تیتوس 3:5 - کتاب مقدس به زبان کردی جنوبی - گویش کلهوری

⁵ ئەیو نجاتمان دا. وەلێ ئی نجاته وه سەوەو کاریل سالحانێگ که ئیمه وەجێ هاوردویمن، نوی بەڵکەم له ڕوی بەزەیی ئەیو و شوردن دڵ ئیمه بی که له ڕێ ئەوه، روح‌القودوس وه دنیا هاتن تازه و زنەیی تازه بەخشیه پێمان.

تیتوس 3:5 ပူးပေါင်းရင်းမြစ်များ

ئنجیل مەتا 3:11

«مه ئەڕا توبه کردن، وەگەرد ئاو تەعمیددان دەم؛ وەلێ ئەوه که وەشون مه تێدن له مه تویەناتره و مه تەنانەت شایسه نێیم کەوشەگانی ئەڕاێ هەڵبگرم. ئەیو وەگەرد روح‌القودوس و ئاگر تەعمیددان دەێ.

لوقا 1:50

بەزەیی، پشت تا پشت، ئەڕا گشت کەسیلێگه که زاورێانه لێ چود.

لوقا 1:54

خوداوەند رامەت خوەێ هاورده هویر و خزمەتکار خوەێ قەوم ئێسرائیل مەیەت داس،

لوقا 1:72

تا ئەو بەزەیێه که وه باپیریلمان واده داوی وه جێ بارێ و پەێمان موقەدەس خوەێ بارێده هویر؛

لوقا 1:78

چوینکه خوداێ ئیمه دڵی پڕ له رامەته، که وه ئی بونه ڕوشنایی دەم شەوەکی له بەرزایی ئاسمانەو وه ئیمه دروشێدەو.

رومیەگان 11:14

تا یە جورێگ هاونژادیل جویلەکەم بارمه سەر غیرەت و ویجوره بڕێگیان نجات بێەم.

رومیەگان 11:6

وەلێ ئەگەر له ڕێ فیز بود، دی وه پێ کردەوه نیه؛ ئەگەرنه فیز دی فیز نیه. وەلێ ئەگەر له ڕێ کرده‎وه بود، دیتر وه ڕوی فیز نیه، ئەگەر نه کردەوه دیتر کردەوه نیه.

رومیەگان 12:2

شێوەێ ئی جهانه نەگرنه خوەدان، بەڵکەم وه نو کردن زەین خوەدان، ئاڵشت بون. ئەوسا تویەنین بزانین که خاست خودا چەس؛ خاست خاس و پەسەن کریا و کامڵێ.

رومیەگان 3:20

چوینکه وەگەرد وه جێ هاوردن کردەوەێ شەریعەت هویچ بەشەرێگ له وەر چەو خوداوه سالحان وه حساو نیەتێید، چوینکه شەریعەت له باوەت گونا ئاگادارمان کەێد.

رومیەگان 3:28

وەبونەێ ئیه که ئیمه وه ئیه باوەڕ دێریم که ئنسان له ڕێ ئیمان و جیا له وەجێ هاوردن کردەوەێ شەریعەت، سالحان وه حساو تێد.

رومیەگان 4:5

کەسێگ که کار نیەکێ، بەڵکەم پشت داسه خوداێگ که خودانەناسیل سالحان حساو کەێ، ئیمانێ ئەڕاێ سالح بوین وه حساو تێی.

رومیەگان 9:11

- ئەڕا ئیەک ئامانج خودا وەناو هەڵوژاردن بەردەوام بمینێ، نه وەبونەێ کردەوه، بەڵکەم وەبونەێ ئەیو که دەنگ کەێد - وەرجه ئەوه که مناڵیلێ بانه دنیا، یا کار خاس یا خراوێگ بکەن

رومیەگان 9:16

جا وه خاست یا تەقالا کردن ئایەم نیه، بەڵکەم وه خوداێگه که بەزەیی کێ.

رومیەگان 9:30

جا چه بویشیم؟ ناجویلەکەیلێگ که وەشون سالح بوین نوین، ئەوه وه دەس هاوردنه، یانێ ئەو سالح بوینه که له ڕێ ئیمان وه دەس تێی؛

یەکم قورنتییل 6:11

بڕێگ لەلێدان جاران ئیجوره بین، وەلێ وه ناو عیسا مەسیح خوداوەند و له ڕێ روح خودامان شوریاینه، تەقدیس کریاینه و سالحان وه حساو هاتینه.

نامه وە غەلاتییل 2:16

وه ئی حاڵەو زانیمن که ئایەم وەگەرد کردەوەێ شەریعەت سالحان وه حساو نیەتێ، بەڵکەم وه پێ ئیمان وه عیسا مەسیح سالحان وه حساو تێ. جا خوەمانیش وه مەسیح عیسا ئیمان هاوردیمنه تا وەگەرد ئیمان وه مەسیح، سالحان وه حساو بایمن نه وەگەرد کردەوەێ شەریعەت، چوینکه وەگەرد وه جێ هاوردن کردەوەێ شەریعەت کەسێگ سالحان وه حساو نیەتێد.

ئەفسوسیێل 2:4

وەلێ خوداێگ که وەناو بەزەیی کردن دەوڵەمەنه، وەبونەێ مابەت فره گەوراێ خوەێ که وه ئیمه داشت،

ئەفسوسیێل 4:23

باێه وەناو روح فکریلدان تازەوه بوین و

ئەفسوسیێل 5:26

تا ئەوه وەگەرد ئاو کەڵام خودا بشورێد و پاک بکێ و تەقدیس بکێ،

نامه وه کولوسییل 3:10

و ئایەم تازه کردینەسه وەردان، که وەناو ماریفەت ڕاسەکانی دێرێ تازەوه بود تا وێنەێ درسکەرگەێ خوەێ دەر باێد.

دویم تیموتاوس 1:9

هەر ئەو خوداێگ که ئیمه نجات داس و ئەڕا زنەیی موقەدەس دەنگ کردێه. ئیه نه وه سەوەو کاریل ئیمه، بەڵکەم وه خاتر خاست و فیز خود ئەیوه، فیزێگ که وه ناو مەسیح عیسا له ڕوژگاریل ئەزەڵ وه ئیمه بەخشا،

تیتوس 3:4

وەلێ وەختێ مێرەبانی و ئنساندوسی نجات دەر ئیمه، خودا ئاشکرا بی،

عبرانییل 10:22

باین تا وه دڵێگ ڕاس و دڵنیایی تەمام ئیمان، نزیک خودا بویمن، وه حاڵێگەو که دڵیلمان له وژدان خراو پاکەو بویه و جەسەیلمان وەگەرد ئاو پاک شوریاس.

عبرانییل 4:16

جا باین وه دڵنیاییەو وه تەخت فیز نزیکەو بویمن تا بەزەیی باێده پێمان و فیزێگ وه دەس باریم که له وەخت هەوەجی، مەێەتمان بێید.

عبرانییل 6:6

وەشونێ له ئیمان کەفتنه، مەحاڵ ئەوانه یەێ جارتر وەرەو توبه هاورد، ئەڕا ئیه که وه زیان خوێان، کوڕ خودا وه دواره کوتنه بان سەلیب و ئەیو وه نوای چەو گشت‎یەکی بی حرمەتەو کەن.

یەکم پتروس 1:3

پڕ بمارکه خودا، باوگ خوداوەند ئیمه عیسا مەسیح که بەنا وه بەزەیی فره گەوراێ خوەێ، سەوەو بیه تا وه وەسلەێ زنیەو بوین عیسا مەسیح له مردگیل، ئیمه له نو بایمنه دنیا، ئەڕا ئمیدێگ زنی،

یەکم پتروس 2:10

وەرجه ئیه قەومێگ نوین، وەلێ ئێرنگه قەوم خوداین؛ زەمانێگ له بەزەیی ماروم بوین، وەلێ ئێرنگه بەزەیی هاتیەسه پێدانەو.

یەکم پتروس 3:21

جا ئەو ئاوه نمونەێ خوسڵ تەعمیدێگه که ئێرنگه ئیوه نجات دەێ، تەعمیدێگ که پاکەو کردن چەپەڵی له جەسه نیه، بەڵکەم داواکاریگ له خوداس ئەڕا وژدانێگ پاک. ئی تەعمیده که له ڕێ زنیەو بوین عیسا مەسیح ئیوه نجات دەێ،