1 Koorin 7:6 - Gooti Toolluro Yogalokwono

⁶ Kevu neya duu'nyulo. Moro kuuguudo akavi, “kevu neya duumjunyulo,” maikudadokwono. Toro kuvi kuruv kevu moro kuuguudo akavi uumjunyo'mo aikulluno'jo'mdeyo oo muumjunyo'mo aikulluno'jo'mdeyo tov yiuwi'nokai su tovallu puvi kuumjunpi tov, “nokwo'mokwono,” aikudadokwono.

1 Koorin 7:6 ပူးပေါင်းရင်းမြစ်များ

1 Koorin 7:10

Aki aga nuvu a'mwo kwolabolo me'no yoma'nodupudo togaikullu guureji ikudumo'mokwono. Yogalo akav nuvnokwe toonyu maikudadokwono. Toro kuvi kuruv Aguto toolno'gwowi kemi aro aikudadopiyo. Abolo pu'guu gumi kwolo toollu mabuugollu'mokalokuubinono.

1 Koorin 7:12

Aga a'mwo kwolabolo me'no soma'nyungopo togaikullu aro ikudumo'mokwono. Kuuguudo akav Aguto toolluro'maiyo. Toro kuvi kuruv nuvnokwe toonyu aro ikudumo'mokwono. A'mwo pweku gumi abolo tov Jisasolluno kuudo yere muubweyodowo'jure toga sumdomgu guuda'ai kuubwebi tov gumi abolo kuudo muubweyodowodo su tov guvuge mwallo'mo winodowo'jure tovi yere mamolleru'mdowapibinono.

1 Koorin 7:25

Aga a'mwo kwolabolo yere miyoma'nodupudo tonyuno ikudumo'mokwono. Yogalo su tov Aguto tool manyabokakwono. Toro kuvi kuruv Aguto su tool kalo manekumwonyodowodo tovida'ai moro kuudo yau'dumdo tov kemi ikudumonyugono. Moro yogalo su tov yiuno nebal'no ikudumonyugono.

1 Koorin 7:40

Toro kuvi kuruv nuvu aro kuudo sau'mwakono. Abekanyo su tobuul gavnokwe judo tobuul amjomwekovlawo'ji tov ilaiyo bwotonyo yonokwono. Ilaiyo bwotonyo su tov a'mwo muuduko pwollu uuma'nowo'ji ilaiyo somjomwekovlawo'jujuko tovi nuuwolowonokwono. Toro te moro kuuguudo aikudadokwo akavino nuvnokwe toonyu aro kuudo sau'mwakono. Gooti toolluro Kuullo kuulonumwalodowodo tooke amollodekubwasadokwono. Kuudo sau'mwakono.

2 Koorin 11:17

Moro ilomodomoropunyu to'busuko yogalo aikudumi su tov Aguto toolluro yovo tovida'ai ikudumo'mo'maiyo. Toro kuvi kuruv nuu yiuno kwako akavida'ai a'mwo kuudo maiyokwe pwonyubusuko to'no ilomodomoropinyo'moneyokwe yogalo pwekwo ikudumo'mokwono.

2 Koorin 8:8

Moro yogalo aikudumo su tov kevu guureji uumjunpino'moneyokwe jurogudo madaikullumwakono. Toro kuvi kuruv aro tovinokwono. Masedooniyada'ai ton nuugwiyo mollu'bworosodupudo tonbusuko kubalno kev Koorinda'ai kugaikul kuruv wiyo'mwojo'mo nuugwiyo amollu'bworosupi tov kevnokwe togaikulluno aro wuuduuwallunupinogaikikono. Oo nevu Jisasolluro a'mwo abolo pubuuraino kalo buuropino kuunodo nekullunodowodonogano. Kevnokwe togaikulluno su toro wuuduuwallunupinogaikikono.