تیتوس 3:2 - کتاب مقدس به زبان کردی جنوبی - گویش کلهوری

² له باوەت کەسێگ خراو نویشن و له دەمقاڵ دویرەو بگرن و دڵنەرم بون و رێ رەوشتێان وەگەرد گشت مەردم وه حرمەتەو بود.

تیتوس 3:2 ပူးပေါင်းရင်းမြစ်များ

ئنجیل مەتا 11:29

هویەێ مه بخەنه ملدانەو له مه تالیم بگرن، چوینکه مه ئارام و دڵنەرمم و ئیوه وەناو گیان خوەدان ئاشاسێگ پەێا کەین،

کاریل ڕەسولەیل 23:5

جا پولوس وەت: «برایل، نیەزانستم ئیه کاهن گەوراس؛ چوینکه وەناو کتاو موقەدەس نویسریاس: ”وه ڕابەر قەومەگەد خراو نویش.“

یەکم قورنتییل 6:10

دزیل، تەماکاریل، سەرخوەشیل، خراو‎دەریل و فێڵبازیل نیەونه میراتیخوەر پادشاێ خودا.

یەکم قورنتییل 9:19

چوینکه هەرچەن له گشتیەکی ڕزگارم، خوەم خوڵام گشتیەکی کردم تا قێر فرەێگ وه مەسیح ئیمان بارن.

دویم قورنتییل 10:1

من، پولوس، وه ڕوی نەرمی و مێرەبانی مەسیح له لێدان توام - وه پێ وتار بڕێگیدان، وەختێ لەلادان نیم بێ فیسم و وەختێ هامه لادان تنم! -

دویم قورنتییل 12:20

چوینکه له ئەوه ڕخم چود وەختێ بامه ئەڕا لادان ئەوجورە که توام، نوینمەدان و ئیوەیش ئەوجورە که تواین، نوینینەم. نەکێ وەناودان مرافه، حەسویی، توڕه بوین، دشمەنی، بخت کردن، خوسپ کردن، لویتبەرزی و شل شێویایی بوینم.

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

نامه وە غەلاتییل 6:1

ئێ برایل، ئەگەر کەسێگ تویش خەتاێگ هات، ئیوه که ئایەمیل روحانیگین باێه ئەوه وه یەێ روح ئارامێگەو وه ڕێ ڕاس هەڵوگەردنین. هوشدانه خوەدانەو بود نەخواێ ئیوەیش بخەلەتێین.

نامه وە غەلاتییل 6:10

جا تا دەرفەت دێریم بان تا وه گشتیەکی خاسێ بکێم، وه تایبەتی وه کەسیلێ که وه مەسیح ئیمان دێرن.

ئەفسوسیێل 4:2

وه تەمامی بێ فیسی و نەرمی؛ وەگەرد سەور وەناو مابەت یەکترەکی تاموڵ بکێن.

ئەفسوسیێل 4:31

هەر جور تیەڵی، توڕەیی، کەفلەهەرزی، هاوار کردن، بخت کردن و هەر جور دڵپێسی له خوەدان دویرەو بکەن.

نامەێ فیلیپییل 4:5

بیلن تا خوەشڕوییدان ئەڕا گشتیەکی ئاشکرا بود. هاتن خوداوەند نزیکه.

یەکم تسالونیکییل 2:7

وەلێ هەر جور داڵگێگ که هێوەت مناڵیلی کەی، وەگەرددانەو‎ وه نەرمی رێ رەوشت کردیمنه.

یەکم نامەێ تیموتاوس 3:11

هەر وه ئیجور، ژنیلیانیش باێه سەنگین ڕەنگین بون و نه بختکەر، بەڵکەم هوشیار بون و وه گشت چشتێگ وەفادار بون.

یەکم نامەێ تیموتاوس 3:3

نه سەرخوەشکەر یا زورگو، بەڵکەم دڵنەرم، نه مرافەکەر یا پویل دوس.

یاقوب 3:17

وەلێ ئەو زانیاری که له ئاسمانه، یەکم جار پاکه، ئمجا ئاشتیخوازه، نەرم و ئاموژیاری گوشدەره، نیقەڵتوز له بەزەیی و بەریل خاسه، دویر له دوچەوەکی و دوڕوییه!

یاقوب 4:11

ئێ برایل، خراوی یەکترەکی نەویشن. هەر کەس له براگەێ خوەێ خراو بویشی، یا براگەێ خوەێ ماکوم بکێ، وه ڕاسی وه شەریعەت خراو وەتیه و شەریعەت ماکوم کردێه. وەلێ ئەگەر توی شەریعەت ماکوم بکێ، دیتر نه وەجێ هاوەر شەریعەت، بەڵکەم داوەر ئەویده!

یەکم پتروس 2:1

جا هەر جور دڵپێسی و هەر جور فێڵ و دوڕویی و حەسویی و هەر جور بختێگ له خوەدان دویرەو بکەن.

یەکم پتروس 3:10

چوینکه، «هەر کەسێگ تواێ ژیان دوس بیاشتود و ڕوژیل خاس بوینێد، باێه زوانی له خراوی و لێوێ له قسیەیل فێڵبازانه بپارێزنێد.

یەکم پتروس 3:8

دەس ئاخر، گشتدان یەێ فکر و هاودەرد بون و مابەت براێانه بیاشتون و دڵسوز و بێ فیس بون.

یەکم پتروس 4:4

وه ئی بونه، وەختێ که وەناو ئی بی بەن و باریەل بی حساو وەگەرد ئەوانه هاوبەش نیەوین، سەریان سڕ مەنیه و دژمین دەنه پێدان.

دویم پتروس 2:10

وه تایبەتی ئەوانه که خوێان وەناو شاوەت هەواوهەوەسیل پێسکەر وێڵ کەن و دەسڵات سوک وه‎ حساو تیەرێن. ئیانه ئەوجورە کەلەڕەقن و لویتبەرز که له کفرکردن وه گەورایل ئاسمانی رخێان نیەچود؛

یەهودا 1:10

وەلێ ئی ئایەمیله وه گشت ئەو چشتیله که نیەفامن خراو دەن و گشت ئەو چشتیلی که جور گیانەوەریل بێ فام، له ڕوی سریشت فامن، هەر ئەوەیشه بوده سەوەو له بین چیێنیان.

یەهودا 1:8

وی حاڵه، هەر ویجوریشه ئی ئایەمیله که پشت بەسانەسه خەویلێگ که دوینن، جەسەێ خوێان ناپاک کەن و دەسڵات خوداوەند ڕەد کەن و وه گەورایل پڕ جەڵاڵ ئاسمانی کفر کەن.