Toro wuujuno sumaleyokwe Moosesol aro kuudokaikono. “Kevu neya duu'nyulo. Nami mebweyogalo nakudodupudo tov yiuno namino to'no dodupudogaikulmaiyo. Toro kugaikul kuruv Gooti Yawelluno'gwowi kwolluda'ai kuruv dodupudogaikikono. Toro tool kemoro mebweyogalo tov ikuu'nodowodo tovino tov wosamujuko ton nekullabwonekono. Toro te sulato toga muugupto ton ikullabowo'ji aki lomwo toga yiuwi'nokai togaikul nyuto'nupino'moneyokwe bret ton ikullabwonekono. Toro ikullabwono toolluno aro kuudo youroma'mwalpinogaikikono. Oo Gooti Yawel kwoldeyo. Kuudo youroma'mwalpinogaikikono.” Kuudokaikono.
1 Tesaloonaika 4:8 - Gooti Toolluro Yogalokwono8 Toro te kemida'ai pugaikul yogalo akavi kisuvolo supi tov yiuno kwako akavida'ai a'mwo pwolluro yogalo tovi kisuvolo mwipinogaikikono. Toro kugaikul kuruv Gooti toolluno'gwowi kisuvolo wipinogaikikono. Kuullo nekullabodowodo Gooti su toollu kisuvolo nuuwipiyo. အခန်းကိုကြည့်ပါ။ |
1 Tesaloonaika 4:8
21 ပူးပေါင်းရင်းမြစ်များ
Toro sumo'noka su tov yiuno Gooti Yawelluro yoduke tovida'ai sumo'nokakwono. Gooti Yawel gamoro me'no adomduukuurosoka tovi kuvinono imo'nyo'moneyokwe a'mwo su tekwoji danyu'nyuwuulo tov kuubweyokaikono. Toro kuubweyoka tekwo Gooti Yawelluro ilaiyo winodowodo tovi uumjuno'no yiuno'no sopiyokaikono. Toro tekwo a'mwo abolo tonyuro ma'no ma'nodo tovi modukwopiyo'moneyokwe gamoro aiyo mwalodowodo tov Gooti Yawellu me'no kwiyokaikono. Aro to'busukokwono. Gooti Yawellu wiyo'moneyokwe dukwagupto tovi aromiroudapiyajupo pworobusuko kubalno a'mwo su tekwojuro aiyo mwallo'moneyokwe tov Gooti Yawellu wiyo'no abolokaikono. Toro aboloka kwol kuruv lukomgu aiyo yiunokuudo mujomwekovla'mwalonekono. Toro mujomwekovlavowo'ji gamoro kwoloraiyo wimo'nodopure tonyu nokwo wonmwalonekono.
Kuuguudo su tov arokwono. “Kevu biyekuu'nyogalo dodupudo toorekul wako neya dou'nyulo. Toro toorekul aiyo kuuno mwalodopure toga kirekumwallo'moneyokwe womdo puruv kemi nekubwemonyugono. Su toro tovino a'mwo pwol kuu'maiyo toru'no duudapi ikullodowo'jure kuruv kevu muu'nyubusuko yopi kuudo muubwepinorekikono. Toro muubweyodopure tovino tov puga luko morumoukuropiyopi nobolpinorekikono.” Proofet tooravuro kuuguudo adopo su tov kemi nekullumo'no'jo.” Poolol toro kuudokaikono.
Nevu su toro tomgu'aro sogwollo aina'ji tov wogulo'mo miyanonogano. Su tov aro tovinokwono. Gooti tool nemino kalo buuropino winodowodo tovi nekuduuwallo'moneyokwe gamoro Kuullo tool anekubweyokaikono. Toro te Kuullo su toollu'aro Gooti tool gamoro kalo buuropino winodowodo tov nemoro poowokalago tonyu kuulemovanekubweyodowodekono.
Toro kuvi kuruv nevno'gwowi su toro tonyuno kuudo me'no youroma'dowadonogano. Su tov Gooti tool gavnokweyolluro Kuullo toollu'aro nemi kuu'maiyo toru'no bomollolupto'nanekubweyodowodekono. Aki Gooti toolluro Kuullo su tool yiuwi'nokai tonyuno po'dogalo jagilodowo Gooti toolluro yiulkuudo kunyuno kuruv nemi kuu'maiyo toru'no bomollolupto'nanekubweyodowodekono.
Toro kuvi kuruv nuvu aro kuudo sau'mwakono. Abekanyo su tobuul gavnokwe judo tobuul amjomwekovlawo'ji tov ilaiyo bwotonyo yonokwono. Ilaiyo bwotonyo su tov a'mwo muuduko pwollu uuma'nowo'ji ilaiyo somjomwekovlawo'jujuko tovi nuuwolowonokwono. Toro te moro kuuguudo aikudadokwo akavino nuvnokwe toonyu aro kuudo sau'mwakono. Gooti toolluro Kuullo kuulonumwalodowodo tooke amollodekubwasadokwono. Kuudo sau'mwakono.
Aki Gooti tool gavnokweyolluro duuwallo tov nemi aro nekubweyodowodekono. Gamoro Kuullo tool nemoro poowokalago tonyu kuulonekumwalodowodekono. Toro te nevu Kuullo su toollu sumdomgu me'no ma'dowadonogano. Sumdomgu kwolda'ai ma'dowado su tov aro tovino nekuduuwallo'mokwono. Lukomgu nevu Gooti toolluro yiuwi'nokai nonekullabiyo'mo subuu'yamju yodowodo su to kunyu kuruv kuvinono nomaranonogano. Su toro tovino nekuduuwallo'mokwono.
Toro te nevu Gooti toolluro kwoloraiyo me'no wimo'nodowado tonolluno tov Gooti tool gamoro Kwolaiyo toolluro Kuullo tool nemi poowokalago tonyu me'no kuulomonekwopiyabodowodekono. Kuullo su tool nemi me'no kuulonekumwalodowodo tovino tov nevu Gooti toollu guureji aro wuudodowadonogano. “Mi Nyunumiyago Doweloo!” Wuudodowadonogano.
Gooti tool aiyoga proofet su toorai aro tovino me'no kuuduuwallokaikono. “Kemoro proofet yogalo moruudodupudo womdo su tov kevnokweraiyo'mo'maiyo. Toro kuvi kuruv yogalo amoruujajupo su tov a'mwo abolo lukomguda'ai billumo'nupino tonyo'mokwono.” Gooti tool proofet su toorai kuu'maiyo me'no kuuduuwallajukekono. Toro te proofet yogalo su tokwe a'mwo kuurotokwe tooro modomollodupudorogano. Toro modomollodupudo su tov kev togaikullo'mokwono. Aki Gooti tool aiyogasuro su toorai gamoro Kuullo tool muunyu kai'muuda'ai kwolomoropiyabokaikono. Toro toolluro jurogudo tokwe Krais toolluno kuuguudo sugudo tov amodekumollajuporogano. Aki ensel kworo kuruv proofet tooravuro yogalo su tovino kavlo tov kuudo youromallo'mo winodupudorogano.
Aki proofet su tooravuro yogalo puru'monodo kuruv kevnokwe tooravuro kuudo tonyuda'ai amollajajuporomaiyo. Toro kworo kuruv yiuno Gooti toolluro Kuullo tool proofet su toorai amollubworomokavlaiyajukekono. Toro mollubworomokavla'mduke tovi proofet su tooro uumjunodupu Gooti toolluro yogalo tokwe to'no amollajajuporogano.
Gooti toolluro yogalo adanekulloka su tovallu nevu kuumjuna'ji tonol Gooti toollu kuvinono uuguro'mwonyodowadonogano. Aki Gooti tool ne kunollu kuruv me'no nekuguro'mwonyodowodekono. Aki gamoro Kuullo anekullaboka tool nemoro poowokalago tonyu kuulonekumwalododekono. Toro kuulonekumwalodowodo su toollu'aro kuudo youroma'dowadonogano. Oo Gooti tool nevuge mwalodowadoldeyo. Kuudo youroma'dowadonogano.
Agasuro a'mwo kuunano ibwasokwe tooro kemoro kuudo tonyu molloguurekudapiyo'moneyokwe aiyogasuro tooravuro pasudo to'busuko aval'no yomjumovla'mdupudorogano. Toro tooro aro jokweyorogano. “Oo nemoro pasudo amjumovla'mwakuuwo tov Gooti tool wojo tovi'aro nekuduuwallodowodekono.” Jokwerogano. Toro dodupudo kworo kuruv kwonyalpasudo togai kemi kulako tonyu kaiyako igolamo'nodupudorogano. Aki a'mwo su tooro a'mwo mido mollomwalokwe toorai kisuvolo to'no wiyodupudorogano. Aki a'mwo su tooro Gooti toolluro jurogudo kuunodokwe ensel tooraino kaiya'no yogalo bwolomorumwogapiyodapudorogano.
ကြော်ငြာတွေ