تیتوس 2:10 - کتاب مقدس به زبان کردی جنوبی - گویش کلهوری

¹⁰ له ئەوانه دزی نەکەن، بەڵکەم باێه ئیمان خاس وه تەمامی نیشان بێەن تا ئیجوره وه گشت چشتێگ ڕەنگینی تالیمێگ که له باوەت نجات دەر ئیمه خوداس، وه خاسێ نیشان بێەن.

تیتوس 2:10 ပူးပေါင်းရင်းမြစ်များ

ئنجیل مەتا 24:45

«جا ئەو خوڵام ئەمین و زانا کیه که ئەرواوەگەێ ئەوه ناسه بان سەر ئاڵ ماڵەگەێ تا له وەخت خوەێ نانەگەیان بێی؟

ئنجیل مەتا 5:16

هەرئیجوره بیلن نویردان ئەڕا مەردم بدرەوشێد تا کردەوەیل خاسدان بوینن و باوگدان که ها ناو ئاسمان، جەڵاڵ بێەن.

لوقا 1:47

روحم وەبونەێ نجات دەرم خودا، کەیف و خوەشی کەی،

لوقا 1:80

مناڵەگەیش گەورا بویاد و وه روحەو، قەوەت گردیاد، تا ئەو ڕوژه که خوەێ وه قەوم ئێسرائیل ئاشکرا بکێ، له چوڵەوانی مەن.

لوقا 16:10

«کەسێ که وەناو کاریل بویچگ ئەمین بود، وەناو کاریل گەورایش ئەمینە، کەسێگیش که وەناو کاریل بویچگ ئەمین نود، وەناو کاریل گەورایش ئەمین نیه.

یوحەنا 12:6

یەهودا ئیه نه وەبونەێ دڵسوزی ئەڕا کەمدەسیل وەت، بەڵکەم وەبونەێ ئیه که دز بی؛ کیسەێ پویل خەرجیەگەیان وه دەس ئەوه بی و له پویلێگ که هیشتیانه لاێ، دزی کردیا.

یەکم قورنتییل 4:2

جا ئێرنگه باێه کاروەدەس ئەمین بود.

ئەفسوسیێل 4:1

جا من که وەخاتر خوداوەند هامه زندان، لاڵکمه پێدان وه لەونێگ زنەیی بکێن که شایسەی داوەتێگ بود که ئیوه ئەڕاێ دەنگ کریاینه،

نامەێ فیلیپییل 1:27

تەنیا لەلێدان توام که ڕێ رەوشت زنەییدان شایسەێ ئینجیل مەسیح بود تا ئیجوره، چ بام بوينمەدان و چ له ئەوره نەوم، له باوەت ئیوه بشنەفم که وەناو یەێ روح قورس وساینه و وه یەێ فکر، شان وه شان یەک ئەڕا ئیمان ئینجیل تەقالا بکێن و

نامەێ فیلیپییل 4:8

ئاخرسەر، ئێ برایل، هەر چشتێ که ڕاسه، هەر چشتێ که حرمەت دێرێ، هەر چشتێ که درسه، هەر چشتێ که پاکه، هەر چشتێ که بود دوسی بیاشتوین و هەر چشتێ که تاریفیه. ئەگەر چشتێ هەس که فره خاسه و ئەگەر چشتێ هەس که تیەرزێ ستایشێ بکێ، وه ئی چشتیله فکر بکێن.

یەکم نامەێ تیموتاوس 1:1

له پولوس که وه حوکم نجات دەر ئیمه خودا و ئمیدمان مەسیح عیسا، ڕەسول مەسیح عیساس؛

یەکم نامەێ تیموتاوس 5:17

شێخیلێگ که خاس ڕابەری کردوین، شایسەێ حرمەت دو ئەوقرەنه، وه تایبەتی ئەوانه که له کار بانگەوازی و تالیم زامەت کیشن.

یەکم نامەێ تیموتاوس 6:1

ئەوانه که هانه ژێر هویەێ خوڵامی، باێه ئەرواویل خوێان خاس حرمەت بگرن تا مەردم لەباوەت ناو خودا و تالیم ئیمه خراو نویشن.

یەکم نامەێ تیموتاوس 6:3

ئەگەر کەسێگ جورێگ تر تالیم بێید وەگەرد وتار درس خوداوەندمان عیسا مەسیح و تالیم خوداپەرەسانه یەکی نود،

تیتوس 1:3

له وەخت مناسو، ئەو واده ئاشکرا بی، وەناو پێخامێگ که جار داینێ وه دەستور نجات دەر ئیمه خودا، وه من سپاریاد؛

تیتوس 3:4

وەلێ وەختێ مێرەبانی و ئنساندوسی نجات دەر ئیمه، خودا ئاشکرا بی،

یەکم پتروس 2:12

کردەوەدان وەناو بی ئیمانیل وه حرمەتەو بود تا وه ئیجوره وەختێگ که وه زد ئیوه قسیه کەن و ئویشن کردەوەدان خراوه، کاریل خاسدان بوینن و وەناو ڕوژی که خودا دوینن، جەڵاڵی بێەن.

یەکم پتروس 3:16

وژداندان پاک بپارێزنن تا کەسیلێگ که له ڕێ رەوشت خاس ئیوه وەناو مەسیح، خراو ئویشن له خراو وەتن خوێان شەرمزارەو بون.

دویم یوحەنا 1:9

هەر کەسێگ له تالیم مەسیح پا بنێه ئەولاتر و وەناوێ نیشتەجێ نود، خودا نێری. ئەوه که وەناو ئەو تالیمه نیشتەجێه، هەم باوگ دێرێ و هەم کوڕ.