1 Koorin 7:10 - Gooti Toolluro Yogalokwono

¹⁰ Aki aga nuvu a'mwo kwolabolo me'no yoma'nodupudo togaikullu guureji ikudumo'mokwono. Yogalo akav nuvnokwe toonyu maikudadokwono. Toro kuvi kuruv Aguto toolno'gwowi kemi aro aikudadopiyo. Abolo pu'guu gumi kwolo toollu mabuugollu'mokalokuubinono.

1 Koorin 7:10 ပူးပေါင်းရင်းမြစ်များ

Matyuu 5:32

Toro kuvi kuruv nuvno'gwowi aro ikudumo'mokwono. A'mwo pwol gami abolo tov kwonyalo miyodowodo tovi yasuwa'no aru'mdowapiyo'ji tov a'mwo su toolluro tovasuda'ai abolo tov kwonyalo imwalonokwono. Aki a'mwo pwol abolo me'no aru'mdowapingiko puvi amaro'ji tov a'mwo su tool kwonyalo imwalonekono.”

Kuuguudo Sugudo akav Makolluro sakwollokakwono Mak 10:2

Toro yodubwasoduke toga Farasi pworo bino sumaveyokwe Jisasollu abwolorawoneyokweyo'mo yamju abwiyoganoporogano. Toro tooro aro kuudoganoporogano. “A'mwo pwol gami abolo tovi ru'mdowapiyo'mo tov nokwo'mo'mdukono?” Kuudoganoporogano.

Luuk 16:18

Toruda'ai Jisasol kuudokaikono. “A'mwo pwol gami abolo tovi ru'mdowapiyowo'ji abolo puvi amaro'ji tov kwonyalo yonekono. Aki a'mwo pwol abolo me'no aru'mdowapingiko puvi amaro'ji tov kwonyalo imwalonekono.” Kuudokaikono.

1 Koorin 7:11

Toro kuvi kuruv abolo puruv gami kwolo toollu abuugollu'mokalokwo'ji to'gwowi abolo su tov kwolo muuduko pwollu nuuma'no'jo. Yiuno judo tov neya domjomwekovla'maiyo oo gami kwolo sumdomguda'ai toollomno plavowo'ji aki aiko te neya uuguro'mwonyonokwono. Aki su toro to'busuko kubalno guvu a'mwo pweku gumi abolo tovi miyeru'mdowapibinono.

1 Koorin 7:12

Aga a'mwo kwolabolo me'no soma'nyungopo togaikullu aro ikudumo'mokwono. Kuuguudo akav Aguto toolluro'maiyo. Toro kuvi kuruv nuvnokwe toonyu aro ikudumo'mokwono. A'mwo pweku gumi abolo tov Jisasolluno kuudo yere muubweyodowo'jure toga sumdomgu guuda'ai kuubwebi tov gumi abolo kuudo muubweyodowodo su tov guvuge mwallo'mo winodowo'jure tovi yere mamolleru'mdowapibinono.

1 Koorin 7:15

Toro kuvi kuruv a'mwoldeyo oo abolo'mdeyo puruv Jisasolluno kuudo muubwengiko tov nuugollu'meyo'mo tovino guureji kwino'ji to'gwowi a'mwo kwolabolo su teyaul nokwo yeru'mdeyapinbulluneyaukono. Su toro yeru'mdeyapino'bullu toga Jisasolluno kuudo uubweyodowodo a'mwoldeyo oo abolo'mdeyo tov nuumjukuro'jo. Nokwo wonyapino to'no neya yono. Kevu sumwoluko aval'no wosunyo'moneyokwe tovino Gooti tool me'no dekuma'dowodogaikikono.

1 Koorin 7:25

Aga a'mwo kwolabolo yere miyoma'nodupudo tonyuno ikudumo'mokwono. Yogalo su tov Aguto tool manyabokakwono. Toro kuvi kuruv Aguto su tool kalo manekumwonyodowodo tovida'ai moro kuudo yau'dumdo tov kemi ikudumonyugono. Moro yogalo su tov yiuno nebal'no ikudumonyugono.

1 Koorin 7:40

Toro kuvi kuruv nuvu aro kuudo sau'mwakono. Abekanyo su tobuul gavnokwe judo tobuul amjomwekovlawo'ji tov ilaiyo bwotonyo yonokwono. Ilaiyo bwotonyo su tov a'mwo muuduko pwollu uuma'nowo'ji ilaiyo somjomwekovlawo'jujuko tovi nuuwolowonokwono. Toro te moro kuuguudo aikudadokwo akavino nuvnokwe toonyu aro kuudo sau'mwakono. Gooti toolluro Kuullo kuulonumwalodowodo tooke amollodekubwasadokwono. Kuudo sau'mwakono.

1 Koorin 7:6

Kevu neya duu'nyulo. Moro kuuguudo akavi, “kevu neya duumjunyulo,” maikudadokwono. Toro kuvi kuruv kevu moro kuuguudo akavi uumjunyo'mo aikulluno'jo'mdeyo oo muumjunyo'mo aikulluno'jo'mdeyo tov yiuwi'nokai su tovallu puvi kuumjunpi tov, “nokwo'mokwono,” aikudadokwono.