تیتوس 3:9 - کتاب مقدس به زبان کردی جنوبی - گویش کلهوری

⁹ وەلێ له قسیه و باسیل گیلگەوجانه، له بنەچەکیل، له جیایی خستن و له مرافەیلێگ که له باوەت شەریعەته دویرەو بگر، چوینکه ئی چشتیله پویچه و هویچ نیەتیەرزێد.

تیتوس 3:9 ပူးပေါင်းရင်းမြစ်များ

یەکم قورنتییل 13:2

ئەگەر هێز نەبوەت بیاشتوم و گشت رازیل خودا و ماریفەت بزانم و ئەوجورە ئیمان تەمامێگ بیاشتوم که بتویەنم کویەیل جاوەجا بکەم، وەلێ مابەت نیاشتویم، هویچ نیم.

یەکم قورنتییل 8:1

له باوەت خواردەمەنی پیشکەشی وه بتیل: زانیمن که «گشتمان ئایەمیل زاناێگیم.» وەلێ زانایی بوده بایس لویتبەرزی، وەلێ مابەت، بنیاد نێ.

یەکم نامەێ تیموتاوس 4:7

توی وه مەسلەتیل پویچ و هامیته وه کفر و حکایەتیل کێوانویل کارد نود، بەڵکەم خوەد له خوداپەرەسی تەربیەت بکه.

دویم تیموتاوس 2:14

ئیانه یەێ‌سەر باره هویرێان و وه لاێ خودا دەستور بیه پێان که وه مل کەلیمەیل دەمقاڵ نەکەن، که بێجگه له بێن چێن ئەوانه که گوش گرن بارێگ تر نێرێ.

دویم تیموتاوس 2:16

له قسیەیل مفت و وەدەردنەخوەر پارێز بکه، که هەر چێ فرەتر ئایەم وەرەو خودانەناسی کیشێد.

دویم تیموتاوس 2:23

له باسیل پویچ و وه ڕوی نەفامی دویرەو بگر، ئەڕا ئیه که زانی شەڕیلێگ هەڵگڕنێد.

تیتوس 1:14

وه مەسلەتیل جویلەکە و حوکمیل مەردمی که له ڕاسی هەڵوگەردیانه، گوش نەتەکنن.

یاقوب 4:1

ئی شەڕیل و مرافەیل ناودانه له کوره سەرچاوه گرن؟ مەر ئیه نیه که هەواوهەوەسیلدان له ناودان چینەسه گژ یەکەو؟