A'mwo kuto ivito mollomwalokwe su tool womdo tovi po'dogalo miyajukekono. Toro kuvi kuruv a'mwo aguto tool gamoro pasudo sajuko su tovi wonyuno sumaiyokwe aro adokaikono. “Oo a'mwo kuto ivito mollomwalokwe toolluro pasudo sajuko su tov kuudo do'mopto tokwe sajukoldeyo.” Toro juno sumaiyokwe a'mwo aguto tool a'mwo mollomwalokwe su toolluno yovo tov sulomodomoropiyokaikono.” Jisasol yovekurajo su tov toro kuudokaikono. Toro wuujuno sumaiyokwe gami uumjunyokwe toorai kuudokaikono. “Neya duu'nyulo. Kwako akavida'ai kwoloraiyo tooro kemi womdo ton kevnokweravuro pi'mwo kuudo tokwe yodupudorogano. Aki kemoro pi'mwo kuudo su tov bako tovida'ai kwoloraiyo tonyuro pi'mwo kuudo tovi uuwolo'mdowodokwono.
1 Tesaloonaika 5:5 - Gooti Toolluro Yogalokwono5 Su tov aro tovinokwono. Kevu yiuwi'nokai togaikul bako tooke'aro iruko togake'aro tovalluro kwoloraiyogaikikono. Toro tovino tov nevu surakuuto togasuronolmaiyo. Aki dugumwuulo tovronolmaiyo. အခန်းကိုကြည့်ပါ။ |
1 Tesaloonaika 5:5
7 ပူးပေါင်းရင်းမြစ်များ
Toro te nuu bako toonyu kevuge kuuno mwalodo'mure toga kevu kuudo neya donubweyogaulo. Su tov aro tovinokwono. Kevu bako toonyuno kuudo anubwepi tov bako toonyuro kwoloraiyo nyumo'nupino tovinokwono.” Jisasol a'mwo abolo tonyu su toro wuujuno sumaiyokwe su towai wuugollu'movo'no a'mwo abolo tonyuro sumdo tovi yiulo apuu'narokaikono.
Toro te nuu a'mwo abolo su tonyomno amogwapimo tov aro tovinokwono. A'mwo abolo su ton dugumdo tomuu kuulomwalodupudogano. Toro tonyu gumoro kuuguudo yodubwasodo'bure tovida'ai kemoro sumdo ton delukuulludapiyo'bi bako tovi nokwo wonmwalpinogano. Toro ton Satanyolluro jurogudo tovi dolago tomuuda'ai birolo'nugolokwopi Gooti toolluro jurogudo tovi dolago tomuu nokwo kuulomwalpinogano. Aki toro ton mino kuudo anubwepi tovino tov nuu kemoro ma'no ma'nodo tovuro kirumwallo tovi modukwopiyo'mi Gooti toolluro a'mwo abolo kuunodo me'no ajesungiko nyumo'numwalpinogano.” Yogaimaguurai tov su toro anyudokakwono.” Kuudokaikono.
Su tov aro tovinokwono. Sumdomgu kemoro poowokalago ton dugumwuulo toollu anakuuto tomuu kwollajupogano. Toro kuvi kuruv aga'no'gwowi Aguto toolluro a'mwo abolo me'no wimo'nodupudo togaikulluno tov gamoro gworeko to'busuko me'no wimo'nodupudogaikikono. Toro togaikul kemi Aguto su toolluro bako tov kuu'maiyo toru'no pwopiyo'moneyokwe pasudo tollovo neya domjumovlavogaulo.
Toro kuvi kuruv nevno'gwowi iruko togasuro tonolluno tov kuudo ilaiyo to'no yovo'dogallourowa'ji nevnokwe tonol neya amollomwalnogawano. Toro te nevu Krais toolluno kuudo uubweyodowado tokwe'aro a'mwo abolo punyuno kalo buuropino nekullunodowodo tokwe'aro su toval neya amollosano. Pasudo su toval a'mwo mollurogudo tooravuro kupolmdo toruda'ai youro jurogudo mollosodupudo to'busuko neya nekullumo'numwalbullunovakono. Aki nemi ma'no ma'nodo tovuro kirumwallo tovida'ai Gooti tool nobomollurolovonekumokalokwono tovino sogwollo to'no neya kinmwalanonogano. Pasudo su tov a'mwo mollurogudo tooravuro miguto jurogudo yesodupudo to'busuko neya nekullumo'numwalonokwono.
Loowo su tov uumdo kuvi kuruv aiyo kuuno imo'nodowodokwono. Loowo su tovi Krais tool kuvinono kuumjunyajukekono. Toro toolbusuko kubalno kev kugaikul kuruv kuvinono uumjunodupudogaikikono. Kevuge'aro Krais tooke'aro togaikul loowo aiyo su tovino kuu'maiyo wuuduuwallunodupudo tov aro tovinokwono. Dugumwuulo tov nyovlaiyo'mo sadopiyo. Aki bako kuunodo pwopiyodowodo tov me'no abai'mo'mwallukokwono.
ကြော်ငြာတွေ