Matyu 19:17 - Salt-Yui

¹⁷ Dungure Yisas yali yu ditongwi, “Tal ta wai dungwo iwe, talongwo sirin bol na tene? God tani weniga wai momia. Ni mol pananga bani parala di pinanga, God krehaman ha para weni wine olere a i si wayo.”

Matyu 19:17 ပူးပေါင်းရင်းမြစ်များ

Nu si Rom olungwo 10:5

Ena hongebe weni yal Moses God honagi yal momua. Molere ha ta yu di emiraya, “Ari yal tau God krehaman ha para muru wine onaminga hanere, amane dime dire mona di na tomua dimirawa. Dimiraba, yal ta God krehaman ha para weni wine onangwo ari ta molkimia, ha hobi oun de pamua.” Lev 18:5

Yems 1:17

Tal wai para weni ganba bani ire nere are monga i, God pirari pare ya moni ni tomia, tal nigi dongwo onana dire kraun sikimua. Ya moni ni tongwo yal God iwe, ari haba kulmona au di ni tongwo hobi ol e ni tere hobang momia. Molere au di na tongwo hobi haung ta u terewa sire au di na tekimba, God haung haung au di na tomua.

1 Yon 4:16

Pangwo ipire God yong miling na tongwo i hanere pir po siminua. Ena yong miling tongwo maing hobang bling memini weni God tani momua. Mongwo ipire ari yong miling te wangwo yali, pi God tege engure, te God u yali yong wu bimia kina si daule moli omua.