تیتوس 1:4 - کتاب مقدس به زبان کردی جنوبی - گویش کلهوری

⁴ وه تیتوس، ڕوڵەێ ڕاسەکانیم وەناو ئیمانێگ که نسیو گشتمان بیه: له لاێ خوداێ باوگ و نجات دەر ئیمه مەسیح عیسا فیز و ئاشتی و سڵامەتی وه ملدەو بود.

تیتوس 1:4 ပူးပေါင်းရင်းမြစ်များ

لوقا 2:11

چوینکه ئیمڕو وەناو شار داود پادشا، نجات دەرێگ ئەڕادان هاته دنیا. ئەوه خوداوەند مەسیحه.

یوحەنا 4:42

ئەوانه وه ژنەگه وەتن: «دیتر تەنیا وەبونەێ قسیەێ تو ئیمان نیەتیەریم، چوینکه خوەمان شنەفتیمنه و زانیمن ئی پیا وه ڕاسی نجات دەر دنیاس.»

رومیەگان 1:12

یانێ تا له ئیمان یەکترەکی دڵگەرمەو بویمن، من له ئیمان ئیوه و ئیوه له ئیمان من.

رومیەگان 1:7

وه گشت ئەوانه که وەناو شار روم، خودا دوسیان دێرێ و دەنگ کریانه تا له موقەدەسیل بون: فیز و ئاشتی و سڵامەتی لەلاێ خودا، باوگ ئیمه و خوداوەند عیسا مەسیح، وەگەرددانەو بود.

دویم قورنتییل 12:18

مه له تیتوس تواسم تا باێه ئەڕا لادان و براگەمانیش وەگەردیەو کل کردم. ئێ تیتوس لەلێدان سودجویی کردێه؟ ئێ ئیمەیش هەر وه ئی ڕێ رەوشته زنەیی نەکردیم و هەر ئی کاره نەگردیمنه وەر؟

دویم قورنتییل 2:13

وەلێ وەدواره ئارام و قەرار نیاشتم چوینکه براگەێ خوەم تیتوس نیمەو. جا وەگەرد نیشتەجێیل ئەوره ماڵ‎ئاوایی کردم و چیمه ئەڕا مەنتەقەێ مەقدونیه.

دویم قورنتییل 4:13

وەناو کتاو زەبور نویسریاس: «ئیمان هاوردم، جا قسیه کردم.» هەر ئەو روح ئیمانه وەناو ئیمەیش هەس و ئیمەیش قسیه کەیمن.

دویم قورنتییل 7:6

وەلێ خودا، که دڵنەوایی مات ‎و مەلولیل کێ، وەگەرد هاتن تیتوس دڵنەواییمان کرد و

دویم قورنتییل 8:16

وەلێ سپاس ئەڕا خودا که هەر ئەو ئەزرەتە ناسه دڵ تیتوس که من ئەڕا ئیوه دێرم.

دویم قورنتییل 8:23

له باوەت تیتوس، باێه بویشم که له خزمەت مه ئەڕا ئیوه هاوبەش و هاوکار منه؛ هەرئیجوره له باوەت برایلمانیش باێه بویشم که کل کریاێەگان کلیسایل و جەڵاڵ مەسیحن.

دویم قورنتییل 8:6

وه ئی بونه، له تیتوس تواسیم هەر ئەوجورە که ئی کار خیر دەسدڵوازانه وەناودان شرو کردوی، تا وه ئاخر بویدێ سەر.

نامه وە غەلاتییل 2:3

وەلێ تەنانەت تیتوس که وەگەردمەو بی، هەرچەن یونانی بی، زوره لێ نەکردن تا خەتەنه بود.

نامه وە غەلاتییل 3:26

چوینکه وەناو مەسیح عیسا، ئیوه گشتدان له ڕێ ئیمان، کوڕيل خوداین.

نامه وە غەلاتییل 3:28

دیتر نه جویلەکە مانا دێرێ نه یونانی، نه خوڵام نه ڕزگار، نه پیا نه ژن، چوینکه ئیوه گشتدان وەناو مەسیح عیسا یەکیگین.

ئەفسوسیێل 1:2

فیز و ئاشتی و سڵامەتی له لاێ خودا، باوگ ئیمه و خوداوەند عیسا مەسیح، وه ملدانەو بود.

نامه وه کولوسییل 1:2

وه موقەدەسیل و برایل وەفادار وەناو مەسیح که هانه ناو شار کولوسی: فیز و ئاشتی و سڵامەتی له لاێ خودا، باوگ ئیمه، وه ملدانەو بود.

یەکم نامەێ تیموتاوس 1:12

سپاس خوداوەندمان مەسیح عیسا که وه مه تویەناێ داس و شایسەێ دڵنیایی وه حساو هاورد و وه خزمەت خوەێ هەڵوژارد.

دویم تیموتاوس 1:1

له پولوس، که وه خاست خودا و وه بونەێ وادەێ ژیانێگ که وەناو مەسیح عیسا پەێا بود، ڕەسول مەسیح عیساس،

دویم تیموتاوس 1:2

وه ڕوڵەێ عەزیزم، تیموتاوس: فیز و رامەت و ئاشتی و سڵامەتی له لاێ خوداێ باوگ و خوداوەندمان مەسیح عیسا وه ملدەو بود.

دویم تیموتاوس 4:10

چوینکه دیماس وه بونەێ دوس داشتن ئی جهانه وێڵم کردێه و چیەسه ئەڕا شار تسالونیکی. کریسکیس وەرەو شار غەلاتیه و تیتوسیش چیەسه ئەڕا شار دەلماتیه.

تیتوس 1:3

له وەخت مناسو، ئەو واده ئاشکرا بی، وەناو پێخامێگ که جار داینێ وه دەستور نجات دەر ئیمه خودا، وه من سپاریاد؛

تیتوس 2:13

چەوەڕێ ئەو ئمید بمارکمانه بویمن یانێ ئاشکرا بوین جەڵاڵ خوداێ گەورامان و نجات دەر ئیمه عیسا مەسیح.

دویم پتروس 1:1

له شەمعون پتروس، خوڵام و ڕەسول عیسا مەسیح، وه ئەوانه که وه وەسلەێ درسی خودامان و نجات دەرمان عیسا مەسیح، ئیمانێگ چەنه ئیمان ئیمه وه دەس هاوردنه:

دویم پتروس 1:11

ئەڕا ئیه که وەئیجوره، ئجازەێ کامڵ درێیده پێدان تا بچینه ناو پادشاێ ئەبەدی خوداوەندمان و نجات دەرمان عیسا مەسیح.

دویم پتروس 2:20

چوینکه ئەوانه که وەگەرد ناسین خوداوەند و نجات دەر ئیمه عیسا مەسیح، له ناپاکییل جهان دەرچینه، ئەگەر وه دواره تویش ئەو چشتیله با‎ن و ئەوانه وه سەر ئی ئایەمیله زاڵ بون، ئاخرێان خراوتر له سەرەتاێانه.

دویم پتروس 3:18

بەڵکەم وەناو فیز و ناسین خوداوەند و نجات دەر ئیمه عیسا مەسیح، گەوراوه بین. وه ئەیو له ئێرنگه تا ئەبەد و تا ئەبەد جەڵاڵ بود! ئامین.

دویم پتروس 3:2

تا پێشگویەگان پەێخەمەریل موقەدەس بارینه هویردان و هەر ئیجوره حوکم خوداوەند و نجات دەر که وه وەسلەێ ڕەسولەیل ئیوه وەتریاس.

یەکم یوحەنا 5:14

ئیەسه ئەو دڵنیاییه که له وه ئەیو دێریم که ئەگەر وه پێ خاست ئەیو داواێ چشتێ له لێ بکێم، شنەفیدەمان.

یەهودا 1:3

ئێ عەزیزەیل، ئەگەر چ تاسەێ فرەێگ داشتم تا له باوەت نجاتیگ که وەناوێ بەشداریم ئەڕا ئیوه بنویسم، وەلێ واجو دیم ئیه ئەڕادان بنویسم و بلاڵکمه پێدان که ئەڕا ئەو ئیمانه زورزمەکی بکێن، هەر ئەو ئیمانه که یەێ جار ئەڕا هەمویشه وه ئیمانداریل وه مەسیح سپاریاس.