تیتوس 3:7 - کتاب مقدس به زبان کردی جنوبی - گویش کلهوری

⁷ تا وه فیز ئەیو سالحان وەحساو بایم، وه ڕوی ئمید زنەیی ئەبەدی، بیمنه میراتی خوەریل.

تیتوس 3:7 ပူးပေါင်းရင်းမြစ်များ

ئنجیل مەتا 25:34

ئمجا پادشا وه ئەوانه که هانه لاێ ڕاسی ئویشێ: ”بان، ئێ ئەوانه که له باوگم بەەرکەت گردینه، ئەو پادشاییه که له دامەزرانن جهانەو ئەڕادان گورجەو بوی وه میرات بوەنێ.

مەرقوس 10:17

وەختێ عیسا کەفته ڕێ، پیاێگ وه دەودەوان هات، وه نوای زرانی دا زەوی و پرسی: «ماموستا خاسەگه، چه بکەم تا بومه میراتی خوەر زنەیی ئەبەدی؟»

رومیەگان 11:6

وەلێ ئەگەر له ڕێ فیز بود، دی وه پێ کردەوه نیه؛ ئەگەرنه فیز دی فیز نیه. وەلێ ئەگەر له ڕێ کرده‎وه بود، دیتر وه ڕوی فیز نیه، ئەگەر نه کردەوه دیتر کردەوه نیه.

رومیەگان 3:24

وەلێ وه فیز ئەیو که مینیده خەڵاتێگ، له ڕێ ئەو ڕزگاریه که ها ناو مەسیح عیسا، سالحان وه حساو تیەن.

رومیەگان 3:28

وەبونەێ ئیه که ئیمه وه ئیه باوەڕ دێریم که ئنسان له ڕێ ئیمان و جیا له وەجێ هاوردن کردەوەێ شەریعەت، سالحان وه حساو تێد.

رومیەگان 4:16

وه ئی بونەسه که واده پاڵەو داسه ئیمان تا وه پێ فیز بود و زمانەتێگ بود ئەڕا گشت نەتەوەێ ئێبراهیم، یانێ نه تەنیا ئەڕا ئەوانه که کەفتنەسه شون شەریعەت، بەڵکەم هەر ئیجوریشه ئەڕا کەسیلێ که وەناو ئیمان ئێبراهیمیش که باوگ گشتمانه، بەشدارن.

رومیەگان 4:4

ئێرنگه کەسێگ که کار کەێ، حەقدەسەگەێ خەڵاتی وه حساو نیەتێ، بەڵکەم حەقیه.

رومیەگان 8:17

ئەگەر ڕوڵەیلیم، جا میراتی خوەریش هیمن، یانێ میراتی خوەریل خودا و هاومیراتی مەسیح. وه ئی مەرجه که ئیمه وەگەرد ئەیو عەزاو بکیشیم تا ئیمەیش وەگەردیەو جەڵاڵ پەێا بکێم.

یەکم قورنتییل 6:11

بڕێگ لەلێدان جاران ئیجوره بین، وەلێ وه ناو عیسا مەسیح خوداوەند و له ڕێ روح خودامان شوریاینه، تەقدیس کریاینه و سالحان وه حساو هاتینه.

نامه وە غەلاتییل 2:16

وه ئی حاڵەو زانیمن که ئایەم وەگەرد کردەوەێ شەریعەت سالحان وه حساو نیەتێ، بەڵکەم وه پێ ئیمان وه عیسا مەسیح سالحان وه حساو تێ. جا خوەمانیش وه مەسیح عیسا ئیمان هاوردیمنه تا وەگەرد ئیمان وه مەسیح، سالحان وه حساو بایمن نه وەگەرد کردەوەێ شەریعەت، چوینکه وەگەرد وه جێ هاوردن کردەوەێ شەریعەت کەسێگ سالحان وه حساو نیەتێد.

نامه وە غەلاتییل 3:29

ئەگەر ئیوه هن مەسیحین، جا نەتەوەێ ئێبراهیمین و له ڕوی واده، میراتیخوەریش هەین.

نامه وە غەلاتییل 4:7

وه ئیجوره دی خوڵام نید، بەڵکەم کوڕی؛ ئەگەر کوڕی، جا خودا تو کردێەسه میراتیخوەر.

دویم تسالونیکییل 2:16

با خود خوداوەند ئیمه عیسا مەسیح و باوگ ئیمه خودا که ئیمه مابەت کرد و له ڕێ فیز دڵگەرمی ئەبەدی و ئمیدێگ خاس بەخشیه پێمان،

تیتوس 1:2

ئی ڕاسیه وه پێ ئمید وه زنەیی ئەبەدیه که خوداێگ که هەراێهەر درو نیویشی، له ئەزەڵ وادەێ داسه پێمان و

تیتوس 2:11

چوینکه فیز خودا ئاشکرا بیه، فیزێگ که ئەڕا گشت مەردم نجات تیەرێ و

تیتوس 2:13

چەوەڕێ ئەو ئمید بمارکمانه بویمن یانێ ئاشکرا بوین جەڵاڵ خوداێ گەورامان و نجات دەر ئیمه عیسا مەسیح.

عبرانییل 1:14

مەر ئەوانه گشتێان روحیل خزمەتکار نین که کل کریەن تا وه میراتی خوەریل نجات، خزمەت بکەن؟

عبرانییل 11:7

وه ئیمان بی که نوح وەختێ که له لاێ خوداوه له باوەت هەڵکەفتیلێ که تا ئەو وەخته نوینریاوید هەڕەشه دریاده پێ، وه ترس و حرمەتەو ئەڕا نجات بنەماڵەگەێ خوەێ کەشتی درس کرد. ئەوه وه ئیمان خوەێ دنیا ماکوم کرد و بیه میراتی خوەر ئەو سالح بوینه که له ڕێ ئیمان تێد.

عبرانییل 11:9

وه ئیمان بی که ئەوه چی تا وەناو میلکان واده دریاێ، وەناو وڵات غەریو هەر جور بیگانەێگ زنەیی بکێ و وەگەرد ئەسحاق و یاقوب که وەگەردیەو میراتیخوەر هەر ئەو واده بوین، وەناو دەواریل زنەیی کرد.

عبرانییل 6:17

هەر ویجوره، خودا وەختێگ تواس ئامانج نەگوڕیای خوەێ وه میراتیخوەریل واده خاس ئاشکرا بکێد، ئەوه وەگەرد قەسەمەو زەمانەت کرد،

یاقوب 2:5

برایل عەزیزم، گوش بگرن! مەر خودا دەستەنگیل ئی جهانه هەڵنەوژاردیه تا وەناو ئیمان دەوڵەمەن بون و پادشایێگ وه میراتی بوەن که ئەیو وه ئەوانه که دوسی دێرن، واده داس؟

یەکم پتروس 3:7

هەر وه ئیجور، ئیوەیش ئێ شوییل، وەناو زنەیی وەگەرد هاوسەریلدان دەرکێان بکێن و حرمەتیان بگرن جورێگ که چماێ ئەوانه دەفریل نازکیگن، ئەڕا ئیه که وەناو فیز ژیان وەگەرددانەو هاومیراتین، تا نوای دوعایلدان نەگرید.