1 Pita 2:1 - Gooti Toolluro Yogalokwono

¹ Kevu aiyo me'no sumo'nopo tovino tov kevnokweyogaikulluro yiuwi'nokai ma'no ma'no pasudo toorai neya domodukwopiyogaulo. Kemoro magu'nyo toorogai'aro kuunano yogalo toorogai'aro kuunano pasudo toorogai'aro kwekuullu kuudo toorogai'aro yiuwi'nokai bwolomorumwogapiyo'mo yogalo toorogai'aro pasudo su toro toorai neya domodukwopiyogaulo.

1 Pita 2:1 ပူးပေါင်းရင်းမြစ်များ

Matyuu 15:7

Jisasol toro wuujuno sumaiyokwe aki aro kuudokaikono. “Aisaiyal kevu a'mwo kuunanokwe toorekulluno proofet yogalo nebal'no amodomollajukekono. Yogalo su tov aro ajakwollokaikono.

Matyuu 23:28

Su toro to'busuko kubalno a'mwo abolo pun kemi kwa'mgu tomgu aikwonpi toga kuudo yaikuu'dupudogano. Oo a'mwo akaro sugudorodeyo, kuudo yaikuu'dupudorogano. Toro kuvi kuruv kemoro poowokalago anakuuto tomuuno'gwowi youkuu'najo'mo toorogai'aro kirovanyuvanyu kiroungovlaiyo'mo pasudo toorogai'aro tooro kuullo'movaikwopiyodupudorekikono.

Matyuu 24:51

Su toro abai'mowo'ji toga aguto tool a'mwo ki'nato womdokwe kirovanyuvanyu su toollu yiunokuudo nodowapiyonekono. Aki a'mwo kuunanokwe toorogai tomuu kirumwallo'mo morapiyonekono. Su tomuu danyu'nyuwuulo bwotonyo ibwosunopi kumdato mujode'movla'mwalpinomuugono. Aki kemoro mago ton duguropiyopi tuko to'no do'nugovla'mwalpinomuugono.” Jisasol toro kuudokaikono.

Matyuu 7:5

Su tov aro to'busukokwono. Guvu a'mwo kuunanokwe imo'nodumdekugono. Toro tooku sumdomgu guvnokwekujuro sumdo tovida'ai i'muujuko bwotonyo wo'dowodo toollu neya domodukwopiyogawono. Me'no amodukwopibi toga lukomgu gumi avalo tekwojuro sumdo tovida'ai sullukwako wo'dowodo tovi kamwoga yo'bi nokwo modukwopibinekugono.

Kuuguudo Sugudo akav Makolluro sakwollokakwono Mak 12:15

Toro kuudopo tooraino Jisasol aro souroonokaikono. Oo kuunanokwerodeyo. Toro youroonyuno sumaiyokwe aro kuudokaikono. “Kevu buro'nyo'mo jokuu'nanyudadokwovo?” Wuujuno sumaiyokwe kuudokaikono. “Kevu silva nuugwiyo sulo pullu donumokabilo.” Kuudokaikono.

Luuk 11:44

Oo kevu Farasi tekwojekul tabunyu nomapinorekikono. Su tov aro tovinokwono. Kevu a'mwo buuso pun kuulo'womdo tomuu mollusodukwopiyodupudo to'busukorekikono. A'mwo buuso su tonyu a'mwo abolo pun kuudo miyouromaropi suvlo ilovekuromollodupudogano.” Kuudokaikono.

Luuk 12:1

Farasi tooro Jisasollu toro duuwiyodopure toga a'mwo abolo tausen tausen ton bi'bwo'nyuno bi'bwo'nyuno sumaveyokwe suvlo sulomavollunyajupogano. Toro yodopure toga Jisasol gami uumjunyokwe toorai yovekurajo tokwe yogalo muudu'no aro kuudokaikono. “Farasi tooravuro youkuu'najo'moneyokwe pasudo tov bret munyo'moneyokwe yis to'busukokwono. Toro tovino kevu wako neya dou'nogaulo.

Luuk 6:42

Guvnokwejuro sumdo tovida'ai i'muujuko wo'dowodo su tool kuuno wo'dowo'jure toga gumi avalo tekwoji aro nuudoganbiyo. “Oo gumoro sumdo tovida'ai sullukwako kula'nyo kwosuko su tekwo nokwo magudukwopimekudeyo?” Nuudoganbiyo. Guu su toro kuudoganbi tov a'mwo kuunanokwe imo'nubinekugono. Guvnokwe tooku sumdomgu gumi sumdo tovida'ai i'muujuko wo'dowo'jure toollu neya domolobwokurodukwopiyono. Su toro me'no amolobwokurodukwopibi toga'no'gwowi lukomgu gumi avalo tekwojuro sumdo tovida'ai sullukwako kula'nyo kwosuko su tekwoji modukwopiyo'moneyokwe ilaiyo nokwo kinoma'binekugono.”

Joon 1:47

Filipol toro wuujuno sumaiyokwe Natanyol noboduke toollu Jisasol wono'no Natanyolluno aro adokaikono. “Oo a'mwo akal Isuraiyolda'ai kuunodo pwekono. Toro tool kuunano yogalo youkuu'najo'moneyokwe puru'monodo kuruv nonagutekono.” Adokaikono.

Room 1:29

A'mwo abolo su tonyuro poowokalago tovi kemi kirovanyuvanyu go'no go'no yo'moneyokwe ton aiyowomno aullo'mowopiyajukogano. Toro kuullu'mowopiyoduke tovida'ai aro sajupogano. Ma'no ma'no yodupu kwanyu sumdo kinuwiyodupu suroguudo yau'dupu kwekuullu kuudo yau'dupu aki pworai yiuno'no aromiyosajupogano. Yodupu aki molo inodupu kuunano yogalo youkuu'nuudodupu magu'nyo kuudo yau'dupu aki a'mwo abolo punyu bwolomorumwogapiyo'moneyokwe yogalo ajajupogano.

1 Koorin 14:20

Mi avalobuuravoo, kevu gabovo yogaljo tonyuda'ai jo'moneyokwe tovino kwoloraiyo kula'nyo tobuurobusuko kuudo nyau'mwalpiyo. Toro kugaikul kuruv kevu aguto me'no gullodupudo tonbusuko kubalno kavlo su tonyuno kuudo po'dogalo neya jouromarogaulo. Toro kuvi kuruv kevu kirovanyuvanyu pasudo tooraino'gwowi kwolaiyo muudoga kuudo nonaguto tonbusuko to'no neya jumo'nogaulo.

1 Koorin 5:8

Toro tovino tov a'mwo abolo ton Gooti tool Muunyu Toru'aro Surukuruwolovoka tovino kuudo yaullo'moneyokwe lubullu doto su tovi yanyo'mo toga yis tovi modukwopiyodupudo to'busuko kubalno nemoro ma'no ma'no pasudo sajuuwo toorai aval'no neyo amodukwopiyogawano. Yiuwi'nokai ma'no ma'no pasudo toorogai'aro kirovanyuvanyu pasudo toorogai'aro su tooro bret munyo'moneyokwe yis uumdo tooraibusuko yiunokuudo neya amodukwopiyogawano. Yowa'ji yiuno nebal'no pasudo togai'aro nebal'no yogalo jo'mo togai'aro su tono neya amomjumovlavogawano. Nevu su toro sa'ji tov bret aiyo yis maiyokwe to'busuko imo'numwalanonogano.

2 Koorin 12:20

Toro te neya duu'nyulo. Nuu aro tovino luko sumwakonyugono. Nuu kemi abekuru'ma'mi toga kemino aro kuudo nyaikuu'miyo. Oo moro yogalo me'no adapiyajo tonyu muu'nyubusuko to'no jumwakovo. Nyaikuu'miyo. Aki kevu moro yogalo tovi muu'nyubusuko supi tov nuu kemi kuudo ikuuteyo'mo abekuru'ma'mi toonyuno ilaiyo mamollonumapinogaikikono. Aki kevu pasudo aro tonyu mujumovla'mdopure togaikullu nobaikwonmiyo. Youllajunyo'mo yogalo togai'aro kwekuullu kuudo togai'aro mesubuuto togai'aro magu'nyo kuudo togai'aro burolyogalo togai'aro buulo yogalo togai'aro ilomoropunyu kuudo togai'aro kisuvolo'mo kuudo togai'aro pasudo su toorai mujumovla'mdopure togaikullu nobaikwonmiyo.

Efesos 4:31

Aki kemoro iru'kuudo toorogai'aro magu'nyo kuudo toorogai'aro surodo'mo kuudo toorogai'aro mebweyogalo toorogai'aro burolyogalo toorogai'aro yiuwi'nokai su toorai manyu tomuu neya dodukwopiyogaulo. Aki buro'nyo buro'nyo ma'no ma'no yo'moneyokwe kuudo kworo kuruv nyau'mwalpiyo.

1 Tesaloonaika 2:3

Toro te nevu guureji aro adaikullajuwonogano. “Oo kevu kuuguudo sugudo akavino kuudo neya duubweyulo.” Su toro adaikullajuuwo su tov kemi youkuu'naikujo'mo'maiyo. Aki kemi kaiyako yaikullugollo'moneyokweyo'maiyo. Aki kemi molloguurekudapiyo'moneyokwe aikujajuwonolmaiyo.

1 Timooti 3:11

Su toro to'busuko kubalno abolo kun kuruv kuudo ilaiyo tollovai pi'mwono molludo'movla'mwalpinogano. Aki a'mwo abolo punyuno buulo yogalo madopi kevnokwe ton neya mollomwalnumwalpinogano. Aki yiuno sugudo to'no neya yomjomwekovla'mwalpinogano.

Taitos 2:3

Aki abolo yadainyunodo tonyu ibwaso'mo tov arokwono. Aguto toolluro womdo ilaiyo wiyokwe tomgu'aro neya imo'numwalpinobuurogano. Toro tobuuro a'mwo abolo punyuno buulo yogalo madopi aki wain wonyo bwotonyago nonumwalpiyo. Toro kun kuruv sugupasudo tonyuno'gwowi neya uumjunogapureyokwe ibwasumwalpinogano.

Hibruu 12:1

A'mwo abolo bwotonyago Gooti toollu kuudo kuubweyajupo su ton sulu'wo to'busuko nemi aiyowomno mwodovonekuma'dupudogano. Kemoro kuudo kuubweyajupo su tov nemi kuu'maiyo toru'no me'no nekuduuwallodupudo tovino tov nevu resis tovibusuko guureji neya yogawano. Nevu resis tovi yo'mo tonol noonyumwonyu pworo nemi nekumjukuto yodupudo toorogai'aro aki ma'no ma'no pasudo nemi nekumgu'mo'nodupudo toorogai'aro su toorai neya arobwotovodukwopiyogawano. Me'no robwotovodukwopiyowa'ji nevu resis tovi kano kano plaiyo'moneyokwe puuto tov nemi sumdollu toru wo'dowodo su tovi neya ainomjumovlavogawano. Puuto su tov Gooti toolluro anekuduuwalloka su tovi'aro guureji neya uumjungovlavogawano.

Jems 1:21

Toro te kevu yiuwi'nokai kaiyako igolamo'nyo'moneyokwe pasudo toorogai'aro ma'no ma'no kiroungovlaiyo'moneyokwe pasudo toorogai'aro toorai neya domodukwopiyogaulo. Toro kugaikul kuruv kemoro poowokalago tonyu Gooti toolluro yogalo puluko to'busuko amomguropingiko su tovino'gwowi ilaiyo neya domollomarogaulo. Aki yogalo su tovi kevu kwako tomuu'aro neya duuwiyogaulo. Yogalo su tov kemi kuullo tobuurai ma'no ma'nodo tovuro kirumwallo tovida'ai nokwo bomollurolovekumokalokwonokwono.

Jems 3:14

Toro kuvi kuruv kevu kwekuullu kuudo bwotonyo tokwe'aro aki kevnokwe togaikul yovo aguto mallo'mo kuudo tokwe'aro su toval kemoro poowokalago tonyu aulaikworo'ji to'gwowi kevnokwe togaikulluno aro nodumwalpiyo. “Oo nevu kuudo pi'mwono me'no youroma'dowadonogano.” Nodumwalpiyo. Kevnokweyogaikulluro pi'mwo kuudo tovino su toro sulomoropinapi tov kuunano yogalo dupinogaikikono. Aki nebal'no yogalo tovi kisuvolo wipinogaikikono.

Jems 4:11

Mi avalobuuravoo, kevu Jisasolluro a'mwo abolo pubuuraino burolyogalo nodumwalpiyo. Kemida'ai a'mwo pwol Jisasolluro a'mwo gabovo pwolluno burolyogalo ado'ji su tool Krais toolluro loowo kuvino kuruv burolyogalo donekono. Aki a'mwo su tool Jisasolluro a'mwo gabovo pwolluro pasudo tovino, Kaiya'nodokwono, ajainyubworo'ji su tov Krais toolluro loowo kuvino kuruv, Kaiya'nodokwono, jainyubworonekono. Neya duu'nyulo. Guu pweku Krais toolluro loowo tovino, Kaiya'nodokwono, ajainyubwo'bi tov loowo su to kuvi kisuvolo wibinekugono. Aki guu Krais toolluro loowo su tovi jainyubwollo'moneyokwe womdo tov gumoro'maiyo. Toro kuvi kuruv gumoro womdo to'gwowi Krais toolluro loowo su tovi dolago tomuu'aro to'no uumjunyo'moneyokwekugono.

Jems 4:5

Gooti toolluro yogalo sakwollungiko puruv aro nekudodowodokwono. “Gooti toolluro Kuullo kuulonekumwalodowodo tool buro'nyo buro'nyorodeyo pworo nemi amollubworonekumokavlapi tovino ilaiyo mwinyokwekono. Gooti toolluro Kuullo gavnokwe su toolno nemi mollubworonekumokavlaiyo'mo to'no winyokwekono.” Gooti toolluro yogalo sakwollungiko su tov yasuwa'nodo'maiyo. Toro tovino kevu kuudo neya jaurogaulo.

Jems 5:9

Mi avalobuuravoo, Gooti tool kemi nerekumwallo'jokwe kevu Jisasolluro a'mwo abolo pubuuraino burolyogalo nodumwalpiyo. Neya duu'nyulo. Gooti tool a'mwo abolo tonyu kooti yogalo jainyubwollokwekono. Aki kooti yogalo jainyubwollokwe su tool anoullo tovi wobo toru abodapso.

1 Pita 2:16

Aki kevu ki'nato womdo tovida'ai me'no birolo'nugolokwodupudo togaikulbusuko imo'nodupudogaikikono. Toro togaikul yiuno a'mwo me'no birolo'nugolokwodupudo tooravuro pasudo to'busuko to'no neya domjumovlavogaulo. Aki aro kuudo nyau'mwalpiyo. Oo nuu ki'nato womdo tovida'ai me'no birolo'nugolokwodumdo toonyu kirovanyuvanyu pasudo toorai yasuwa'no nokwo mujeroungovla'mwalmonyugono. Su toro kuudo nyau'mwalpiyo. Toro kuvi kuruv kevu Gooti toolluro ki'nato womdokwe togaikulbusuko imo'nodupudo tovino tov gamoro womdo tovino'gwowi neya domomjumovlavogaulo.

1 Pita 2:22

Kuudo neya jaullulo. Krais tool ma'no ma'no puru'monodo kuruv miyajukekono. Aki kuunano yogalo puru'monodo kuruv miyoukuu'najajukekono.

1 Pita 3:10

Gooti toolluro yogalo puruv aro sakwollungikokwono. “A'mwo pwol kwako akavi aiyo mwalowo'ji toga ilaiyo ibwosunyo'mo winmwalonekono. Toro tool ilaiyo to'no mujomwekovlaiyo'mo kwino'ji su tool aro imwalonekono. Gamoro kwavlolo tokwe kaiya'no yogalo ton nodumwalo'jo. Aki gami mollo tokwe kuunano yogalo ton nyoukuu'nadumwalo'jo.

1 Pita 4:2

Toro yuu'dapiyodowodo su tool gamoro kulako tokwe aiyo kuuno amjomwekovlawo'ji toga kulako su tovuro ilaiyo igollunyo'moneyokwe toorai aki aiko te nuumjungovla'mwalo'jo. Toro kwol kuruv Gooti toolluro ilaiyo winodowodo tovino'gwowi neya uumjungovla'mwalonekono.

1 Pita 4:4

Aki a'mwo abolo kuudo muubwemwakopo su ton kemi ikwonopi kuudo yaupinogano. Oo aga'no'gwowi nevuge kirovanyuvanyu kuuno mairoungovla'mdupudodeyo. Kuudo yaikuupinogano. Su toro kuudo yauropi kev togaikulluro pasudo muuduko tovino luko morumoukuropipinogano. Su toro tovino tov kemino burolyogalo to'no bwolomodomorekumwogapiyodapudogano.

Adodolukuu'nosungiko 14:5

Toro tooro kuunano yogalo puru'monodo kuruv miyoukuu'nuudodupudorogano. Aki kirovanyuvanyu pasudo puru'monodo kuruv miyodupudorogano.