyu kuruv neya uumjunmwalpinorogano.

1 Timooti 6:12

Neya duu'nyulo. Nemoro kuudo uubweyodowado tov resis to'busukokwono. Toro te a'mwo pwol resis tovi uuwoleyo'mo guureji yodowodo toolbusuko kubalno guu gumi kuudo me'no uubweyodumdo tovi guureji neya dogudupolarogawono. Aki guu aiyo yiunokuudo mujomwekovlaiyo'moneyokwe tovi mallo'moneyokwe Gooti tool me'no doguma'dowodekugono. Toro tooku a'mwo abolo bwotonyago tonyuro sumdo tovi aiyo yiunokuudo mujomwekovlaiyo'moneyokwe su tovino kuu'maiyo toru'no me'no dodowiyoku'bworosunodumdekugono. Toro tovino tov kuudo su tovi guureji neya dogudupolarogawono.

1 Timooti 6:21

Kuunano yogalo su tooraino a'mwo abolo pun, “Oo nebalo'mdeyo,” adopo ton nemoro kuudo uubweyodowado tovi me'no suu'dapiyopogano. Oo aiyowo'mo yogalo tov aro ikudumo'mokwono. Gooti toolluro yasuwa'wino sugumaluko tov kemi nekwo'movla'mwalonokwono.

1 Timooti 6:9

Toro kuvi kuruv a'mwo abolo pun nuugwiyo bwotonyago ki'nomallo'moneyokwe winodupudo su tono'gwowi ma'no ma'nodo tovi bi'nodupudogano. Bwotonyago tonyuno ki'nomallo'mo winodupudo su ton kuudo maiyogano. Aki toro winodupudo tovino tov wuulo tovibusuko pwaropi kuulojuulo'na'dupudogano. Su toro tomgu'aro a'mwo abolo kaiyako i'nodupudo su tonyu Gooti tool lukomgu yiunokuudo nomollounapiyonogano.

2 Timooti 2:18

Yiuwi'nokai a'mwo su tooral nebaikuuguudo tovuro puuto tovi me'no kuugollu'movolorakono. A'mwo su tooral kuunano yogalo aro yodubwosomollodubulorakono. “A'mwo abolo abollungopo ton aiyo aiko te dukaiyo'moneyokwe tov me'no abai'movokakwono.” Kuunano yogalo su toro yodubwosomollodubulo tov Jisasolluro a'mwo abolo pubuuravuro kuudo uubweyodupudo tovi kaiyako mollugolamo'mdubulorakono.

2 Timooti 4:4

Aki su toro toga a'mwo abolo ton kuuguudo nebal'nodo tovi wuu'nyo'mo mwinopi yiuno buulo to'no uugunyumopimwalpinogano. Aki toro ton kemi jupweyo kuuguudo toorai wuu'nyo'moneyokwe kinamjumwalpinogano.

Taitos 1:9

A'mwo su tool namoro yogalo yodubwasodowolo sugudo kuunodo tovi guureji neya gudupola'mwalonekono. Yogalo su tovino guureji agudupolaro'ji tov a'mwo abolo tonyu Gooti toolluno yodubwasowo'ji aki kuuguudo idopto'nodo tokwe jurogudo nokwo duuwimwojumwalonekono. Aki toro agudupolaro'ji tov a'mwo abolo pun kuuguudo idopto'nodo tovi kisuvolo wiyodopure tonyu po'dogalo yovo'dogallo'moneyokwe yogalo nokwo mojurugolmwalonekono.

Hibruu 3:14

Kuudo neya jaullulo. Nevu Krais toolluno kuudo muudu'no kuubweyowo toga guureji agudupolarowo to'busuko kubalno aga kuga kuruv aval'no agudupolarogawano. Nevu Krais toolluno gudupola'no gudupola'no yowa'ji yiuno aiyowo'mo toga'no agudupolara'ji tov yiuwi'nokai Gooti toolluro nonekullabodowo'jure tonyu Krais tooke ne kunol kuruv aval'no nomaranonogano.

1 Joon 2:19

A'mwo Krais toollu ikomago wimo'nodupudo su tooro nemi akuuto tomuuda'ai anekugollu'movoporogano. Su toro anekugollu'movopo kuvi kuruv a'mwo su tooro nemida'ai kuunodoromaiyo. A'mwo su tooro nemida'ai kuunodo sumo'nopujuko'mno'juki nevuge kuuno amwalopujukorogano. Toro kuvi kuruv a'mwo su tooro nemi akuuto tomuuda'ai anekugollu'movoporogano. Toro anekugollu'movopo su tov a'mwo su tooraino aro kuudo youroma'dowadorogano. Oo yiuwi'nokai su tooro nemida'ai kuunodoromaiyo. Kuudo youroma'dowadorogano.

Adodolukuu'nosungiko 3:10

Kevu moro yogalo adaikullo tovi me'no uumjunodupudogaikikono. Toro togaikul kaiya'no yaikullugolodopure kuga kuruv kevu moro yogalo tovi guureji neya dogudupolarogaulo. Lukomgu yamju wiyoganyo'moneyokwe puruv yiuwi'nokai a'mwo abolo kwako akavi mwalodupudo tonyu nobwi'mowonokwono. Su toro abwi'mowo'ji toga kevu moro yogalo tovi gudupola'dupudo togaikulluno tov kaiyako nomapiyokwe tov nuu po'dogalo nomollekumwalmonyugono.

Adodolukuu'nosungiko 3:3

Kevu muudu'nodo toga kuuguudo sugudo tovi wuu'no'mno kuudo me'no kuubweyopogaikikono. Kuuguudo sugudo me'no kuubweyajupo su tovino aga aki aiko te kuudo neya jaurogaulo. Aki toro tovi guureji neya gudupolaropi miyomno aki aiko te neya jodu'mwonyugobilo. Kevu su toro tomgu'aro madukapi to'gwowi nuu kemi kirekumwallo'moneyokwe yere nobwolekuru'ma'monyugono. Su tov a'mwo kuuko pwol kevu kuudo miyau'dopure toga bowo'ji galekumwora'dowodo to'busuko kubalno nuu kemi nobwolekuru'ma'monyugono.

Adodolukuu'nosungiko 3:8

Toro toonyu kemoro yiuwi'nokai pasudo yodupudo tonyuno kuudo me'no yaikuu'dumdonyugono. Kevu kuulomwalmwalpino'moneyokwe kudo'aiko tov me'no ausaikubweyonyugono. Kudo'aiko ausaikubweyo su tovi a'mwo pwolnodo kwol kuruv ku'nono mamallukuronokwono. Aki nuu kemino kuudo yaikuu'dumdonyugono. Kemoro jurogudo tov bwotonyo'maiyo. Toro kugaikul kuruv moro yogalo tovi kuvinono uumjunodupudogaikikono. Aki mino yovo tovi suvlo milomaveku'dupudogaikikono. Aki toro togaikul mi buulo manugunyumopiyodupudogaikikono.