تیتوس 1:9 - کتاب مقدس به زبان کردی جنوبی - گویش کلهوری

⁹ ئەوه باێه وه کەڵام دڵنیایگ که تالیم دریاس قورس بلچکێی تا بتویەنێ مەردم وه پێ تالیم درس ئاموژیاری بکێد و هەرئیجوره بخوڕێده مل کەسیلێ که له نوای وسن.

تیتوس 1:9 ပူးပေါင်းရင်းမြစ်များ

کاریل ڕەسولەیل 18:28

چوینکه وه هێزەو وه نوای گشتیەکی وەگەرد جویلەکەیل قسیه و باس کردیا، باوەڕیلێان وەگەرد مدویل قورس ڕەد کردیاد و له ڕێ کتاو موقەدەس سابت کردیاد که عیسا هەر ئەو مەسیح وادەدریایەسه.

یەکم قورنتییل 14:24

وەلێ ئەگەر کەس بی ئیمانێگ یا کەسێگ که له ئی چشتیله خەوەر نێری وەختێ که گشتیەکی دێرن نەبوەت کەن بچوده ناو جەمەگەیان، وه هەر کەلیمه که شنەفێ قانێ بود که گوناکاره و هەر کەلیمه دێرێ داوەری بود،

یەکم تسالونیکییل 5:21

بەڵکەم گشت چشتێگ ئەزمون بکێن؛ قورس بلچکێینه ئەو چشته که خاسه.

دویم تسالونیکییل 2:15

جا، ئێ برایل، بەردەوام بوین و قورس بلچکێینه نەریتیلێگ که چ وه قسیەیلمان و چ وه نامەمان له لێمان یاێ گردین.

یەکم نامەێ تیموتاوس 1:10

خێزیل و نیربازیل؛ بەرده فروشیل، شاێەتیدەریل دروەکانی، هەر ئیجوره ئەڕا هەر کارێگ که وه پێچەوانەێ تالیم درس بود،

یەکم نامەێ تیموتاوس 1:15

حەقه ئی قسیه تەمام و کەماڵ قەبوڵ بود که مەسیح عیسا هاته جهان تا گوناکاریل نجات بێید، که مه گەوراترین ئەوانەمە.

یەکم نامەێ تیموتاوس 1:19

و سفت هەڵبکیده قێ ئیمان و وژدان پاکێگ، ئەڕا ئیه که کەشتی ئیمان بڕێگ وه خاتر ژێر پا ناین ئەوانه شکیاسه ناو یەکەو.

یەکم نامەێ تیموتاوس 4:9

ئی قسیه شایسەێ دڵنیایی و قەبوڵ بوینه کامڵه

یەکم نامەێ تیموتاوس 6:3

ئەگەر کەسێگ جورێگ تر تالیم بێید وەگەرد وتار درس خوداوەندمان عیسا مەسیح و تالیم خوداپەرەسانه یەکی نود،

دویم تیموتاوس 1:13

وەناو ئیمان و مابەتێگ که وەناو مەسیح عیسا پەێا بود، هەر جور نمونەی تالیم درسێگ، بکەفه شون ئەو چشته که له مه شنەفتیدە.

دویم تیموتاوس 2:2

و ئەو چشته که له لاێ شاێەتیل فرەێگ له مه شنەفتی، وه مەردمیل ئەمینێگ بسپار که بتویەنن وه کەسێلێگتر یاێ بێەن.

دویم تیموتاوس 2:25

باێه ئەوانه که له نوای وسن وه دڵنەرمی ڕێنمایی بکێد، وەئی ئمیده که خودا بیلێد تا ئەوانه توبه بکەن و ڕاسی بناسن

دویم تیموتاوس 3:14

وەلێ توی له ئەو چشته که یاێ گردیده و ئیمان هاوردیدەسه پێ بەردەوام بمین، ئەڕا ئیه که زانید ئەوانه له چ کەسیلێگ یاێ گردیده و

دویم تیموتاوس 4:3

چوینکه زەمانێگ تێد که مەردم تاموڵ شنەفتن تالیم درس نێرن بەڵکەم ماموستایلێگ وه دەور خوێان گردەو کەن تا ئەو چشته که گوشیلێان تواێ له ئەوانه بشنەفن و وەگەرد هەواوهەوەس ئەوانه جور دەر تێد و

تیتوس 1:11

ئەوانه باێه دەمکوت بکریەن، چوینکه ئەوانه وەخاتر تەمای سود کردن چشتیلی تالیم دەن که نەبایه تالیم بێەن و ویجوره وه تەمامی خاوخێزانیل فەنا کەن.

تیتوس 2:1

وەلێ تو ئەو چشته که وه ڕوی تالیم درسه، یاێ بیه.

یەهودا 1:3

ئێ عەزیزەیل، ئەگەر چ تاسەێ فرەێگ داشتم تا له باوەت نجاتیگ که وەناوێ بەشداریم ئەڕا ئیوه بنویسم، وەلێ واجو دیم ئیه ئەڕادان بنویسم و بلاڵکمه پێدان که ئەڕا ئەو ئیمانه زورزمەکی بکێن، هەر ئەو ئیمانه که یەێ جار ئەڕا هەمویشه وه ئیمانداریل وه مەسیح سپاریاس.

وەحی وه یوحەنا 2:25

تەنیا ئەو چشته که دێرین قورس بگرن تا وەختێگ مه بام.

وەحی وه یوحەنا 3:11

«و ئی زویه تیەم. ئەو چشته که ديری، قورس بگرێ تا کەسێگ تاجەگەد له لێد نەسنێ.

وەحی وه یوحەنا 3:3

جا ئەو چشته که گردیده و شنەفتیدە، باره هویرد؛ ئەوه بپارێزن و توبه بکه. ئەگەر له خەو هەڵنەڵسێد، جور دزێگ تیەم و نیەزانێد چ ساتێگ تیەمه ئەڕاد.