1 Koorin 12:3 - Gooti Toolluro Yogalokwono

³ Toro te aga nuvu aro aikudadokwono. Gooti toolluro Kuullo tool a'mwo pwollu mollubworomokavla'mdowo'jure tovi kuumjuno'ji tov a'mwo su tool Jisasolluno bwolomorumwogapiyo'moneyokwe kaiya'no yogalo puru'monodo kuruv madonekono. Aki a'mwo yasuwa'no pwolnodo kwol kuruv nemi Aguto Jisasolluno ku'nono milomodomoropiyawonekono. Toro kuvi kuruv yiuno Gooti toolluro Kuullo tool jurogudo uubweyodowo'jure tokwe to'gwowi a'mwo su tool aro nokwo donekono. “Oo nemi Aguto tool Jisasol kwekono.” Donekono.

1 Koorin 12:3 ပူးပေါင်းရင်းမြစ်များ

Matyuu 22:43

Toro kuudopo tovi Jisasol aro kuudokaikono. “Kemoro yogalo adumapo su tov adadomgu'aro kuvinono imo'nono'mdeyo? Gooti toolluro Kuullo tool aiyoga Devitolluro kuudo tovi wiyoduke toga Devitol gami jukweyago kwolaiyo tekwojuno, “Mi Agutoloo,” do'no yogalo puruv aro ajakwollokaikono.

Kuuguudo Sugudo akav Makolluro sakwollokakwono Mak 9:39

Toro kuudoka kuvi kuruv Jisasol kuudokaikono. “Kevu a'mwo toollu uumjukuto mipinono. A'mwo pwol moro yovo tovida'ai duuwallo jurogudo puruv so'ji tool moro yovo tovino buulo yogalo yere madonekono.” Kuudokaikono.

Joon 13:13

Kevu nyudodupudorekikono. “Ibwasokweyoloo,” aki “Agutoloo,” nyudodupudorekikono. Kevu su toro nyudodupudo tov kuvigono. Nuu kuvinono su toro ikullumo'nodumdonyugono.

Joon 13:14

Toro te nuu kemi Aguto ikullumo'nodumdonyugono. Aki kemi ibwasokwe ikullumo'nodumdonyugono. Nuu su toro ikullumo'nodumdo kwonyu kuruv kwako tomuu'aro bwolomorumwogapinodam kemoro suvlo tonyu wonyo tokwe amollaikul'mo'monyugono. Su toro to'busuko kubalno kevu kworekul kuruv kemida'ai gabovo tooravuro suvlo tonyu wonyo tokwe neya jal'movogaulo.

Joon 15:26

Toro kuvi kuruv nuu moro Nyunumiyago toolluda'ai kemi ikullo'mwojo'moneyokwe tool nomekwopiyamonyugono. Toro amekwopiyami su tool Gooti toolluro Kuullo yiuno nebal'no yogalo to'no jokwe tookono. Moro Nyunumiyago toolluda'ai amekwopiyami su tool bowo'ji numino kuu'maiyo toru'no nododoluwosonekono.

Room 10:9

Toro moruudomollodowado tovida'ai kevu pugaikul kemi mago togai aro dodowiyoku'bworosunpinogaikikono. “Oo Jisasol nemi Agutekono.” Aki kemi poowokalago kuunodo togai aro kuudo kuubwepi tov, “Oo Gooti tool Jisasollu aiyo aiko te me'no amodukavokaikono.” Su toro kuudo kuubwepi tov Gooti tool kemoro ma'no ma'nodo tovuro kirumwallo tovida'ai nobomollurolovekumokalokwonekono.

Room 9:3

Toro toonyu aro kuudo yau'dumdonyugono. Oo nuuge avalo kuunodo Isuraiyol tobuuro kemi ma'no ma'nodo tovuro kirumwallo tovida'ai neya abirolo'nugolokuupureyokweyo'mo anyunadopiyo. Su toro kuudo yauro'mi aki aro kuudo yau'dumdonyugono. Nuvnokwe toonyu Krais tooke yeru'mdeyapino'mi wiyo'mwojo'moneyokwe kemoro aiko toru kirumwallo tov nokwo ma'monyudukono? Awiyo, mi avalo tobuurai su toro tomgu'aro wiyo'mwojo'moneyokwe puuto puruv nonagutokwono. Su toro kuudo yau'dumdonyugono.

1 Koorin 16:22

Oo nemi Aguto tool yere abwoneyokwe anekullunadopiyo. A'mwo pwol nemi Aguto su toolluno kalo buuropino mwino'ji tov yiunokuudo nerumwallo'mekono.

1 Koorin 8:6

Toro kuvi kuruv nevno'gwowi aro kuudo yaullokwenogano. Oo Nellunumiyago Gooti tool yiuno pwolnodekono. Nemi Gooti pwolnodo su tool yiuwi'nokai tonyu yokwollosuno sumaiyokwe aki yiuwi'nokai su tonyu jukwo wimo'nodowodekono. Toro toolluno yovo tov nevu ilomoropiyo'moneyokwe yomjomwekovla'mdowadonogano. Aki nemi Aguto tool yiuno pwolnodekono. Su tool Jisas Kraisol kwekono. Nemi Aguto su toollu'aro Gooti tool yiuwi'nokai tonyu sokwollosokaikono. Aki toro toollu'aro Gooti tool nemi aiyo nekullaboduke tokwe yomjomwekovla'mdowadonogano. Kuudo yaullokwenogano.

2 Koorin 11:4

Moro luko yodumdo su tovino kavlo tov arokwono. Nevu sumdomgu Jisaseke'aro gamoro kuuguudo sugudo tokwe'aro Gooti toolluro Kuullo tooke'aro tonyuno pi'mwono me'no amodekumollajuuwonogano. Toro kuvi kuruv lukomgu a'mwo pworo bodupu kuunano aro tomgu'aro modekumollodupudorogano. Gabovo Jisasolluno tokwe'aro kuuguudo sugudo gabovo tokwe'aro kuullo gabovo pwolluno tokwe'aro tonyuno modekumollodupudorogano. Toro modekumollodopure tonyuno kevu ilaiyo to'no molloma'dupudogaikikono.

2 Koorin 3:5

Neya duu'nyulo. Nevu aro kuudo miyaullokwenogano. Oo nevnokwenolluro jurogudo tokwe Gooti toolluro womdo tovi jumwakuuwono. Miyaullokwenogano. Toro kwonol kuruv aro kuudo to'no yaullokwenogano. Oo yiuno Gooti gavnokwe toolluro jurogudo nekubweyoduke tokwe womdo su tov kuvinono yodowadonoldeyo. Kuudo yaullokwenogano.

Galesiya 3:13

Toro te nevu Moosesolluro loowo su tovi kisuvolo me'no yodowore tonollu Gooti tool kaiyako sanekullugolowo'jujukekono. Toro kuvi kuruv nemino tov kaiyako nomapiyokwe Krais tool aro abiyonekumorabokaikono. Krais su tool nemoro aiko toru malluno sumaiyokwe i'noguropte tovi ilejuku'na'duke toollu Gooti tool kaiyako sugolokaikono. Su toro tovino Gooti toolluro yogalo puruv aro sakwollungikokwono. “Yiuwi'nokai a'mwo iko te sulejuku'napi toorai Gooti tool kaiyako igolodowodorogano.” Sakwollungikokwono.

Adodolukuu'nosungiko 1:10

Toro te Aguto toollu ilomoropiyo'moneyokwe iruko tollugwoji Gooti toolluro Kuullo tool jurogudo nubweyo'moneyokwe mi yiunokuudo aullo'movanuwopiyokaikono. Toro kuullo'movanuwopiyoduke kuga'gwo kuuno moro buulo tomuuda'ai yogaimaguurai puruv deko guureji doduke tovi kuu'nonyugono. Yogaimaguurai su tov biugel guureji ki'nodowodo to'busuko tovi kuu'nonyugono.