1 Korin 11:3 - Salt-Yui

³ Ni agir hobi winimbi ni kene ongure, Kraist yagir hobi kene ongure, te God Kraist kene ol tomua.

1 Korin 11:3 ပူးပေါင်းရင်းမြစ်များ

Matyu 28:18

Simba Yisas mala ure yu ditongwi, “God yulang para weni hamen pire ganba pire nan na te pa dimia.

Yon bol engwi 14:28

Na ni aidole ere nalga pi mole hon siina diralga pamua, digiwe, ha gobari di ni te i uga pir pisolinua. Nabe obilga mo hora kungwo yali na molga pire ni yalhobi na nomani na te uni sina dama, Abe mongwo bani nala diga ipire yon milni wai pir na tenanba.

1 Korin 3:23

Ire monga iwe, ni arihobi hobani Kraist momio, te Kraist hobang God momua.

Epesas 4:15

Nan ari hobi yona milna tere ha pangwo mere di ba bol tenaminga pamua. Kraist nan yalhobi bina a holo simua. Sungure nan yalhobi Kraist gamahobo mominua. Mominga ipire Kraist pir tominga hobi imu dire bina tani Kraist momua.

Kolosi 1:18

Kraist iwe, ari nomani pangwo meri momia, nan Kraist grang wine ole doling bominga hobi gaung dungwo meri mominua. Mominga hobi, yali bling memini hong yal mongure nan gamahobo mominua. Gole airungwo hobi Kraist homa e tere airimia, nan doling bonaminga airaminua. Ari ya, talhan para weni pai ongwo hobi, Kraist tani mo hora kumua.

Kolosi 2:19

Ware nan hobana bling memini yal Kraist nan nomani si piminga meri mole ol wai ol na tomia dire obil pir tominga ha i, yalhobi aidolimua. Nomani paikinangwo ana kebena gauna i pera dire honagi onamno? Ta olkinaminga pamba, Kraist nomani si piminga meri momia, mole kene ol na tongure, kebering aling guling gorani han holgi dungure pi si daule mama weni dungwo meri, Kraist gamahobo mominga hobi mominua. Momingiwe, Kraist gaung seba bole bir danangwo meri nan pir tominga i nimni monaminua. Mole God nan ol wanama di pungwo meri, wine ole ol ware moli pire u wai naminua.

Kolosi 3:18

Ena al hobo, winimbi grang wine ole molio. Monangiwe, ha maing pungwo ari memini pangwo meri wine ole moli nanga pamua.

1 Pita 3:1

Ena ari hobang grang ha wine ongwo meri, ni alhobi winimbi hobani momia ha dinangwo wine olo. Wine onanga winimbi God ha maing pirikimia, ni ha ta dikinanba, ol wananga maing winimbi han po sire wai pire nomani si kulu sire ha maing pir tenamua.